支持，心理描述好仔細
咁多年後仲可以咁仔細記得咁多事，佢永遠係你心目中佔左好重要既地位。你仲話佢越黎越靚，其實有冇可能再係返埋一齊？

睇到呢篇令我諗起人生的第一次做...:smile_o03:月竹

我破處當日真係大鑊...
第一次緊張過頭，定係個套太厚，
俾佢玩咗粒半鐘又吹又騎，再吹再騎咁玩咗佢粒半鐘先出到:smile_30:
好彩佢唔服輸，如果唔係我都不知出嘢為何物:smile_30:
講起扑嘢我都成年都無扑過，對上一段情係pure love嚟，
第三個故事嘅主角就係佢，但要睇下我自己記得幾多:smile_30:

可能就唔係無嘅
上次見面，佢透露過佢搵唔返好似我咁嘅人，
但到宜家佢都係唔缺男人，
只差在無一個係啱佢口味唧，
我笑佢做攬住個枕頭做尼姑，佢又笑我同對上果個ex我好似出咗家做咗和尚，
佢係我心目中暫時都無人可以取締到，因為短短年半經歷咗好多嘢，
我同佢嘅難關，隨住時間就愈嚟愈多，
我記得上年，夜晚收到佢call，
佢話佢飲醉咗，可唔可以落LKF接佢，雖然我考慮過我個EX知道嘅話會呷醋，
但我都係飛的出去接咗佢返屋企先，我去到LKF行咗幾個圈先搵到佢，佢真係醉得好緊要，
唔知俾人灌咗幾多喇，送到佢返上樓，見到佢醉到泥咁樣，件衫整污糟咗，幫佢換埋衫，等埋佢醉醒我先走，
佢醒咗第一樣嘢唔係話點解換咗衫，而係同我講，點解你愈嚟愈溫柔，比以前仲更加溫柔...
我真係望住佢話，你係我曾經最深愛嘅女人，我唔會掉低你一個唔理囉，傷害你嘅事我做唔出，
之後佢就係咁喊....
但佢自己斷咗片，其實唔記得打過俾我叫我接佢，佢自己睇返電話先知原來佢打過俾我...
可能係佢生活圈子入面，我係佢最信得過嘅人啦，所以醉咗都識打俾我:smile_30:
其實點解我會想講我嘅故事，雖然佢搬咗屋，間屋嘅位置唔同(只係隔咗幾條街)，
佢搬屋果日都係搵我幫手....雖然其實無咩搬，只係少少濕星嘢....
但佢仲有一啲好熟悉嘅味道，係我等佢醒果陣，勾起我好多回憶:smile_30:
之後其實我都有試過打返出嚟，但都係無果種感覺係度，
直到兩個禮拜前，我同佢出去食飯，提起我想寫佢同我果陣嘅故事出嚟，
佢話好呀....然後就傾咗成晚好多果陣我可能唔記得嘅嘢，
又或者我講返啲佢唔記得嘅嘢，佢果日仲戴住我當日送俾佢果條鏈，
我一問佢，佢就話我多事:smile_30:
隨住時間愈耐，我地只能夠保持係一個距離，所以可能唔係無，只係好微

去到呢d位，大家有呢種咁糾纏既關係
未必狠得下心去破壞呢一個奇妙平衡既關係
Comfort zone裡面，有佢既存在，再一齊返有一日分開，可能佢會永遠係你生活裡面消失

