引用:
原帖由 rope_sex 於 2014-10-14 11:04 AM 發表 
師兄，多謝你一番苦心先
超超必，用完之后，你老婆开心左幾耐？之後又打回原型
超超必，你知花幾多cost吧！對一個窮人黎講，用得幾多次？
如果平日已唔受你既慰問，唔願傾，唔想修補，甘你所用既超超 ...
師兄,超必真係唔可以常用.但我覺得,其實係2個人對對方都太熟,太了解而變得公式化了.
超必我用過,佢會開心,真係開心,但我知佢本身唔係追求呢樣野,女人開心,有時係旁人可能會說:咩話,咁耐連條似樣既鏈都無?佢口講唔需要但心係疑惑的.送左,佢會心裡有點點肯定,肯定,係肯定男人肯為佢付出.係膚淺,但女人有點膚淺,其實係幸福黎架.當然買左俾佢,佢用唔用又另一回事.咩話,買左開心但又唔戴??係架,女人有時係咁,唔捨得嘛,之後佢同我講,下次送條平d既,粗戴..........haha..........
男人女人,變得公式,可以係對話裡聽到,睇到.口講既,係想俾你感覺佢無所謂,但心想既,可能會希望你為佢帶來一次驚喜.而果份驚喜,係為佢度身訂造.而唔係普通一件.
其實我買首飾,我係知道佢開心但好片面,因為果樣野唔係佢需要,只係佢係女人,身份上會要而已.
所以我先講出連技+超必囉.
意思即係唔一定要花好多錢,但可能要花好多心思,例如plan一整天既行程,以前,我會plan同佢出去走一轉行一天.可能上午食左早餐,就行下只有風景的地方,吸下新鮮空氣,遠離市區,跟手中午食飯,就出返去行商場,睇戲兼shopping,做返拍拖時既事,行街時有咩佢睇中但唔買既,搵個機會買,呢d老土到核爆既橋,幾時都work.有小朋友呢,都無問題,改一改囉.早上同小朋友去玩,我果個仲細,佢要瞓晏教,下午搵人湊佢.咁都照樣可以二人世界.如果plan好晒準備好,其實會被打動到既.我會形容呢個為愚公移山工程,仲要係移冰山添...........
