想借少少位黎講幾句心底話
一開我就話師兄呢個命題好好,因為我而家都面對緊同一個情況
結婚七年,一齊超過十個年頭
再濃烈既愛情都變暖
無左以前果種好濃濃既愛情
以前我都以為愛情係會一直濃烈(同呢個題一樣),但原來真係會慢落黎
我仍然很愛我老公,出街,平時相處都仲好sweet,兩個人互相實在太了解對方,火花驚喜一定會少左
而家,竟然我開始,會諗,好想有返當年被人寵愛既感覺
早幾年,我對我老公追女仔/出軌既事我會呼天搶地,覺得天地不容
但而家我諗,如果佢真係做唔到專心一意對待婚姻,咁我情願佢做得好有技巧,呃足我一世
心態,到我有變
講完一堆廢話,思緒有d亂,但唯有呢到我先可以講幾句真心話。