我地買左d餸就去K屋企，因為佢話要煮lunch俾我食。其實一路我都有諗佢係咪真係會咁乖唔攪我？但由上到去，再一齊係梳化攬住睇碟，佢都無曳曳行動，我都幾意外。睇完第一套戲，佢就入左廚房煮野食，佢叫我如果悶就睇住電視先，或者去書房搵書睇都得。
雖然上過嚟幾次，但次次都掛住攪野，我係未入過書房。入到去見到大大嘅書櫃放滿書，由小說到哲學書都有，真係估唔到佢睇咁多書。再望下見到電腦旁放左張相，係佢同父母、祖母、哥哥、家姐嘅全家福。我記得佢講過佢排最細，公司有爸爸同阿哥家姐睇住，所以佢先可以咁free，而佢嫲嫲就最錫佢。真係好似d偶像劇嘅高富師男主角，如果嫁俾佢對住佢嘅大家庭都應該有排受。。。痴線！我又諗左去邊！
求其拎左幾本書，我就出番廳慢慢睇。睇睇下我就訓著左，過左唔知幾耐，佢就叫醒我話有野食。估唔到佢原來真係識煮，有salad, pasta & soup，味道仲好好！佢話煮野食係喺美國讀書期間學嘅。
K「除了家人，你是第三個我親自下廚的女生喔！」
我「知道啦，要自豪，對嗎？」
K「一個是我在美國時期的女朋友，一個剛回台灣時的女朋友，分手後就沒有再煮過給其他女生吃了。」
我「謝謝！」
我其實真係唔知講咩好，的確e幾日對佢係改觀左，但我始終要走，而且佢根本就係隻無腳嘅雀仔，佢又無承諾或肯定過我地嘅關係，什至我連佢講嘅野係咪真都唔肯定，我真係唔知應該點回應佢。
之後佢又問我係台灣e段日子有無愛上台灣唔捨得走，有無諗過留係到搵工同生活？其實我係有諗過，但台灣嘅人工比hk低，係到生活當然夠用，但如一段日子後會返hk嘅話，儲到嘅錢就真係唔多，我屋企只係普通人家，都要俾家用，我又想趁後生儲多d錢，所以雖然我好鍾意台灣，但係都決定要返hk。嗰一刻，我都有白痴地幻想過K會叫我留低，不過佢當然無啦！
食完野，我地又睇第二套戲，睇到最尾，我忍唔住喊，佢就幫我抹眼淚，然後攬住我錫，錫錫下大家就訓左係梳化。咁錫法好易出事，我已經feel到佢jj頂住左我，e個時候我諗起我地個約定，於是就停左無錫佢，佢feel到異樣但仍然唔想停，我真係好矛盾，到底我應唔應該繼續。。。
可能我個反應太差，K都無引，錫錫下都停左坐番起身，然後去左洗手間。出番嚟之後個樣又笑笑口無野咁，但就話想落街行下冷靜下。我地就去左附近珍珠奶茶店買野飲，然後再周圍行左陣。之後時間都差不多，我地就出發去會合T佢地，一齊食飯同我墊行。
原本我都怕T & C見到K會唔鍾意，但出奇地成餐飯氣氛好好。食完飯K車我地返去，T & C識趣地上去先，留低我K係車。
K「明天你飛機幾點？」
我「你不要去送我，我怕不捨得。」聽完K攬住左我。
我「謝謝你尊守諾言！」
我攬住佢唔想放，奢想佢講d說話去留我，但佢錫左我一啖之後，就叫我要保重，將來佢去hk時我要帶佢去玩。。。就係咁我就同K say goodbye 落左車。
第二日T送我去機場，今次個台灣trip終於完啦，候機嘅時候，諗番e個月發生嘅事真係好似發左場夢。
就係e個時候，竟然有人叫我「Christy!」
