引用:
原帖由 GiveUpme 於 2014-10-29 10:19 AM 發表 
其實師兄都講得幾啱，有時候我都會發覺，當我老公嗰排工作好忙，又要ot嗰陣，一返到屋企，係一句說話都唔會講，宜家嘅我，就會選擇唔出聲，自己做自己嘢，盡量都唔會煩佢。
...
師姐，你做得好好！你老公一定感受到嘅！
雖然我都係人夫，知道男人出泥做嘢係好辛苦，返到屋企有時侯真係需要unwire, 需要靜下，尤其我份工要講
好多嘢同電話，返到屋企真係一粒聲都唔想出。所以早期同太太嘅溝通甚至關係都係麻麻。
呢幾年自己的起心肝想做返好小小，就訓練自己每晚攞半個小時出泥，唔睇電話，唔打機，
淨係聽太太講佢今日發生嘅嘢。好多時侯，我發覺女人最須要嘅並唔係solutions, 而係just listening。而男人往往
就好多都係result oriented, 聽少少，但就多自己嘅comment 同自己認為啱solution, 我發現好多時候都係
鬧交，再差D就甚至冷戰收場。結果係lose lose situation。
但改變咗之後，同一個場境，情況就變得唔同咗。如果太太見我唔睇電視唔打機肯聽佢講嘢嘅時候，講講下佢就會appreciate同話我知，你都悶啦，不如打吓機啦，咁就攞正牌打機，變咗win win。
以上純分享，希望俾到大家一D啓發。
