新手第一次打文 如果文筆唔通順 1999 既 請見諒
其實都係上星期6既事.
隔左一星期有啲細節可能已經唔記得左 請唔好見怪
上星期我就用交友神器識左個女仔 我就叫佢做C啦.
C叫我夜晚去TST飲野 話自己失戀想人陪咁
咁我睇佢啲相都算唔差 夜晚我又冇野做 咁咪去飲下野囉
C約我10.30 到TST飲野
有靚女約我當然好準時到啦
C就用電話話我知個地點係邊 點去等等
去到果揀商業大廈要上樓既. 我都知那那地野 不過都已經去到 咪上去睇下囉.
上到去 好黑 好似啲CLUB咁 見到C . 頂 同相完全兩個人黎 ,
門口有條友收錢話380任飲
可惜我當時唔夠CASH 我就番落下面禁錢啦
禁完錢 諗諗下先記起旺角佔中 冇左架小巴直番我屋企 如果冇地鐵既就知轉兩三架車先番到去:')
我就打俾C 同C講不過去第二間BAR到飲 同佢講我冇車果啲野啦. (其實我聽到380都有啲想走)
C就話番我 佢俾左錢入去 又話我禁錢前冇同佢講唔好入去 依加入左喇 你唔係唔黎阿嘛
又話如果真係冇車既 同我夾的士囉 再係就上佢屋企訓囉
係男人聽到上個女仔屋企訓相信都會有啲衝動啦 我都唔例外 細佬控制左大腦
就直接上番去俾錢入場.
入到場先知那野!!!
入面清bar黎... 冇dance floor 乜都冇 但最重要既係.......
頂. 入面有8條仔 計埋C 得兩個女仔 :'):')
C叫我是但搵個位坐 :smile_19:
我心諗 唉... 真係喊都無謂 自己衰咸濕 抵死既....
我就同第二個女仔坐啦(佢靚過C 身材都好過佢, 果日佢全身黑色蒲裝 打出一條事業線)
如是者 就同佢地飲酒猜下TEAM 玩下DICE 咁.
刪下一萬字 ......
個幾個鐘後 C突然爬左係到
睇個樣似係醉左...
但其實係佢同第個FD想扮野借啲易走人!!!
佢飲果啲酒根本就冇料到 (果啲係綠茶溝唔知咩酒黎, 我飲過淡到好似水咁)
我地8個男仔走左兩個 得番6個係到
我地就圍埋討論今次既中伏經歷. 最後傾完後就交換電話開左個中伏whatsapp group
之後大家都話轉場去第間有dance floor 既bar到再玩過!!
色字頭上一把刀 今次當係破財擋災 交次學費啦
希望唔好再有師兄師姐中伏..
打住咁多先 多人睇先再打落第間bar既事 .. 冇甜sorry
