講真,其實我地犯左一個基本到唔基本既概念,就係以為用情專一就可以一生一世.
其實咩感情都要用心去經營.所以我先會問尋晚既問題之嘛.
簡單一個例子,你10年前同而家食既早餐,內容可能一樣,但價錢,環境都唔同左.你就會發覺,如果要維持一樣水平既生活,10前後既你,付出都多左,人亦會變得有要求左.但你要既野可能都係果樣喳喎.咁我地應該要明白.要一段關係仍如以往般好,其實係要有追求同不斷提升,才可以維持到.以前20元既早餐,而家,仲有幾多20元既我地食,無......少之又少.......有,你要小心佢既油......haha.........講笑.

其實呢個都係我曾經有過嘅畫面.  但你要點樣先可以達到呢個畫面呢?  dragonbone ching所講嘅野就令我有好深嘅體會.

我都好有同感

另外,各位師兄師姐,小弟今日終於同個單身女分左手了,雖然唔捨得,但始終大家都好明白冇結果,所以佢係唔想沉哂船o既情況底下,跳左船,唉......個心有D空洞,感覺好似又變番一個人......

見你喊得,咁其實我諗你都係仍然好愛你老公,好想同佢擁有呢幅畫面,咁你不妨你同佢講下呢一幅畫面呀~試下俾番D感受佢...

完全贊同~!!
用情專一就可以一生一世,係根本好儍o既諗法,可能我哋真係未用盡方法,去做一d事感動對方,去令對方可以因為咁而令佢哋有改變......
但又其實當o的野貴o左既時候,而自己都俾足錢去買,但會唔會真係好似你咁講啲油...又變左質?又或者根本一直都係用緊地溝油,佢食到根本都唔想變,但又危害緊碟餸?
師兄,其實我都係好認同你講法,只係我覺得有d灰心,係因為我都俾足錢(可能都係俾唔夠)去買,但都係買左d地溝油食品......

[ 本帖最後由 Japchris 於 2014-9-17 11:13 AM 編輯 ]

japchris兄,各位,不如小弟再分享多少少.
其實有一點,我見大家都有d混亂左.就係我之前講既一樣:我對佢已經好好啦,講又講左,做又做過,佢唔變,仲想我點,我都心淡了.我放棄了......
其實好,係唔等如適合,唔等如需要的~~~~
簡單一個,model行catwalk,好Q好睇,人又型衫又靚,但著上自己身,根本就係兩碼子既事.
唔明?再黎多個,時下好多健康產品,你想另一半好,買俾佢食,靈芝,蟲草,維他命?但佢唔一定食,點解既?好野黎架喎,我知佢知,但就係唔食.
當抽身出黎睇一睇,大家就會明,你覺得好既野,對方覺得適唔適合先,需唔需要先係最重要.
另一半最感動既,唔係單單要你對佢有幾好,而係你仲有無發掘佢內心深處既需要既細心同耐性.
另一半,有時連自己要咩都唔知,佢都迷茫了,仲點同你去解決問題,女既跟得個男,男既就有責任為女既護航,帶佢點走.
而當男後知後覺時,女既就要表現得有幾需要返個男人,俾返尊嚴同放大男人既自信.
男女唔係要計算,而係要引導呢.

小弟就出門,幾日後返.希望大家開開心心啦.
有一點想提,其實我地係唔係應該另開POST呢,好似阻晒樓主UPDATE,唔係咁好.
如果真係,麻煩唔好忘記我,PM我新地盤,HAHA..........
仲有一點,雖然我口水多多,但小弟唔老架下,仲好咸濕架,即仲有心有力架.HAHA

有藥，但放咗係公司

好奇怪，唔知點解每次一睇你寫嘅嘢，我就會喊。