<第一個他 - 2>
佢一句點呀, 我就抱住膽粗粗又似玩火既感覺問佢邊度:smile_44:
好多人會覺得女仔咁做好蝕底, 但其實除左有意外會有bb 呢點唔同之外, 我唔覺得有咩唔同。只係會覺得點解唔可以係男人有bb 而要係女人, 如果真係調轉角色, 男人又會唔會真係可以咁肆無忌憚咁偷食呢? 可惜如果既野無人可以答到我:smile_39:
雖然抱住膽粗粗唔驚死既心態出左去, 亦興幸從未真係遇見過任何變態或壞人。只係有一次... 不過呢個有機會再講:smile_44:
出左post 咁多次, 其實都未自己形容過自己。165cm 高, 自己覺得自己骨架大, 唔係嬌滴滴既女仔, 好彩亦唔算係大隻, 自己覺得肥, 因為當時真係算肥, 比起而家應該肥多10lbs 左右, 不過有人就講過原來都幾好攬。胸? 唔大, 睇icon 就知, 雖然自己都想大一cup, 不過好唔鐘意比人望個種眼光, 所以都係諗下就算, 而且都無機會再度發育了吧:smile_45:
講返個晚, 秋天, 諗返仲好記得當時係著件長袖底衫外加一件格仔冷衫, 下面著住條及膝裙, 黑色絲襪加平底鞋。個時頭髮長到膊頭有少少髷, 啱啱電左髮無耐。由於係屋企出去, 又好夜, 所以戴住眼鏡同帽就出去黎。
雖然已經係好耐之前既事, 但仲記得好清楚, 或者係因為第一次咁做, 而且當晚個感覺好深刻... 究竟係點深刻呢? 繼續睇就會知道。
一路坐車既時候其實都好緊張, 第一次咁夜特登出門口, 仲要未見過, 而且已經預左會比人攪, 個感覺就好似送上門比人食咁。諗返真係好危險同好唔珍惜自己。不過珍惜呢個詞, 人愈大就愈發現唔珍貴, 而當晚亦都無諗到咁多, 個心態只係好想體會下點解男人要去偷食, 點解可以同一個唔愛既人咁樣做, 而無愛既性又會點樣。雖然啱啱講既野其實由第一次知道男人會去偷食時已經諗, 但係去做既主因, 原來好多都係因為時機, 或者就係只係個一晚個一刻佢咁啱pm 我, 夾啱所有既心情, 所以出黎了。
一路望住窗外面, 知道就黎到目的地, 就留意佢到左未。當時應該係零晨3 點左右吧, 成條街沿車路真係一個人都無, 就係差唔多到既時候, 離遠望到一個人企左係度食煙, 見到佢一身屋企裝束, 白色背心孖煙通, 由於上車時已經同佢講左車牌號碼, 所以當佢識行過黎既時候, 我就知道係佢了:smile_44:
