啱啱見到ex，佢見完工就同我食飯... 喺呢度叫佢做D先啦...
其實佢都可以話係一個幾低能嘅人嚟，我係真係唔知鍾意佢d咩嘅。話說其實佢又係大我勁多咁樣啦(唔知點解個個都大個我㗎) 是但啦，不過佢係啱啱喺英國讀完大學番香港嘅，所以d英文都比香港人好小小可以溝通到咁啦，所以一齊好舒服... 佢係就係煩咗小小，不過真係氹得我好開心，成日對住佢我都好似咩煩惱都無晒咁...可惜因為T同O嘅出現，加上佢嘅冷淡我真係到而家都好懷疑到底我地有無一齊過... 見番佢其實好無奈，但係都一樣hehehaha過咗一晚，佢知我屋企好唔開心，佢亦睇得出我好down，好努力咁氹我想我笑翻...突然間同佢d感覺又翻晒嚟... 不過我知道我唔可以咁樣，但係我真係好想好想佢會嚟拖我，會攬我... 不過，同之前一樣，我又係expect太多...又係自作多情，咩都無... 不過佢錫咗我一啖，嗰吓好warm, 好心動... 不過除此之外咩都無啦! 我有一刻好想攬實佢，好想比佢愛我，但係我知我喺佢心目中根本唔重要，我真係唔想再撘沉船，我好驚好驚... 不過我都幾肯定如果佢嗰一刻攬實我嘅話我係唔可能會有任何理性咁重新愛上佢...
我知道希望有人會對我好，可以揾到一個好似Christian Grey咁好嘅男人係無咩可能，希望男人用心對我亦都係一個好天真嘅諗法. 即使有女朋友都可以對我好好，好似無野咁嘅人我都遇過唔少，你話比我聽，到底點可能對人有信心... 點可能開心。
我好抗拒一腳踏幾船嘅人，因為我曾經愛上過一個。佢係我初戀，對我好好好錫我，係我咁大個第一次感覺到異性嘅愛... 佢係一個喺LA嘅男仔，家境都可以話係好好...中學但係有假期都會即時飛嚟揾我，見得一兩日都唔介意。有一次見到佢，佢同我講話想要，我嗰時係咩都唔識，好驚但係都識吓啦。去到佢房門都未刪好就抱起咗我嚟錫... (佢係嗰d單手都抱得起我嘅人..超變態) 不過之後就梗係一路錫落頸，耳字，鎖骨同胸咁啦，其實我真係勁尷尬唔識反應，可能佢太急啦...我係完全無快感嘅，之後佢竟然同我講話 you are so much better than my girlfriend! 我嗰吓唔明，定咗一定先開始諗到佢講咩，我問佢咩意思，完來佢本身有個女朋友不過係open relationship咁樣，但係佢從來只係當我係一個好好嘅朋友，一個小妹妹。我個心即刻碎晒...我自問唔係個隨便嘅人，點解要咁對我？佢話只要佢女朋友唔知就得，同我一齊唔係問題, 咁即係點？要我做小三，偷偷摸摸。如果係咁，我情願唔要，咩都唔要自己一個。就係因為咁，我更加對男人反感，所以一直都無再拍拖，性生活可以話係零啦...

淨係諗番起都已經喊到成面濕晒，其實再強嘅女人都只係想揾個會緊張佢，愛佢，真心嘅人，乜真係咁難咩？

Btw,大家唔洗太擔心我啊，我唔係經濟有問題，大可以咩都唔做都有樓收租..不過我希望我嘅生活可以有意義，所以先揾好多工做，生活體驗對日後生活好有幫助㗎嘛係咪？如果太辛苦我做減㗎啦，大家唔洗擔心我