所以我同佢都係保持距離，
但我天生口花，可能成日不自覺講咗啲嘢刺激到佢，
不過佢都好清楚我係天生口花果啲人嚟

係S之後，其實我都拍過好多次拖，有散拖，有長拖，

記憶猶新就係S，仲有其餘兩個，我嘅故事入面嘅女主角，

當我咁唔好彩有100歲命，我已經活咗四份一時間，

將來可能再有好多不同嘅奇遇，見聞，遇見不同嘅人，

識到好多新嘅朋友，得到好多不同嘅挑戰，

但隨住年齡增長，當年嘅執著，意念，記憶，會隨住時間一去不反，

隨住時間過去，經過唔少挫折，得到嘅經驗，帶嚟會有新嘅常識，新嘅偏見。

由正式開始計起拍拖一個月內，會有好多新嘅火花，磨擦，

互相體諒包容下，短短半年其實我同S都係好恩愛，

可以話形影不離，有佢嘅地方，就會有我，反之亦然，

我見過佢嘅朋友，佢亦見過我嘅朋友，

而我嘅朋友，幾乎大多數都係對S有讚無彈，

咁當然，係佢嘅朋友站於係佢地嘅角度，

對我就有彈無讚，而彈嘅地方多數係我同S嘅年齡差距，

唯一依樣嘢，令到佢唔開心，因為包括佢父母都係依樣嘢比壓力佢，

或者我當初真係唔夠成熟，但經歷咁多到現在，我同當初真係判若兩人，

當年嘅一個黃毛小子，宜家有一份滄桑味，

可能我自己本身唔太著重外觀，經常不修篇幅，

係半年前我仲係留緊長頭髮，長到及腰就咁紮起個頭都懶得去剪，

引致有一份曾經滄海嘅味道出咗嚟，

我做咗咁多年人都不知鬚刨為何物非常少用，

入返正題，

同佢經過兩個月，我記得夏天嚟，我都決定真真正正出嚟做嘢，唔係打份Part time，

經朋友 ( 我朋友就係老闆 ) 介紹入咗一間大公司做，都係同電子有關嘅...

在於其實我返呢份工係無正常返工時間，

亦要經常出入啲nightclub，其實S當時都反對我唔好返呢份工，

但係依份工我嘅生涯其實只係兩年，即係同S分手之後半年就無做

當時其實我頭幾個月返依度，都差唔多每日都係爛醉，

S初頭其實會問，但自從有一次，

我帶埋佢去見識我實際工作...佢就無再問都體諒我，

而依一次，就係咁，

我同S食食下飯，有個大陸客同佢啲朋友落咗嚟香港，

打俾我問我係邊，可唔可以招呼一下佢同佢啲朋友，

咁我同S講完之後，我話我要見客，佢本身都唔想我去...

但我走果時我就忽發奇想，就打俾我果個大陸客，

話我女朋友都跟埋嚟可唔可以？

咁我都估到果幾個大陸客諗都唔諗就會應承我，

我就開始游說S

我：「今次你可唔可以跟埋我去？」

其實佢好嬲我放假唔陪佢都要去見客...
我自己都覺得自己好過份，
但工作緊要，我自己都無計....鬼叫個客麻鬼煩....
而我點解會有啲咁嘅諗法，帶埋佢落去，
因為，我想佢知道，就算我落依啲地方，
幾爛醉都好，我都唔會做啲對佢唔住嘅事，
而我爛醉都係工作一部份....
初頭其實佢唔肯跟埋我去，而我最記得就係依句說話...

S：「你成日去埋依啲地方！你有無諗過我感受！
你知唔知我好擔心你！叫你唔好做依份工你又唔聽！
次次嚟親我度都係醉到爛泥咁！你知唔知我好心痛架！」

聽完依句之後，其實我都好心痛，要令佢擔心我，
所以我都好肯定咁同佢講。
我：「每次我醉親第一時間都會諗起你，
我承認我真係令你擔心，我自己都覺得好對你唔住，
但依樣嘢係我工作嘅一部份...我自己都唔想，
你跟我去一次咁多，就一次，你會明白我...」

聽落每次落親NightClub，簽十幾廿萬酒，有老細埋單，入公司數，帶女出去又唔洗錢
人地聽落，就覺得我當時日日都好似好過癮...酒池肉林，花天酒地，
但其實唔係，有苦自己知...如果有人同我有相同經驗其實都會明白我當時都幾痛苦下...

S當時聽到我突然好認真咁同佢講，猶豫咗一下，然後
S：「一次咁多！唔會有下次！」

咁我就帶佢去見識下啲大陸客有幾咁麻煩....

