你話你中文唔好,
但經己比呢度好多人好,
可能會有好多人小我,
但我個人覺我你寫得好暢順,
清楚交代事件.

嘩3P咁激我真係唔得，我好保守㗎

又講番O,佢係其實真係好錫我.. 我一路同佢保持距離但係又慢慢發現佢真係好好，我唔開心佢會陪我，打風行雷佢會唱歌比我聽，我同佢嘅屋企都好多問題，都係因為錢，佢曾經講過話想同我一齊走，放低晒所有野去建立一個家庭，但係我知道佢屋企好depend on佢，加上我無打算過咁快成家立室。但係佢講完我真係喊咗出嚟，我無諗過佢會咁諗。可能因為佢民族性強，佢有提過想要兩個仔女，但係我又根本無諗過...
我同佢講清楚之後個心好痛，落咗bar飲野，我一路飲一路喊，點解每次有人鍾意我都一定係兩個一齊，點解永遠都要我做呢d選擇，越飲越辛苦，我其實未醉不過借醉打電話比O,佢聽到電話好擔心咁，我同佢講晒發生嘅事，佢亦都明白我感受。我嗰刻好心痛，係咁飲係咁飲, 有個男人行埋嚟，喂大佬，我仲唔夠煩咩咁就梗係急急腳走人啦，一起身暈到差d跌低，點知會變態佬竟然跟住出嚟，出到去嗰個人同我拉扯，之後仲錫咗埋嚟我推都推唔開，跟著有人拉開咗佢仲一拳打過去。我向後一跌，O接住咗我。知後我下意識攬實咗佢... 不過"喂，你點知我喺度㗎?" "我唔知你就比人姦咗啦死蠢" 之後，就拉咗我走... 原來佢係開location估到我喺邊到...　我真係無諗過佢會喺度，會出現，成件事太過戲劇性我真係唔知點反應，原來佢係聽到電話之後嚇到即刻出嚟... 佢平時出街都唔會過9點番屋企，應該好少咁夜，為咗我，呢個男人可以去對好盡...
佢同我上咗的士之後我就好自然咁瞓咗上佢道，因為我其實係住x湖居，所以的士好少去到門口，O一路抱我番去，我一路望住佢..其實成件事對我嚟講太唔真實，我唔識反應...
到嘅時候佢諗住放低我就走，但係佢住柴灣啊，我點忍心叫佢自己番去，所以就叫佢喺我度瞓一晚...


好夜啦我瞓先啦，覆遲咗唔好嬲我啊，錫番:smile_o09:

我講中文有口音㗎..小學唔喺香港讀個底打得唔好... 不過多謝你啊，有你肯定好開心

自己一個飲野咁危險 下次記住搵人一齊飲拉

thank you your report:smile_40:

真係無諗過會發生d咁嘅事... 嗰刻好唔開心所以衝動咗，加上我無咩朋友

佢講得啱，如果唔係佢，你好危險
忽然間有無啪啪啪都唔重要，你有無好好浸淫喺被愛嘅一晚？

直情完全溶化啦...:smile_o06:

寫得好好呀!有哂背景,人物,繼續update丫。支持你。