上次講到去唱K !

一開始都無咩特別 !
佢座我隔離 ! 佢餵下我食野
我又餵下佢  但無乜點掂佢 !

慢慢玩下, 開始攬住左佢....

唔知由幾時開始呢... 好似突然間中左毒咁
俾佢吸引住 ! 識左咁耐 又唔係第一次見 !
我都估唔到會有感覺 ! 攬左一陣 !
我就行開左 同其他師兄玩同吹水

其間 好多人都走去撩佢 想攬下佢
其實望望下 佢唔係我杯茶黎
但我又對佢有D上心 好想攬住佢

不過見佢 無乜行動 咁就算啦, 繼續同其他師兄唱歌吹水飲酒!
過一陣, 佢就行左黎我度
我地又再一次攬埋一齊..
今次攬, 個感覺仲強烈 !雖然隔左一陣 今次攬得佢更加緊 完全唔想放開佢...
呢一晚 我地由攬..而開始一齊左(算係)跟住最後走時, 我送佢搭車, 仲整多個GOODBYE KISS..

[ 本帖最後由 我係lok~~ 於 2014-12-26 12:31 AM 編輯 ]

愛情來的時候 上晒癮囉咪叫

開始時侯 愛情總係甜...
果晚後 反到屋企 個人又好矛盾
開心又帶點失落
佢..始終係人妻, 有夫之婦
無論佢夫妻之間有咩問題..
都唔應該插入做第三者

但係我 今次好錯 好唔理智
我決左定係 試下同佢一齊
自己當時諗... 難得愛上一個人
一於試下, 唔想俾自己後悔有遺憾..

就係咁 我終於都同佢一齊左..
一開始大家都好甜蜜
我仲沉醉左 同佢一齊既時間
我既世界每分每秒都諗起佢

連情緒 所有,.,都俾呢段感情影響...
最初都無乜負能量..

有時人...以為自己可以做到既野
到最後往往都係好難做到...
我以為初時 接受左佢係人妻, 接受左唔可以成日見 , 接受左地下情

但原來 有D野未試過  係唔知自己頂唔頂得順..

愛像一陣風....

吹完她就走

我同佢 初時一星期 都係見一次..
而呢次仲要係 我放LUNCH既時間

佢專登搭車出黎陪我, 見我
我感覺好SWEET 好幸福
呢短短一個鐘頭 我同佢都好珍惜呢段時間...

其實 我好想放假就入去搵佢 陪佢
但我知自己身份 我只係一個第3者

所以有時 想見 都唔夠膽同佢講
連佢係邊, 做緊咩.. 我都無呢個勇氣去問
我怕自己 會俾到壓力佢...

有次星期六, 佢同朋友飲酒....
其實, 我係好想入去陪佢
但後來同佢傾, 原來佢都好想叫我入去
但我地大家都住好遠, 佢怕我太遠 所以無開口....

大家都諗既好似....又係怕....
其實愛得 又要怕.....
呢種感覺 真係令人幾迷惘

最初....最初..我都可以好好控制自己情緒...
但只係一剎那..... 到最後, 其實都係控制唔到.

每一晚 先係最難頂既時侯
我個人會諗好多野 例如佢訓得好唔好啦
同埋會開始...想自己係佢既另一半
會介意佢有老公...但係, 我憑咩去介意?
我只係一個 做緊錯事既人.......
慢慢開始,,我情緒失控..

[ 本帖最後由 我係lok~~ 於 2014-12-26 01:02 AM 編輯 ]

呢句,,,,好咸濕

吹完她就漏水:smile_40::smile_40::smile_40:

最初單純既甜密
始終 都敵唔過我佔有慾 情緒化

我己經唔可以 好單純咁去愛
我慢慢變到想成為佢另一半
但再諗深一層 我到底憑咩呢
乜都無 錢又無 , 就算佢肯 憑咩要佢放棄而家既野去跟我

開始好多自我矛盾產生
愛 又捨不得放手  ....一直爭紮
慢慢開始 唔覺意咁帶左好多負能量出黎..
變得開始想逃避.. 唔識點去相處......

每一晚都想自己係佢身邊 攬住佢訓
好多晚 都係偷偷地喊 失眠
滿腦都好多負能量 好多野諗
諗 點算好 放唔到手  一齊落去又辛苦..

我要既,. 佢俾唔到我
我可以俾佢既 只有愛.....
可能大家身份背景唔同
我要既 始終都係想一個女朋友
可以光明正大..唔需要偷偷摸摸咁....

同佢傾完.... 好多時都係轉話題/DEAD AIR左
咁就不了了知...然後又會好掛住佢...

有一次見面... 佢又係搭車出黎搵我..
佢仲買左隻公仔... 希望可以替代佢
俾我夜晚果陣攬住訓..

好sweet……今晚攬住公仔訓啦！