係落去之前，我同佢再三強調咁同佢講
我:「一陣落到去無論邊個同你飲，都千萬唔好飲第一杯！你話你唔舒服就得！
佢地唔肯就有咩我會頂，你坐我隔離唔好行開，就算我去廁所你都跟埋我出去！」

然後落到某NightClub...係一個幾陰暗嘅環境底下，好微弱嘅光線，
我果幾位老細...已經係房入面撕緊片，
當入到房，我真係好似我個大陸客啲貴賓咁，
我個大陸客一個一個介紹俾我聽，佢啲朋友係乜水，做啲咩之類
而S全程都好緊要咁企係我後面抆住我衫尾，
我都一隻手捉實佢隻手，一手同佢地一個一個握手，

其實言語上係狗屁不通...時至今日我啲普通話都係好屎，
但飲大兩杯就好似上咗身咁又溝通到...
對住啲大陸客我都係照講廣東話，而且果個大陸客其實識聽，係講得唔正...所以無咩問題，
我：「咁小弟遲到，罰一杯就梗！先飲為敬！」

S全程都坐係我隔離，我突登坐外圍少少，
而包咗大房入面有九條女，連埋我個客在內加埋佢啲朋友五個人，

一坐低 S 好細聲咁同我講
S：「依度好恐怖，我好緊張...」

我就捉住佢隻手 ( 其實之後全程我都係捉住佢隻手 )
同佢講
我：「萬大事有我係度，唔好緊張」

果個其實算熟咗嘅媽咪都話...唔洗咁緊張我女朋友會出事，佢會睇實佢，
但其實我唔係擔心佢會出事，而係擔心佢會唔會因為咁同我分手...
不過經過依一晚係我諗多咗，因為佢作為我女朋友，佢對我嘅信任同支持真係無限...

而依個媽咪，其實係之後我都做咗佢朋友，係一個幾玩得嘅女人嚟，
同佢做朋友可以講，佢對朋友係義無反故，係一個言出必行嘅女人。
佢自己嘅故事我都聽過，其實我覺得佢都幾悲哀，
不過佢嘅事我就唔會多題...


入返正題，
可能因為我女朋友係度，所以佢地都玩得算矩緊，
整晚都係不停咁乾乾乾乾.......一杯接一杯，
你話我憎唔憎飲酒，我又唔太憎，
宜家飲都係一杯起兩杯止，唔會話爛飲，
我宜家個身體都幾差下，其實都係果時積落，

大約由十點幾飲到三點，我個客啲朋友一個一個都醉哂，
咁我見個客啲朋友醉醉地就叫媽咪，叫佢啲囡出鐘，
咁走下一個走下一個，
我都已經五六成醉，我女朋友就成晚睇我同個客乾...
真係未咩點停過，到剩返個客果時，其實啲大陸佬真係好痴線...
我見佢都仲未有醉意，不過佢都醒水，
話埋單，


走果時係我耳邊同我講...
客：「你這個女朋友，真的很難得，你要好好照顧她啊...知道嗎...」
之後佢拍一拍我膊頭，笑咗笑，我都點一點頭...
然後佢就揀好邊條女出鐘。

我就算醉咗都見到我女朋友成晚眼濕濕咁...
對於我嚟講，依個女朋友，已經係好難得，
走果陣我自己都仲行到，但行多兩行就開始真係醉....
我女朋友一路扶我出門口，然後載的士，
返去佢度，成晚佢都無咩點出過醒...
上到去佢度，我都攰到瞓著咗，
第二朝大約十一點左右，我一起身，
見佢已經起咗身，
我望一望自己，佢幫我換哂啲衫，
一起身個頭就有啲痛...其實當時無邊日個頭唔係一起身就痛，
話說果陣我係同佢半同居，我一個禮拜會上去佢度四五日，
多數禮拜五六日一去佢度...因為我唔想阻住佢返工...

佢見到我起身就問
S：「係唔係好頭痛呀....我沖杯參茶俾你飲。」

我望住佢背面，聽埋佢依句我自己個心好Warm，
我就落床，行埋去係佢背面攬住佢，係佢耳邊同佢講
我：「我愛你！」

佢之後笑得好甜咁話
S：「傻佬嚟嘅.....可唔可以講多次？」

女人係甜言蜜語底下真係無抵抗力，
之後佢做啲咩我就唔多講...
都係床事果啲

續，
下篇我會講見家長....因為依件事我都係好記憶猶新
都係頭半年嘅事嚟，
其實姊弟戀最大壓力一開始就係人言...
克服唔到依樣嘢，一個月就玩完，
我依個EX，點解會咁深刻其實都係因為依個問題，
佢剛剛同我一齊果時同好多人因為依啲個問題都反咗面，包括佢父母，
但經我調停，好快佢同佢父母就和好返，佢係獨女，
所以佢父母其實好錫佢，我都唔希望我同佢一齊會令佢屋企人關係變差，
之後因為某啲事佢父母都對我有少少改觀...

