引用:
原帖由 水魚人 於 2014-11-29 10:58 AM 發表 
呢樣會想架..一D佢會戴係身又不易被發現的禮物
其實我問心，我真係唔係貪佢有錢，佢有錢根本就唔關我事，加上我生活環境都算中上，我根本就唔需要佢送好名貴嘅嘢比我。
只係小小一條裝飾手鏈，都只不過係想日日帶住佢，無時無刻都掛住佢想起佢。
我知佢要離開香港，我就買套香女比佢，希望佢每日用，會諗起我 知名佢瞓得唔好，買香薰比佢放係房，希望佢聞到會舒服啲，可以瞓得好啲，知佢瞓得差，又買按摩油同佢按摩，早兩日仲買咗個玻璃聖誕機音樂盒，諗住今日送比佢，等佢放係房睇到就等於見到我。
我無時無刻都諗點樣氹佢開心，但…………佢呢？唔好話要佢嘥時間嘥心思去氹我，就連我嬲，佢都只係話你想點就點，一句bye就算。
個心拿住痛到仆街。
