平時都係做cd-rom多，見我ac響n年前開，啲分仲咁低就知啦，哈哈。所以我諗都唔需要特別開個新ac去講下依個topic既⋯

話說依幾日睇引版見到位師姐分享左一啲關於SL既定義（邊位就唔多講啦，睇開引版都應該有留意既。）
當然我響嗰個post都係齋睇冇回啦:smile_o05:，不過就令我諗起我身邊依一位SL。依位師姐講得好岩，
SL/SP，what is lover?what is partner?就係前者係有多左一份既愛，而呢份愛就會引至大家既對對方既關心、
著緊，從而比起其他既SP更為令我上心同想念，但當依份愛佔有到令我地平時日常生活都會諗起對方、
掛住對方既時候，對我同佢本身各自都有男女朋友既四角關係絕對唔健康。由於有感情、
有愛響今次依段關係入面，請各位容許我由同依個女仔相識既經過由頭講起，可能會比較長編，
我都係想你地班友仔去到啪啪啪既場境可以投入啲咋⋯⋯

話說同佢相識左都已經有五六年，但其實真正熟落同發生關係都係較近期既事。咁交代下今次既女主角啦，
佢叫做elisa（假名），身高就160左右，身材以我經驗估計大約32c-24-33到啦（真係冇問過佢）。
當年我岩岩出黎做野，就響依間公司識到elisa，但當時既關係真係普通到唔普通既同事咁囉，
除左講下啲公司事之外，最多都係會分享下住劏房啲趣事（因為當時我同佢都各自搬左出去自己租屋住）。
仲有因為我地生日比較接近，識佢嗰年既生日一齊搞左個制服party慶祝咁既者⋯

Elisa大約響嗰間公司做左一年到就無做喇，依我對佢既印象除左覺得依個女仔幾nice幾索，
同埋電話簿上有依個名之外，都所淨無幾喇。咁當然，佢冇做之後，大家係完完全全無聯絡，
就黎響街到撞到都要諗一諗佢係邊個嗰隻⋯

直至到二零一三年六月，係喔⋯又係我生日喔。話說依年咁岩自己單身緊，咁多年生日都習慣左同另一半過，
自己單身就不如又搞個Gathering當搵啲同事朋友聚下舊，當陪我過埋生日咁啦，結果就用廣播whatsapp左電話簿既人（當中當然包括埋elisa啦）

聰明既你一定估中咁多年冇見既舊同事相約，佢肯定睬我都傻啦，但⋯礙於當中有不少既舊同事（都係女仔啦）佢都相識既，
所以最尾都有到場支持，就係依一次我地就見返面，從而引發到宜家種種既關係⋯





[ 本帖最後由 萬洛豬 於 2014-12-11 08:51 PM 編輯 ]

支持, 好想聽落去.

好想知道跟住點

期待新發展報告

之前提到我同elisa就響我上年依個生日party到再次見返啦。無錯，聰明既你肯定估到我地嗰晚咁既環境，大家又飲左酒，又玩得咁高興，下一站仲唔係維記！你地就想⋯我都想喔！！不過真係得個想字囉⋯

咁嗰晚我就book左尖沙咀啲樓上bar慶祝啦，大約為數都係三四十人左右，咁主角當然依邊又玩下，嗰邊又玩下架啦。大約十一點左右就收到elisa既msg。
Elisa：我到左棉登徑，間野響邊架？
我：得得得！見係你，我落黎接你（當然⋯依番説話我分別對左十幾廿個人都係咁講）

落到去就打俾佢
我：響邊喔？
Elisa：響what對面囉（尖沙咀大家知我講邊間啦）
我：我都係喎，出黎啦，唔洗怕醜喎。
Elisa：冇怕醜亦都冇哩埋囉，唔見你喎真係。
點知原來大家都背對住大家⋯
咁耐冇見過，雖然都有間唔時留意下佢post啲相，但今次見到真人佢成個造型唔同左好多，頭髮剪短左，啡左，個妝濃左，衣著索左令身材更加明顯左，嗰感覺就成個金泫雅咁。
我：喂～不如唔好上去，過隔離間維記咯。（依句係響我腦入面諗出黎既姐⋯）
現實⋯
我：hi～好耐冇見⋯（依啲咪口不對心囉）
然後搭lift上去期間都係有啲尷尬咁講下咩好耐冇見喔、差啲唔認得你喔，係爭在啲咩宜家咁大女喇、恭喜發財之類就跟拜年沒兩樣⋯

上到去就安排左佢去返啲佢識既舊同事嗰枱到玩啦，而我無耐亦加入戰團，之後成晚都冇乜點周圍走stay左響依張枱，當然最主要原因係依排最熟最岩玩姐，唔好諗隔離⋯

之後嗰晚當然正如前面所提，係乜野都冇發生，不過就令我地以後耐唔耐whatsapp下，耐唔耐既程度大概係變左一個月一兩個msg⋯都好大進步丫我覺得⋯

順便想請教下我點樣可以改到個topic，想寫返# update左咁。

哈哈哈哈，support.

多謝因為我個post令你諗翻自己嘅sl,如果一首歌，可以令你諗起自己身邊人，msg一下那個久違的他。而我個post,引申出一個sl的一段回憶，都算功德無量咯。

BTW:電腦上，edit就可以改topic.

係第一個post果度禁編輯就會改到

Support

哈哈，我已經收得好密架喇喎。
師姐咁都估到係你既，厲害厲害

okay⋯thanks
咁我唯有返到屋企先再搞啦