作為本篇結尾，同樣都會送上一首歌。:smile_15:
Snow Patrol - The Lightning Strike - What If This Storm Ends
https://www.youtube.com/watch?v=S0BDS0-ZwOw

What if this storm ends
And I don't see you
As you are now
Ever again

The perfect halo
Of gold hair and lightning
Sets you off against
The planet's last dance

Just for a minute
The silver forked sky
Lit you up like a star
That I will follow

Now it's found us
Like I have found you
I don't want to run
Just overwhelm me

What if this storm ends
And leaves us nothing
Except a memory
A distant echo

I want pinned down
I want unsettled
Rattle cage after cage
Until my blood boils

I want to see you
As you are now
Every single day
That I am living

Painted in flames
All peeling thunder
Be the lightning in me
That strikes relentless

能夠同個女人有咁多經歷, 夫復何求:smile_13:

經歷最辛苦唔係夾係裂縫中間，

而係自己年少無知，棋差一著，行一步壞棋，然後要去補救，

假如當初做到，

忍一時，風平浪靜，退一步，海闊天空。

明白唔難，點樣去做先係最花功夫嘅一步。

其實好多難題，都係自己出俾自己，

面對難題點樣應對，

有時係難關面前輕言放棄，係永遠都唔明白自己嘅領域，可以伸延到去邊一個極限。

因為要扭轉個局勢，只可以講，知己知彼百戰百勝，面對咩都好無嘢係唔可能。

作為本篇開首嘅廢話又講完，

係我眼中，相處咗半年嘅 S 究竟係一個點嘅人，

起居細節上佢好無微不至，對於佢愛嘅人好溫柔體貼，而且好有耐性，

同佢一齊嘅日子大多數都好柔閒，可能因為佢大過我，

所以大多數時間都係佢照顧我多，當然係佢唔舒服嘅日子，

病嘅日子，唔開心嘅日子，有難題面對嘅日子，就輪到我派上用場，

係佢眼中嘅我，對佢好柔情似水，細心，咩都考慮咗佢感受先，雖然好多時對住佢會有啲幼稚嘅一面，

但在於工作上，判斷夠果斷，分析能力強，處事態度同手法成熟，話我一做嘢就完全係兩個人，

佢成日係工作上佢要倒返轉同我學習，

而我當然係佢眼中都係會有好多缺點....

我嘅缺點就係對其他人態度唔友善，唔善於待人接物，雖然宜家都係...仲有好多...不能盡錄，

而係相識佢八個月，同佢一齊嘅第五個月，第一次見佢父母，其實我自己都覺得自己失禮，

但當時仲細，無考慮到好多嘢，引致佢父母對我第一個印象唔多好，

係見佢父母嘅兩日前，S 突然間同我講
S：「傻佬！過兩日我約咗媽咪食飯...我同佢地講你都會嚟！佢地都話想見下你...」

我當時嘅反應真係呆咗，我第一次見家長，我自己都諗...大鑊，我完全無準備，亦都未有考慮過會見家長....
但今鑊硬食無得推嘅唯有...
我：「好呀...咁我洗唔洗準備啲咩咁呀...」

