妮妮講野好細聲, 唔知係咪因為仲未熟o既關係, 佢只係同我地傾左幾句又行返埋去佢熟o既朋友度. 行多兩個鐘左右我地就行完散 band, 散band 之前妮妮問我有冇msn, 我答佢有就俾左msn 資料佢.
第二日返工果陣見到佢加左我msn, 我就accept 左. 不過我好少傾, 因為
工作都幾忙好少有時間同人 chat. 大家就算傾都只係寒暄幾句, 冇問到
對方背景. 一兩星期後, 佢msn 問我有冇興趣打羽毛球, 其實我平時想打, 但因為冇乜腳打就好少機會打, 幾個月先打得一次. 我覆左佢話有興趣, 佢就話已經book 左場, 大概係一星期後. 我check 左日子, 嗰日GF要開工所以唔駛陪佢, 我就話日子ok, 佢話叫多左幾個人打雙打.
去到打波o個日, 我依約去到體育館, 見到芝芝個 frd 同埋嗰日另外有借膠布個男仔都有去, 就叫呢個男仔做 Yang 吧, 因為之後佢都會o向呢個故仔入面出現.
待續~