真係主動出激~:smile_34:

我見果陣又唔趕時間, 所以就陪佢去睇. 我以為佢會係睇Hello Kitty之類o既, 不過真係出乎意料佢係睇美國漫D公仔. 睇完之後就各自散水. 我發現佢好似對我同對其他男仔有啲分別好似同我會多啲計傾, 果陣我不以為然, 以為佢只係因為我同佢打過兩次波所以咁.

過左幾日, 有一日我地msn緊果陣佢講返以前一啲好傷心o既野, 然後佢突然offline, 之後我驚佢有咩事打佢電話冇人聽. 但因為我返緊公所以唔可以花太多時間打電話. 到左夜晚返到屋企, gf就o向廳睇電視, 我就入房開電腦睇下妮妮有冇online. 我online 左唔夠一分鐘就見到佢 online, 即刻問佢有冇事, 佢話心情已經平伏返. 咁我地繼續如常用msn 傾計, 之後佢突然同我講原來Yang 有追佢, 用o既理由都幾搞笑...

待續~

支持~支持~支持~

Yang問妮妮可唔可以扮係佢gf去見佢屋企人, 佢屋企人好想佢快啲識返個gf, 但呢啲理由明眼人一睇就知係藉口, 當然妮妮都知, 所以佢就向我訴苦. 果陣我已經識左妮妮一個月, 我發覺我開始對佢有少少好感, 可能因為大家傾msn果陣都好投契, 但我始終有gf而佢都知我有, 所以我未有進有一步行動.

講返我gf, 佢好鍾意搵咬嘈, 唔知係咪做親sales 都係咁. 點解我咁講? 因為我同呢個gf 散左之後, 一年前識左個gf 都係做sales, 性格都係幾暴燥同埋鍾意小事化大, 唔知點解識親都係咁, 但身邊太小女性朋友, 公司更加少. 不過自從識左咩叫SL之後有少少上左癮, SL填補到其他gf不足o既地方...

待續~

個POST又沉底:smile_o08:

講返果晚, 我問妮妮最後點覆Yang, 佢話梗係唔理Yang同埋以後都唔會再見呢個人, 係想約佢o既話唔應該用呢啲藉口, 應該用返正常方法. 期間我又講下啲輕鬆話題等妮妮唔駛咁唔開心. 妮妮同我MSN左都成三個鐘, 好在第二日係紅日唔駛返工.

第二日gf都放假一齊出左去睇戲. 日頭冇時間開MSN, 但果日我個心就成日諗住妮妮. 到左夜晚我返到屋企又開MSN睇下妮妮有冇online. 我online冇耐佢又online左, 傾左一陣, 佢突然問我...

妮妮 : 其實你有冇鍾意過我?
我 : ......
妮妮 : 5秒內答我......

待續~

之後點答呀??

我 : 我係開始對你有少少好感
妮 : 我唔要你對我只有好感...
我 : 你想...
妮 : 我地星期六去睇戲好嗎?
我 : 你知我有gf, 點解仲要搵我做對象
妮 : 我都唔知, 我覺得你可以俾到溫暖我
我 : 你知我地就算一齊都唔可以長久
妮 : 我知, 但我控制唔到自己個心...
我 : 好, 我地星期六去睇完戲再傾吧
妮 : 多謝你肯陪我去睇戲

待續~

其實有冇人睇...?

叔叔有追住睇架