佢就諗咗諗....
S：「唔洗啦....到時唔好遲到就得喇....我嗲哋唔鍾意人遲到...」

我因為真係第一次見家長無考慮到投期所好依個問題，所以真係打算人到就算
而佢接住又講
S：「我同佢地講咗你細我五年，佢地都無咩反應，應該無咩問題呱....」

所以我當時果刻係無諗過買啲咩俾世伯伯母....又或者無改善一下我啲輕挑面口....
話咁快又到當日食飯，我前一晚係 S 度過夜，
咁大約六點左右就出門口，
過銅鑼灣食上海菜，S 成日都屈係屋企，
所以果日食七點，其實佢見有時間所以行咗陣街，
我一時忘記睇錶而 S 又興起咁忘哂形，直到世伯打俾 S 佢先睇到過鐘，結果上到去遲到，
而當日係book咗間細房，一踏入去間房見到世伯，伯母果份嚴肅，
我當時其實唔太識反應....
當然入廟拜神，入屋叫人，果刻一想已經就諗住講，
但我口都未開 世伯就都幾大聲咁喝罵 S，我望一望S 嘅表情，其實佢好驚，
因為佢一驚就會捉住我件衫...
SF：「你知唔知我一生之中最憎人就係遲到！你竟然遲到？我無教過你守時？你點解遲到？」

我真係無諗過咩就衝口而出，其實我唔應該講咁多....但果刻只係一心諗住坦護 S，
加埋我個輕挑樣，另到以下依句說話更加有殺傷力，自己放過地雷又自己踩中，方法用錯咗，
但本質上我真係無意得罪世伯
我：「世伯....咁遲到好過無到，又唔洗咁燥嘅，飲淡茶下下火先啦....」
其實之後都仲有講咗幾句，但我唔記得講咗咩，就進一步將個火頭愈辣愈大。

我真係講咗一生之中最錯嘅說話..... S 就捉住我隻手其實示意唔好再講落去....
然後世伯真係塊面黑過炭....成程飯都無出過聲，
而伯母其實對我又無咩， 佢都知我只係一心想保護佢個女，
所以對我印象唔係話差到落谷底，都仲有彎轉，
成程都好嚴肅地食，嚴肅地講嘢，我都廢事講多錯多，
所以我之後都無出過聲....
時間飛快咁食完餐飯....

咁就走人，但唔好以為係落幕....宜家先係成件事開始，
咁當然自己裝嘅炸彈我都好快拆得返....成件事都唔會去到話僵局，
因為真係差啲搞到佢兩父女反面，根據 S 同我講返，

以下係S 同 世伯嘅大約對話，咁世伯就以 SF 作為簡稱，
成件事係果餐飯嘅兩個鐘後發生.....

咁 S 個樣一路都已經好唔開心，同佢拍拖半年，
真係未試過見個佢個樣係唔開心到放咗係塊面上面，
佢返到屋企先出聲，
S：「死喇....我都唔知會搞成咁，我嗲咃對你印象一定好差喇....都唔知點好....」

咁我都知我錯到極點....當時未有經驗去處理依啲問題，講嘢真係九唔搭八....
但我都要硬住頭皮咁安慰 S
我：「無嘢嘅....老人家，下咗啖氣就應該無事，唔好諗太多啦...」

S：「你唔明架喇！我嗲哋好固執架！！」

係一剎那我都仲未知道個問題嘅嚴重性，
因為我一句說話可以搞到七國咁亂，
然後我叫 S 沖涼冷靜下先，佢都乖乖地咁聽我話去沖涼，
原本都無咩嘢，咁佢沖完涼之後，我就打算氹佢瞓啦，
見佢都係好唔開心咁。

然後 S 屋企電話響起，將會維持一個禮拜嘅惡耗終於都來臨....
之後 S 聽個電話，我只係一路聽到
s：「嗯...嗯...嗯...嗯...」

大約十幾分鐘，S 嘅態度突然間轉變咗，我見到佢開始喊，然後
s：「唔得！咩嘢都得！就係依樣唔得！你再講落去！你再講我就反面！....係咁啦！」

然後 S cut咗線，掉咗部電話落地，
我未見過佢發咁大脾氣，而且未見過佢咁傷心，
我見咁嘅狀況就攬住佢，好努力咁氹返佢，喊到眼到腫哂，我好心痛，
佢喊到咁上下，經過一個小時左右，都無同我提及過啲咩，
終於都喊到好攰咁瞓咗係我懷抱入面。
咁當然係依一刻我都未知發生咩事，
我亦都打算聽日都問佢....
之後我一直都係瞓唔著攬住佢到天光，
到七點幾，佢終於都瞓醒，
我成晚無瞓過，但除咗隻眼有啲紅根之外，
其實都尚算精神。

