引用:
原帖由 tourist_bb 於 2014-11-29 01:41 AM 發表
年幾前 skout 識,我橫掂肚餓又好得閑,提議不如大家玩一個星期,玩完唔好再搵啦,點知佢話唔好,想發展,唔想玩,咁就搵咗我成年,中間同任何正常 long d 男友行為無異,年幾之後,終於見面,幾日之內被我全 ...
我果個,我只知佢全名同電話。
又話同我去歐洲,又話同我去日本,之後一句話公司有事要飛去做嘢,返嚟話有病唔可以出街 ,又話阿媽唔比。
去做嘢,送機又唔得 接機又唔得,話返大陸,但打比佢係香港聲。
睇醫生就話阿妹陪,留院又話阿妹全天候係度,唔探得,連睇邊個醫生都唔可以講。
星期日例牌唔得閒,唔係表姐嚟,就姨媽,一係就舅父,再嚟就姑姐。
生日我要隻毛公仔,都要三吹4請二個幾月先收到。
又話同我去買衫,又話買手鏈,又話咁,又點點點……吊,講咋,一樣都無做過。
講真,我唔係貪佢錢,錢我都有,只在於個過程,禮物嘅記念性。
我貪?佢開口問我要咩生日禮物,我話要公仔,如果我貪佢啲嘢,我要百爵啦。
一餐燭光晚餐都係,花都無收過佢一支。
哎…………總之就黑仔,識到個連仆街都不如嘅仆街,當比鬼札。