回覆 1944# 的帖子
ricko兄好耐無見,有無睇波..............我想睇現場呢............
上星期我太太生日,我就係ab店買左花俾佢,叫人送去佢公司度.(呢個係一定要,因為佢會笑住講嘥錢,咁一年無幾次嘛)
之後嘛,我係一間精品蛋糕店買左個cake,然後佢放工就接放學,我就早走接佢地添.咁有小朋友嘛,之後就先返屋企,同埋2個小朋友一齊吹,食蛋糕,跟手好彩褓姆好人,佢同工人姐姐就一齊睇住2個小魔怪.因小朋友佢地早瞓,褓姆仲講可以夜返添.咁我就同我太太去左赤柱食飯,食時就點歌聽live,原本係甜品上應該有H.B.既,點知師傅唔記得左,但我OK既,唔使樣樣好完美.太太就事後好婆仔講,早知有live,我就揀定歌要佢地唱啦........(有live band,事先當然要知)
之後就行下碼頭,吹下海風.其實呢d,係我同佢拍拖時有咁做上下既野,今次算放下小魔怪可以重溫返,但都急急腳走架,始終都夜.而我都同佢講,下次我再plan好d.
咁可能大家會諗,禮物呢?我就送左個糾正坐姿既坐墊俾佢.係唔係好唔浪漫呢?haha.....但現實係.......
花,放在屋的一旁,我估工人姐姐佢地望多過我地,
蛋糕,食左第一次,亦俾佢地消滅埋,
唯獨坐墊,我太太腰唔好,生完bb後更差,除左按摩,最好就係用呢個了,唔浪漫,但夠實用,至少,我肯定佢日日返工都用住,坐住,唔係果d咩野首飾,長期擺埋一邊呢.........
咁日日用,點都仲記住呢~~~~
