我地無見過面，因為我而家係外國讀書，放寒假先返香港，咁我無男友，諗住網上面識定幾個自己個 type 既男士，到時若果得閑，先搵吓佢地啦，本來一直好成功，因為我外型都好受男人歡迎既，只係我唔鍾意落 bar, clubbing, 唔鍾意呢頭識，嗰頭上床，所以用電話最好，可以 filter 晒 d 癲佬先，點知最近有個男士我唔知點處理。
佢從來唔講鹹濕野，淨係係咁溝溝溝我，過左一排，我覺得自己都慢慢鐘意佢，好危險，就好技巧咁同佢講鹹濕野，但係佢雖然有反應，都仲有繼續溝我，所有唔准講既野佢都全部講晒, e.g., 鍾意我，愛我，唔好同其他男人一齊，做佢女朋友！
我仲未返香港，但係佢打亂左我個 plan, 我從來無預要識男朋友，亦都唔知佢係咪呃我，可能有 d 人玩都唔想同人分條女? 但係感情好難控制，我曾經試過叫佢唔好講呢 d, 但係佢之後成兩日無搵我，我又覺得好唔開心，之後自己搵番佢，被佢話我自欺欺人，話明明佢係真心，仲推開佢，令佢好 hurt。雖然咁，我仍然唔太信只用電話視頻，通話，訊息就會墮入愛河，我自己可能會，但我唔信一個大男人會。
大家話我係咪遇到高手? 而家我未同佢見面，仲有好多機會避免發生意外。我只係想開心，唔想受傷。