佢起身望住我，其實都仲係扮無嘢，
佢見到我隻眼咁紅，其實都知我無瞓過佢第一句就問
S：「傻佬你成晚都無瞓過？」

我：「係呀，你今日要返工，快啲去準備啦...」

然後 S 佢好嬲咁講，
S：「唔返呀！」

我當然問佢點解

S：「我同嗲哋反咗面！今日返到去見到佢實面阻阻，唔返呀！」

其實我聽完依句都意識到發生緊咩事，
然後我真係諗盡辦法咁，好似揍女氹佢返學咁...
我：「點樣都好，都盡責任，返工啦」....之後好長篇大論咁終於佢都應承去返工

但我見佢隻眼真係腫哂，其實都幾心嗡，
咁我都要返工，但其實我返工都係無嘢做返到去坐下，睇下啲文書嘢之類，
我自己都好唔慣依啲生活，所以我果陣嘅老闆其實都無硬性話要我一定要返去寫字樓，
但啲客搵我有嘢要傾，我老闆搵我，我都要隨傳隨到，慘過做鴨。
我送 S 返工送到佢公司樓下，同佢講咗佢Lunch我會過返過海搵佢食Lunch，
過一過海，返一返公司，準備好哂之後工作要用果啲文書嘢，時間過得好快，
到十一點三閃人，我又準備搭車過返過海，
十一點九，我就到 S 公司樓下，
踏正十二點左右，S 就打嚟問我係邊，
我當然就話係佢樓下等緊佢，佢就好快咁樣衝咗落嚟，

係食飯果陣，見佢心情平伏咗，我就開始問返佢，尋晚世伯講過啲乜，
S 就話，依個靚仔，目中無人，唔識尊重乜乜乜....之類，
對我印象總括嚟講，已經跌到落地核恨不得熔咗我，
然之後點解 S 會發咁大脾氣，要講到同佢老豆反面呢，
其實就咁，佢老豆就反對 S 同我一齊，如果唔同我分手又話要經濟封鎖佢，
然後就發生咗尋晚喊到豬頭咁果件事....


咁我聽完之後，我都覺得唔係辦法，
愈僵持得耐，就愈大鑊，為咗 S 我有一剎那真係想放棄，
等佢同佢老豆可以和好如初，
但依種消極嘅想法，真係要閣置，因為行唔通，
同 S 食完飯之後，我靈機一觸，

( 以下對話有起碼八九成無誤，我重組咗全日，當日同佢地傾過啲咩 )
打俾一啲以為人父，而且有返咁上下年紀嘅朋友，
約佢地傾下點樣拆彈，咁我即刻飛的去佢度，
去到B 屋企，E咁啱係度，品緊茶....
依兩個老鬼真係諗唔到會派上用場，
日光日白，兩個麻甩，傾閒計，佢地就真係幾寫意，
姑且就以代號( E B ) 嚟叫佢地。


至於點解我依個歲數會識得依啲老鬼呢，就係一個後話嚟，
某程度上都係因為佢地而識得第三個故事嘅女主角，
E 首先理解咗件事，其實佢睇人睇得好準，
老屎忽真係老屎忽計算嘅嘢無死錯人，
佢都話過我個樣咁輕挑，
遲早有一日一定有啲嘢因為我個樣而出事，
叫我改下說話嘅語氣 ( 雖然我宜家啲語氣態度更加惡劣 )
依樣嘢天生同後天因素嚟我都無計，

B 就有一個好提意，叫我問下我女朋友，
睇下世伯鍾意啲乜，登門拜訪而且投其所好，
談吐間改善一下啲言行舉止，
而B 其實都了解，佢都知我依啲係無心之失，
但我依個女朋友係獨女，
佢父母緊張佢搵一個咩男人，
其實都係好正常不過嘅事，
佢再建議我唔好搞到好喪家犬咁，
之後講笑咁話，
B：「你宜家咪係好似搵條法式麵包，
對住阿世伯係佢老婆同個女面前，赤裸裸咁塞落佢屎眼度囉....
作為一個男人人要面樹要皮，
你唔俾面佢就緊係無運行啦！等我教精你啦細佬！」

