搵個生活重心先.
有人搵野讀,上堂,唔好以為唔想學野咁點,而係重點等你多個目標去俾自己完成同成長.
誇D講句,我個褓姆好充實,唔做野佢就會去做義工,唱大戲.
後生既,妳可以行山,做運動,好多好多呢.
講真,睇戲係打發時間遮,個個星期一模一樣,難免失色.
咁不如一齊去學下手藝啦,增進感情架.
我同我太太之前一齊學再造紙,污糟架,但又幾好玩喎.
如果睇戲食飯悶爆程度係10,咁我估你再做咩都唔會比佢悶時,不妨一改一式一樣既生活.
我個人最怕悶,我最鐘意諗野.你睇我個樣就會知................好彩大家睇唔到.

今天同朋友仔去玩中學時玩意，溜冰和保零…

我都好耐無上黎啦

近日四處買營具多呢，再plan路線，把心思放入去，忘卻不少事呢

現在又上堂了

個個星期睇戲，真係好悶下，二來又花錢買難受

試下玩下indoor運動，好係師姊甘打保齡

除咗睇戲，真係仲有好多活動喎！咁你平時有乜hobby ?

好開心喎！enjoy your holiday !!!

如果得我一個人獨處, 我自己都有好多野可以做.

而家問題係當老公放假既時候, 2個人一齊好似根本唔知去邊好!

每次問佢, 佢黎黎去去都只係識話去睇戲, 好似除咗睇戲之外就諗唔到其他活動咁...

或者你會反問我, 咁佢諗唔到做咩好, 咪我自己提議吓囉～ 我其實已經提議咗亦去過好多地方, 全香港博物館, 睇舞台劇, 去跳蚤市場, 去high tea, 揸車去兜風etc., 都已經諗咗好多...

但有時女人都想人地花吓心思, 間中比吓驚喜呀！

而唔係次次問親佢去邊, 就只係得一個答案! 有時同佢一齊真係覺得好悶!!!

GOOD

無計架,引導下佢啦.
我太太都係咁,完全no idea.咁咪我諗囉.
妳講既我都經歷過,我拍拖時咪就係咁上下囉,唔係點打發時間喎.
咁唔想次次都咁樣,真係搵野一齊玩.其實市面上好多親子,又或拖友班既野學架,你睇場戲加食飯玩下手都800蚊,咁去學下野,開心下笑下玩下手仲唔使呢個價添.
我有個fds整cupcake架,佢場場爆,好鬼多人玩多人學.so sweet,我唔係指個cake喎.
再唔係,踢沙啦衰鬼,家陣咁Q凍,出去時先決定,玩下行沙灘,凍時叫佢俾件衫你著,幾咁露咩滴.(行完一車沙,仲可以同佢一齊洗,幾正)
咁如果呢d都無聊.........我想講,你行街睇戲唔無聊:smile_34:...............
indoor都有既,砌puzzle啦.而家無咩人玩架啦,就黎列入百大古文明.
你搵幅(幾張都得)你同佢既sweet sweet相,攞去切割成puzzle一齊砌.砌好有獎,得唔得? (呢招我廿年前已玩了)

其實我當我同老公唔洗返工嘅日子，通常我哋都喺屋企，有時候問佢去邊，佢都會話，我決定。但好多時候結果都係留番係屋企。

宜家嘅我哋同之前都無分別，只係有時候星期六，日間中都各自各活動。或者當大家都無嘢做的話，就會返老公屋企，陪吓老爺奶奶飲吓茶，又或者煮餐晚飯咁。有時候我都覺得兩個人生活都會悶㗎。