過左幾日呢幾日同佢都傾少左，可能自己想諗清楚，所以小同佢傾左。
係呢個時間P搵我想約我食飯，同P不嬲都好好傾，係傾到心事既，但又唔係情侶關係，咁就同左佢出去食飯，因為P係好忙好忙，所以都好難夾到時間，今晚我地就去左食飯，約左係尖沙咀既一間餐廳，佢早到左，所以搵左位坐底左，而我因為有未做晒啲野，遲以遲左先到，一見到佢，佢好攰咁攤左係張凳度，因為果度啲位係啲梳化咁，所以都知佢好攰，佢一見到我，都即刻提起精神坐返好。就用一個好甜既笑容迎接我，我坐底左之後就叫佢點野食，佢鍾意食乜就叫咩食，叫完之後，
P：問我叫支白酒好唔好，
我：當然無問題，就叫左支白酒，
我：佢做乜想飲酒？
P：今日好攰，想飲啲酒放鬆下
我：咁攰做乜唔返屋企休息下？
P：見咁耐無見我，今日又唔洗點OT咪約我食飯。
我：咁就係辛苦妳喎
P：都係回左一個好甜美既笑容

P係一個好忙既人，成日做野都要做到11,12點先收，同我差唔多，所以通常都係佢有時間得閒就會約我，田為佢既時間難就啲，所以都唔係成日見。
見佢食左一陣就攤左係梳化度，係度飲酒
我：問佢係咪有事？
P：話佢EX搵返佢，應該係煩住佢先岩
我：哈哈，咁仲有時間約我食飯？
P：你仲笑得出？我就真係笑唔出
我：唔係丫，頭先妳見到我，都係笑得咁甜喎
P：口花花，唔唔通對住我黑口黑面咩
我：咁都算口花花？咁妳而家諗住點？
P：唔係我諗住點，其實都同佢講清楚無可能一齊，但佢因為同女友分左手就搵我
我：又係呢啲野
P：好煩，又係公司樓下等我，又係屋企樓下等我
我：咁會唔會係餐廳出面等我地架？
P：唔會掛，唔好嚇我啦
我：但佢好似好清楚妳咁喎
P：同佢一齊左2年，點都知我啲野既
我：咁果時點解分手呢？
P：咪同妳講左佢因為有第三者同我分手
我：咁都仲夠擔搵返妳
P：佢話因為覺得我好，所以想同返我一齊
我：但妳點諗呢
P：唔會啦，唔想再比佢傷害，佢個人太自私
我：咁又真係幾煩喎，但妳又講佢唔聽咁可以點
P：我都唔知，真係好煩
我：妳呢個時間搵我，會唔會。。。。。
P：痴線，咪玩啦，妳係一個好值得我信任既人
我：乜我咁值得信任架，哈哈
P：係喎
我：咁呢一餐值得妳請啦
P：請呢餐係無問題，但叫我幫佢諗下有咩辦法
我：我都唔知有咩辦法
P：不如做我男朋友
我：下（差啲噴野）
P：唔洗咁大反應既，我而家好差咩？
我：妳當然唔差啦，仲好好添
P：咁咪係羅，唔失禮架
我：係我我禮妳啫
P：妳邊失禮呀
我：我又肥又唔靚仔
P：唔係丫，妳幾可愛
我：幾十歲人仲可咩愛
P：肥肥地幾可愛
我：咪玩啦，咁妳而家想點呀
P：人地都講到出口，妳係咪要我錫埋妳先得呀（好認真咁講）

突然間靜左，我唔知講咩好，想唔想同佢一齊？佢當我係水泡？係扮男朋友？定點？
P：妳唔係覺得我好架咩？
我：我當然知妳好，但我真係一啲準備都無喎
P：而家又唔係同妳走佬，你要準備啲乜呀
我：羅起杯酒飲左好大啖，其實個腦仲係一片空白

P：（P好似有啲失望咁），咁扮住先都得掛
我：呢啲都有得扮？
P：咁妳幫唔幫我呀（用一把好嗲既聲）
我：真係打左個冷震～ 咁點扮呀？
P：順其自然就得

就咁就無再講呢個話題，同佢繼續食飯，食完飯，就陪佢搭車返屋企，搭車果時，佢話佢好攰，想休息一下，咁就挨在落我度，佢既頭髮好香，佢用雙手捉住我隻手，放左係佢大脾度，慢慢覺得佢真係訓左，因為佢個身好似放軟左挨落我度。

