因工作關係，自已扔低女友去左澳門做野，
工作時忙時唔忙，唔忙時最易亂諗野，咁就出事。。。。

去年三月前後，在討論區識左一位女生，叫做P啦～
開始同P在line傾計，開初都係正經野既，講講下就開始帶甜喇，
關係維持好幾個月，其間有幾樣驚喜：P都在澳門住、P叫我做老公、我叫P一個彼露骨既花名但佢唔嬲～

其實一直都好在意P既反應，所以好多時激嬲左P，我都會成日冇心機～
在呢好幾個月入面，我曾經好仆街地唔體諒P而鬧佢，但P最後都冇唔理我，
不過，每一次嘈交（係我引起的，主要係因為P冇覆我），P愈黎愈冷淡，
老公、花名，甚至連 Line 入面既錫錫公仔都冇再出現。。。

上個月，P突然約我睇戲，梗開心啦！仲應承左唔會蝦（咸濕）佢～
呢套戲之後，我地在短短兩個星期日日見咁滯，
除左上床之外，有咩情侶會做既都做過。。。

到P最近考試，我仲突登買左份小禮物俾佢恭喜佢過關！

但係，又因為P唔理我，或者我M到啦，又激嬲左P～

於是，禮物，唔要喇，食飯，唔食喇，傾計，唔傾喇～


睇到呢度。。。喂，女朋友呢？
係，我的確有女友在香港，但一個星期見得一次或見唔到，
我的確係想當左P係女友，但理想話我知唔得，所以我只當得佢係情人～
我真係想在喺澳門時只有P，唔會帶香港任何事返黎煩佢，

其實，就係因為自已一次又一次既仆街，
眼白白將一個可能對自己有好感既女仔趕走，
就只係因為佢忙（可能）唔覆msg~

而家完全感受到P既冷淡，
而亦好慘地，見面時可以好sweet，但係一講line就會水火不容咁～

我真係好在意佢，所以呢排真係好 Down~

但係亦諗到，其實係咪自己諗多左呢？

不過，冷淡左係一定囉～

我都唔知呢個情人仲可唔可以keep到，
好唔想呢個夢咁快醒。。。。

我只講重點…

對方不過係一齊偷食嘅SL，咁着緊做咩？呢啲關係一切都係假象。總之，唔好太認真，有得happy就happy。

更重要嘅係，記住對正印好啲呀，如果你仲係人嚟嘅。

個女唔知你背景？？

算啦 !  開始都唔健康唔自然 ! 食完咪算9數囉

除左開首 完全睇唔到樓主有女友

換轉女友其實係樓主老婆，會否更make sense？

我覺得如果係咁 樓主根本當自己單身

普通不過的一腳踏2船case, 情愛區岩你多d

知道我

可能係。
不過，SL關係似乎在呢度會更有共鳴掛～