而A又加把口落嚟
E：「你阿媽個閪丫！終於講到個重點！你送返份禮俾佢，搵個好小小嘅地方請佢食餐飯，
然後誠懇啲道個歉，俾個下台階佢，自然就可以挽回返少少印象分！
咩都唔做你去和合石買定位都得喇！」

B真係其實識佢咁耐講親嘢都把口好賤，
但又好到肉，到宜家都係，識到依啲人其實真係講好多嘢都終身受用，
而B本身係一個老闆嚟，但果陣已經退咗休，有兒有女，老婆就早死，
所以成日落啲夜總會飲酒，但佢從來唔買鐘，
識佢就係夜總會入面，而點解會同佢混熟，
係之後我會再講講，因為都幾有趣。
而E 就係B個老死，同樣都係老闆級人物嚟。
B：「細佬，唔好成事不足敗事有餘呀！搞掂呀世伯，
之後會好過好多，你點搞佢個女都無問題呀！」

E：「袋錢入你袋都唔識多謝！你睇下你幾唔識做人！」

開頭我都只係好留心聽佢地講依個話題，但男仔就係....
好多題外話，講講下就無咗我果件事，
然後走果陣 B 就話
B：「如果有啲咩幫到你嘅就打俾我啦，
如果係錢銀問題濕濕碎打俾我就搞得掂，後生仔睇你搵個錢刮沙都無架啦！
有個好女友就好好珍惜呀，無咗你就後悔都無鳩用架喇！」

不過佢兩個都好風趣就真嘅，對住我無咩有錢佬架子，
走果陣應該係五點半，因為落返去中環，S 係未收工，
我就係佢公司樓下等佢，到佢放工落到嚟，就見到我，
其實果陣每個禮拜都會有兩三日咁樣等佢收工，
所以變得唔在驚喜，但佢都好Sweet，好鐘意我咁樣接佢收工( 佢自己有一日突然同我咁講 )
而見面果啲日子，多數都會先會去supermarket買餸再返去佢度煮飯仔，
咁當時其實經濟，算係幾差下，樓市都未升到好似宜家咁癲價，
買餸煮飯，其實真係既sweet，又實惠，雖然我依個女朋友係唔會驚無錢洗，
但佢幾慳家，真係唔知點解佢唔太好用名牌嘢，無特別大嘅虛榮心。

然後一路同佢行supermarket，一路其實我都借啲意探佢口風，
睇下世伯鍾意啲咩，嫖賭飲蕩吹，男人總會有一樣中，
而世伯竟然衰係個飲身上，簡直天助我也開正我個範，
但我都要搵個時機，先可以擺返平件事，
當時我女朋友都仲係嬲緊，所以有啲禁語暫時隻字不提先，
買完嘢，好柔閒咁樣返到去佢度。
然後都係食飽瞓之類無咩特別，

咁樣隔咗幾日都無上去佢度過夜，但我每日都會出去同佢食飯，管送唔管接，
見到佢開始平伏返，無咁嬲，我就好主動咁提意，我同世伯擺返餐和頭酒，
其實 S 係一個口硬心軟嘅人，我都氹咗佢幾日，佢慢慢開始態度明顯軟化，
個立場無再咁強硬，宜家只要氹得掂世伯就好順理成章拆彈完畢。

續，依個係第七篇上集，
花咗我十五粒鐘完成一半，
因為 S 話要睇返，其實佢已經睇咗之前果啲，
佢話好似返返去當日再次親歷其境咁，再感動過一次，問我點解記得咁仔細，
因為對於我嚟講佢係無法取締，所以我真係將好多細節諗咗好耐先再打返出嚟，
當然依一篇上集，有啲嘢其實佢唔知，我亦無同佢提及過，
宜家俾佢睇返，可能有對我有令一翻睇法都未定，
我對佢都幾細心架，我只可以講，如果真係有愛過一個人，
就算分咗手，都可以有無止境嘅關心，對於成為過我嘅女人，
我只可以講唔會傷害佢地，我會試下用另一個心態去對待佢地，
但我未夠好，所以次次都係俾人飛。

作為第七篇中段結尾，
都會送上一首歌，
Proof - Searching For Jerry garcia  - Forgive me ( feat 50 cent )

https://www.youtube.com/watch?v=2dhaiWk-R8M