引用:
原帖由 Katrinacat 於 2014-11-25 11:14 PM 發表 
唔緊要啦。如果材料末過期，遲d 整都得
咁又未過，返黎整都得。
聽日一早出門，講埋我單傻佬之遇先。
事源我拎野食時行快佢一步拎左我既野，阻一阻左佢前進。所以佢全程坐我後面怒啤我。咁我當然唔知，係坐我對面既太太講我知既。原本我都息事寧人，由佢，點知佢好似想我知佢啤我。佢食完仲調位坐隔我一行既對面，繼續啤我，咁我即係無得扮唔知。佢啤我時，都真係啤左廿分鐘，我唔知佢攰唔攰，但我望返佢時佢又縮。講真，佢啤我我唔驚，佢縮我反而擔心，其實主要係我太太都係度。所以為免日後麻煩(果間店係我屋企附近，平時間唔中都有食)
我走埋去佢度講:你啤左好耐，啤夠未？
佢即縮。
我再講:如果有咩誤會，我係度講聲唔好意思，有無問題？半晌……我再講
k？
跟手我就拖住我老婆走了。
事後我老婆當然……無講我有型啦，佢只講講咁多做咩？走啦嘛！
我:我唔係擔心妳我邊會咁客氣……呢句心諗既。
講真，我睇佢款似想開拖架，打我唔驚。最怕佢認得我老婆了。所以我都出奇地客氣。但呢樣野，又有幾多女人知，眾師兄們，係嘛？
