朝早搞完所有嘢， 食咗晏晝飯先車倆位公主去夜晚擺酒間酒店， 見今晚實要飲返幾杯， 安全起見我就先揸咗架車還返比朋友轉頭先過去.........
夜晚到開席時， 見到F竟然坐咗係主家席， 問W知唔知乜嘢事？
W: 好似話佢已經攪掂咗新郎個亞哥.......S搭嘴話: 估唔到佢Cheap得咁緊要.......然後望著我講: 家陣係咪覺得我哋好好呢？
開席後本來都無乜嘢發生， 直到中場食完翅敬埋酒啲兄弟就開始攪事， 滿場飛撩人飲酒， 令氣氛高漲起來......
是禍躲不了足之過到來我哋張檯， 有個兄弟係咁撩S飲， 嗰位哥哥仔由今朝開始已經想溝S..........S飲完一杯紅酒後佢又倒滿另一杯， S話飲咪飲驚你呀........
唉！ 咁就大鑊喇！ 等陣公主妳飲醉咗咪要我哋抬妳返屋企......飲到第三杯我話不如我來頂......點知嗰個兄弟登時發爛渣， 用已經開始有啲醉意口齒不清咁大大聲同我講: 邊...邊位呀...你！ 我...我..我溝女又關你事！
