有的有的有update的。只係呢幾日加班好攰返到屋企都訓左了。
同大家交代過每個人ge背景之後，講返之前講到第二晚同Y傾電話傾到2點幾左右，大家都攰就訓了。
傾左2個鐘左右，其實我開始感受到，Y佢應該至少都對我有dd好感，佢會講我同佢之間ge事但又未敢公開住呢。可能好多因素啦，發展太快佢都驚我係play boy咁，而自問我內心都有d驚ga，我係一個大男人，但今次完全一d都唔敢問唔想知佢以前同男朋友親密ge程度去到邊丫，佢以前ge野過去左我都唔想問了，雖知佢床上方面技術好好，經驗唔少咁，但係我只係唸，自己認為好ge野，既然都認定左，就唔好亂唸要直行了。
之後第三日訓醒起身，終於見到我朋友個whatsabb，話：兄弟。幫幫忙，今晚又約左班女仔去我度，佢幫我應承左，叫我幫手有咩唔得閒都推晒佢，話爭我一餐飯咁。
咁我起身就覆佢：哦。咁。。因為其實我都預左了。
之後我個朋友下晝已經出去買定啤酒汽水同一d薯片小食咁放上我屋企，同我講講今晚係我同佢2個男，有4個女仔，會叫到會去我屋企，見佢個樣好興奮，從係佢買左2打啤酒1支黑牌同綠茶，而對答當中睇得出佢眼神話我知，今晚佢係志在必得的。而下晝，Y都有whatsabb同我傾下計，又問今晚會玩d咩ga，佢聽到話有酒又話好驚佢閨密會發酒癲咁。
時間飛逝，話咁快6點零7點，佢地上黎，我朋友S車晒佢地4個，一齊上黎，上到黎無叫到會丫，因為班女仔話自己細食，又想食下pizza，就叫左pizza tuh。
係度等pizza期間呢，班女仔就話打牌丫，因為咁岩有2個唔係好識打，就叫我地2個男仔孖住幫手啦。
之後執完位，我地係咁樣坐：
東（E），南（我朋友S＋N），西（M＋我），北（Y）
即係E係我對家，我坐係M同Y中間。我朋友S係E同N中間。
其實當時打幾大都真係唔記得啦，只係知一開始S同N已經差唔多頭貼頭咁，站長咁全部人望住佢地慢慢咁揀打邊一隻，N又一邊話唔知唔係好識，S就話慢慢黎啦佢會教佢打，簡直唔講都以為佢地蜜運中。
而我，M係坐係我隔離好近，佢答唔係好識打，但係佢今晚好靜無咩點出聲丫，而Y係我下家，我地時不時對望，算有講有笑咁丫，問下佢係咪要筒子呀，佢又答下我差唔多啦之後傻笑。而E今晚一直係度叫S同N唔好咁"煙un"得唔得呀咁。之後佢係開頭打牌期間都無同我有過眼神接觸的。
直到pizza來了，咁我就去開門攞野食同比錢啦，咁我就企起身，而S就話係囉都肚餓了我地食左野先再打咁，咁佢地就去鋪枱去雪櫃攞野飲咁。之後我行緊去門口哥時E突然係我後面問我夠唔夠錢，佢攞住個銀包話佢有錢咁。我回頭哥刻我其實眼尾都見到Y同M係有望去門口個方向的，大概因為睇住E ge一舉一動卦。
咁我就答E，我有丫，咁我就比錢啦。就攞野食，咁其實都唔係好多Pizza，我一個人都攞到丫，但係E就講話幫我攞d，咁我都梗係盡量少比佢入到位話唔洗呢，就閂門轉頭返去啦，佢竟然話咁我幫你攞銀包啦就一手攞左我銀包，咁我都算啦，放低左野食先啦。
咁之後我地6個就圍住飯枱咁坐，之後本身係好似打牌哥時咁坐的，但係E最後行埋黎一下推開左M坐我隔離，之後話：拿，比返個銀包你。咁。咁我攞返銀包啦，我見到全場dead air左，大概比我感覺S都係N口中聽過E ge野卦，所以E今晚ge行為大家都會好留意，dead左幾秒之後E問我，咦，你銀包無任何相ge，我就答佢你想我放咩相係銀包丫咁，佢就話咩都得ga wo，屋企人啦，自己細個啦，女朋友合照啦咁，我見成場得我同佢對答Y一定唔會太like，咁我就語出驚人，突然望向右邊對住Y講，比你張相我丫咁，之後全場爆笑，Y又掩住咀笑，之後輕輕拍我一下，咁我就帶過左E個話題啦。事實上，因為既然無人知我同Y有發展緊，同佢真戲假做，假戲真做都好，又唔會得罪邊個又氹下Y，幾好丫，咁就大家正式一齊食野啦。
S同N大概唔止曖昩ga la，個衰仔無同我講d咩，但係食野哥時又幫人酙晒野又幫人攞pizza，又不停對望細聲講細聲笑，自己2個係自己世界咁，咁淨返我就好尷尬了，因為如果無聽過Y講過E同M ge野我都好d，但而家係知又要扮唔知真係好怪，咁我都好明顯咁幫下Y攞野食啦，咁E又出聲話覺得我對Y好好咁wo，我話都係ga，咁佢著裙唔方便丫麻，之後我完全地見到E 啤左Y一眼。
之後E真係高手，我都好呆滯，佢自己攞左塊pizza，佢問我食唔食波羅ga，我話食丫，之後佢話佢唔食波羅ge就遞起比我好似餵我咁，叫我幫佢食左個波羅佢，我呆一呆，話你唔食咁叉佢出黎囉，哥刻我係望到M望住我地，M就忍唔住幫我口話係囉咁核突ga，之後E話唔好浪費丫麻，之後一下塞落我個口度，之後正面貼埋黎，好細聲咁問好唔好食呢，咁。我眼神即刻唔望佢，轉移話好食好食，下次比S丫，佢最中意食咁，之後S又大笑左一下，話：「做咩丫，game黎ga？玩緊我？」之後話「都係丫，好中意食，比晒我，再比你（E）隔望哥個食會食滯佢丫」。之後大家又大笑。哥晚感覺大家都唔係好撐E 所做ge行為，而M就有好幾次睇唔過眼幫下口。
今次打到呢度先，之後下次預告係，我當住咁多個人面前我想公開我同Y ge關係，而E佢都當眾對我做左d親密行為丫。之後哥晚M竟然又當眾喊左出黎。每個人都唔知點收科。想知發展點解會係咁，我下次update會話比大家聽呢。不過好似唔係好多人睇咁，所以我update得慢左dd唔好介意呢。
祝大家have a nice weekend .. =]
[ 本帖最後由 v_0479 於 2015-3-14 06:54 PM 編輯 ]
