同男友一齊左一年半 平時都會攬下錫下 有時都會話我着得好好睇好性感 間唔中都會話令到佢有啲扯住扯住咁 又好享受口頭上性騷擾我 有次錫到好high 就摸下我 但係佢竟然話佢摸我冇咩感覺LOL (c cup雖然唔係好大但都算有野摸下掛/_\) 只係覺得kiss好舒服先kiss
最近難得有機會第一次一齊過夜 第一晚 佢話只係想攬住我訓 點知真係勁快就訓着左 第二晚 我係咁撩佢 我又錫又摸佢 成功令到佢硬左陣 佢有kiss得肉緊左 不過過左冇耐 就軟番 之後又自己訓着左 而最後一晚就同第一晚差唔多 攬住我就訓着左
我之後有嘗試問下佢點解冇進一步 佢就話因為佢射會整污糟我喎 平時又會拎"愛我"為理由而停手 我唔敢再追問落去 自問自己條件唔算太差 喺異性朋友眼中算係偏性感 感覺上佢係愛我 雖然佢算係思想有少少保守同埋係乖乖仔 但係應該都未至於一齊過夜都咁冷感掛 咁究竟係咩原因令佢好似冇咩需要？真係會有男仔冇性需要定係佢冇我想像中咁愛我?
