今篇無甜，想睇甜野要等下一篇
返到去打左個電話俾T，講左少少發生咩事，同佢傾完叫做舒服左d。之後我就開左T部電腦上msn，想睇下男朋友有無online。同佢真係幾怪，我嚟左台灣咁耐都只係傾過幾次電話同幾次msn，佢好似唔會掛住我咁。見到佢有online我就hi佢，佢第一句就問我玩完未？幾時返？（叫佢A）
我「xx號就會返啦！」
A「去咁耐想掛死人咩！」
我「乜你會掛住我咩？」
A「傻豬，你係我女朋友吖嘛！」
見到佢咁講，即刻好內疚，我真係喺到玩緊火，唯有同自己講就當發左場夢，返hk之後就會一切回服正常。。。
執野時搵到P寫俾我嘅電話，可能因為報復，可能因為好奇，我打左個電話俾佢。
P一聽到我話係Christy就好開心，我話禮貌上想打俾佢話佢知禽晚我地無事，因為太匆忙所以無say Goodbye就走左。
P「沒關係，我今天有打給K呀，只是他沒接。對了，不如今晚我們三個一起食個飯吧？」
我「r....」
P「怎麼了？K不想讓我跟他漂亮的女朋友食飯？」
我「我不是他女朋友啦！」
P「哈哈，是嗎？那更好，那Christy你今晚就陪我食飯，我快要去香港，你就介紹有什麼好食好玩的地方給我吧！」
我「可是我今晚約了朋友。」
P「那不如食個午餐？」
一個lunch佢應該做唔到d咩卦，同埋我承認當時有少少想激K，所以我就應承左P同佢食餐飯。
去到約定地點見到P，佢先望住左我笑一笑，然後話我同禽晚好唔同，的確禽晚我化曬妝成熟好多，今日就casual look清純好多。形容下P個外型，佢年紀睇落大過K，個樣普普通通不過身型幾好同高大，而且佢有一份成熟男人嘅味道，e樣係暫時係K身上搵唔到。佢亦係一個風趣同健談嘅人，同佢一齊好親切好舒服，所以就算係初相識，都唔會覺得氣氛尷尬。不過我對佢就無乜其他感覺，對於我，佢似一個大哥哥多d。
P對我同K嘅關係好好奇，但我知K唔鍾意P，所以都無多講，反而我對K嘅野更有興趣，所以都問左好多關於K嘅野。係P眼中，K係個長唔大嘅大細路，份人好勝但人緣好、多朋友。成餐飯P都表現好gentleman，我諗佢都只係想識多個朋友，對我未必如K講有非份之想。佢話下星期會去hk，可惜我仲係台灣，否則就可以叫我帶佢周圍玩。
夜晚我同左T、T男友、C食飯再直落唱K，心情唔好嘅我飲左唔少，平時我係個好樂天嘅女仔，但當晚可能飲得太多，再唱埋d悲情歌，就忍唔住喊起上黎。同樣飲大兩杯嘅T見到就好嬲，係咁話要打去鬧K，好在佢男友㩒住佢，之後我就已經斷左片，唔知發生咩事。事後聽佢地講番我飲得太多，又嘔左好多，返到去T男友照顧T，而C就照顧我，幫我抹身同換衫，所以第二朝起身我係著住睡衣同無著bra，咁C咪又睇多次我全相？唔知佢有無....
