接上文.
話說醫生姐姐開既藥的確唔錯, 我第二日已經冇咩事. 休息期間, 一直盤算唔同既方法去approach 佢. 直接問佢攞電話? 個藥袋上面就有啦, 西醫虞韻兒 (非本名), 電話 2xxxxxxx. 得閒睇多幾次病? 又無必要喎, 又傷荷包. 係佢診所附近用神器 "附近" 下佢? work 喎, 有幾個靚女, 不過個樣都唔似係除咗口罩既佢.
最後, 我想起二戰時期英國首相邱吉爾的名言:
"No such thing as an old way, so long as its OK"
中譯: 橋唔怕舊...至緊要受
多口講多兩句, 個人認為, 一個女人的性感在於, 少量衣衫的覆蓋下讓你有幻想的空間. 而韻兒醫生的性感在於, 1) 眼神, 我鐘意同人溝通既時候既眼神接觸, 而佢大部份時間都會帶著關懷同大愛既眼神去望佢既病人; 2) 口罩, 其實小弟我靚女見唔少, 但係韻兒醫生既口罩係我想繼續認識佢既誘因. 到底佢真人得唔得? 不過就算唔得, 佢雙眼加身材, 還有親切既態度, 已經無得輸.
過兩日我走去復診, 不費吹灰之力過咗Michelle Lo個關後.....
韻兒醫生: 仲有邊度唔舒服嗎?
我: 有, 但講唔出邊度..
韻兒醫生: 咁奇怪, 拉高件衫幫你聽下.
佢再次叫我拉高件衫, 感覺是何等親切.
.......
韻兒醫生: 唔覺你有咩問題喎, 你應該係食咗幾日白粥個人無力啫.
我: 我有聽你講飲寶礦力架.
韻兒醫生: 咁你都要食返D飯至得架, 你無事架啦, 都唔使再開藥俾你.....算啦, 今次我診金都唔收你啦.
我冇聽錯嘛!? 呢種服務態度同精神响今日既香港邊度搵呀? 眼前這位韻兒醫生, 如果唔係好很有錢唔care我兩舊水診金, 肯定係濟世為懷既女版轉生華陀. 我認我因為佢呢句開始對佢有強烈既好感, 想 find out 佢多D野. 不過, 如上文講到橋唔怕舊最緊要受, 而我今次, 係有備而來的.........
晚上, 診所關門前十幾分鐘.
等咗半小時, 終於等到韻兒醫生放工..... e? 佢係唔係病緊? 定係所有醫生都慣性帶住口罩通街走? 仲有點解佢仲未除口罩既? 點都好等咗佢咁耐, 我扮咁啱得咁橋走去同佢say 個 hi.
我: 韻兒醫生你好呀, 唔好意思, 我估我今朝响你度留低咗部電話.
韻兒醫生: 哦? 係呀, 我幫你問下Michelle. 你入來等陣?
(LOL, 原來Michelle Lo 本身英文名又係叫 Michelle.)
隔咗一陣, 佢回佢間房出返來, 話搵唔到, 問我要唔要入去房試下搵下.
(當然要啦...)
再次同韻兒醫生共處一室, 其實我係之前固意把電話放落佢個枱底櫃底度.....當然唔係影佢裙底啦, 我唔想犯法. 但係櫃底呢個地方, 可以伸手入去攞既人, 唔會係我, 更唔會係Michelle......
我: 見到啦, (伸隻手入去) 哎呀哎呀, 攞唔到, 係櫃底.
韻兒醫生: 等我試下,
之後韻兒醫生就背住我扒落地上伸隻手入去攞我部電話. 由於佢上半身扒得好低既關係, 佢個屁股翹得好高, 而且左右輕輕搖擺, 加上佢放工後除咗件醫生袍著只剩白色恤衫黑色短裙, 係我眼前既韻兒醫生, 活像一個在挑逗我的OL一樣.
...................................
出咗房門, Michelle 仲未走, 佢用佢凌厲既眼神俾咗個message我...
Michelle: (死靚仔, 你唔係第一個...)
我: (唔係第一個咩先....!?)
Michelle: (總之你同我睇定定唔好亂來!)
我: (滾滾長江東逝水........)
Michelle: (你老...@#$@)
我: (壯士, 後會有期!!!)
Michelle: (你同我走!!!!!!!)
以上眼神對話在半秒內發生.
出咗診所, 我同韻兒醫生講你真係好好人.
韻兒醫生隔住口罩笑答: 唔使客氣, 下次唔好咁大頭蝦.
(下次....!? :smile_47: )
我: ......韻兒醫生, 你有冇英文名?
韻兒醫生: 叫我 Scarlett 啦.
待續.
[ 本帖最後由 美肌物語 於 2015-5-5 12:56 PM 編輯 ]
