後記：
其實我同K嘅故事未完，我地之後都有見面，見面嘅時候都忍唔住有上床，我覺得佢就好似係我嘅long distance SL。因為我地好多野都會講，大家都好清楚對方嘅事，就連佢嫲嫲過身時佢好傷心，佢都有打電話俾我，似乎我係佢心目中都幾重要，佢亦好信任我。床上嘅關係斷斷續續維持左幾年，當然中間見面次數唔多，每年只係1-2次，直到我地兩個都遇到個比較穩定嘅另一半時，加上大家關係越來越似知己，我地就無再上床。
幾年前，當時我準備同而家嘅老公結婚，K亦有個穩定嘅同居女友，有次佢又過左嚟hk，食飯時佢講左件事我知。。。佢話當年同左我上床後，直覺話俾佢知佢會愛上我，佢初初唔信，但慢慢呢種感覺越來越強，佢會想我開心，會煮野我食，好想全日同我一齊，好想同我唔止只係上床。。。但佢唔鍾意呢種感覺，因為佢未ready定落嚟只對住一個女人。嗰朝佢攪到我痛，攪到我嬲到走左，佢係特登唔留住我，就算到後尾好番，我臨走佢亦唔敢叫我唔好走留係台灣，因為佢自己都唔sure可唔可以對我認真，同樣佢追過嚟hk時亦一樣。而當佢問我想唔想一齊時，佢feel到我一樣唔肯定，所以無謂免強，學佢話齋「也許我們注定不能成為一對吧！」
如果早多幾年聽到佢呢番說話，或者我會好感動，然後不顧一切同佢一齊，但當時我已經預備嫁俾另一個人，而對K亦一早由激情變成友情，所以當時只覺得無奈，我相信佢亦一樣，因為佢講嘅時候好輕鬆，就好似講緊別人嘅故事一樣。
有時我會諗，如果佢早d講呢番說話，如果當初我地有一齊，如果我地生活係同一地方，個結果又會係點？
