今次講吓另一個男仔先，為免大家混亂，叫佢做S。
我同S都係上網識，嗰陣都係因為悶，亂add人傾計。
佢張profile pic幾靚仔架，又係man嗰type。
我同S都幾啱傾，日日都有keep住傾，淨係估對方做D咩都估咗兩日。
我哋傾咗兩三個星期就一齊睇戲。
一見倒佢我覺得自己好幸運，佢係一個條件好好嘅男仔，
甚至我現實生活識嘅人都冇咁高質素。
S六呎高，黑黑實實，幾大隻但唔係筋肉型嗰D。
佢又好健談啦，仲事先買定戲飛添。
睇戲都冇乜嘢發生，始終都係第一次見，加上我哋一路都冇傾過sex。
佢都幾貼心，我被D驚嚇場面嚇親時捉一捉我對手，等我冇咁驚。
睇完戲我哋去咗飲嘢。
傾D咩我真係完全冇印象喇haha 點解咁都傾到個幾鐘
淨係記得嗰到D音樂好大聲，我哋傾計時都幾乎係貼住耳仔咁講嘢。
我耳仔真係好敏感，喺我耳邊用低音講嘢，
我已經會好有feel，好似有D電流由耳仔傳到落腰咁樣。
之前男朋友發現咗哩樣嘢時，成日拎黎玩，喺我耳邊講嘢，
搞到我係咁避係咁縮，想佢停又想佢繼續haha 好頂癮。
嗰晚我都縮咗幾次，我笑住話好痕，
佢話音樂太大聲，仲同我講唔好意思。
之後都有繼續哄到好埋傾計，有時候仲會輕輕攬住我條腰添。
期間唔記得佢講D咩氹到我好開心，我笑嗰陣佢仲逗我下巴，
好sweet呀
我哋飲完嘢佢就送我搭車喇，直到下一次見面…