我都無理咁多，到差唔多到就叫醒佢，跟住就一齊行到佢屋企樓下，P臨上去之前錫左我塊面一啖就上左去。

支持分享 :smile_o12:

PLS keep update

支持下

同P 呢排真係由朝傾到晚，應該係由朝CHAT到晚先岩。
我：妳唔係好忙架咩？
P：無乜心機做野
我：咁無心機啲野唔洗做呀？
P：今晚食飯羅？
我：我無問題，但妳做得晒啲野架啦？
P：攪得掂架啦

咁我地就約左係尖沙咀等，又係尖沙咀，點解成日約都係係尖沙咀架呢？唔係好明。
我地去左一間食吉烈幾出名既日式餐聽度食野，其實又唔算好貴，但啲野就幾好食，食完之後，P就帶左我去一間酒店既頂樓飲野，個環境真係好靚，我地仲坐到窗口位，2個人對住一個維港既夜景飲白酒，一路傾下偈，氣氛都非常唔錯，真係好過去BAR，可能我地2個都鍾意靜，所以好享受呢個時間，飲下一杯，飲下又一杯，都飲左唔少，見P都開始有啲醉，就問佢夠未？P就話想坐多陣，飲多2杯先，我本身飲得當然無問題啦，跟住P想去洗手間，一起身有啲企唔穩，就挨左落我地，咁我好正常就攬住左佢，四目交談，比佢電一電，即刻又醒一醒，就扶左佢去洗手間，咁我係門口度等佢，P出返黎，都好似醒返小小，我地就返埋位，問多次P夠未？佢都係答想坐多陣。

坐下坐下，都差唔多2點，就問，
我：聽日唔洗返工？我就不嬲都夜訓，
P：唔想返屋企，
我：都無可能係度坐天光果喎，咁不如我送妳返屋企啦。
P：妳好似自己一個人住果喎，不如去妳度丫
我：我係一個人住，但係.......
P：驚我溶左你呀
我：唔係，屋企好亂
P：車，洗唔洗我幫妳執埋屋呀
我：妳真係想上我度？
P：係呀，咪咁婆嫲啦

咁我地就埋單就坐的士返我屋企，一上左的士其實P都已經好醉咁，挨左落我度訓左，好快就到左，仲要扶住P上樓，其實都有小小狼狽，上到樓，佢都仲係未醒咁，就將佢放底左係梳化先，咁我就去廁所洗個面，小個便，係小便果時，P撞左入黎，仲對住個屎塔嘔，我都好在岩岩小完個便，但就未著返好條褲，咁其實都幾"尼HEA" 都係著返好條褲，跟住就扶好佢，又放底左佢係梳化，搵啲熱毛巾幫佢抺下面呀，手呀咁，再入廁所洗下條毛巾，出返黎，諗住再幫佢抺多次，點知出到黎，見到既，係佢已經除緊衫，唉，點解個個飲醉酒都咁麻煩架。咁就幫佢著返好啲衫，就抱左佢入房，幫佢冚好被，就去左第二間房訓。

到左半夜，佢突然大叫，我就過去睇下咩事啦，見到坐左係度喊。
我： 做咩事呀？
P： 好辛苦
我：都叫妳唔好飲咁多架啦
P：唔係飲酒辛苦
我：咁咩辛苦呀？我羅杯水比妳飲先啦
P：捉住我，唔好行開
我：我羅杯水比妳飲下先啦，我就行左去羅左杯水比P
P：飲左啖之後，就開始喊
我：最唔識處理見到女人喊，妳點呀？做咩事呀？
P：點解鍾意一個人咁煩，要唔鍾意一個人都咁煩
我：愛係一樣好奇怪既野，睇唔到見唔到，衡量唔到，但就好感受佢既存在同多小
P：繼續喊，跟住放底左隻杯，就一手拉左我埋去攬實我
我：唔好蕗啦，我咁肥有咩好攬，不如我開返燈，坐底陪妳傾下啦好唔好
P：唔好郁，唔好講野
我：都唔知做咩好，一個好唔舒服既動作，企又唔係，坐又唔係咁比佢攬住，我話我咁樣好唔舒服
P：唔知係邊度黎既力，一郁就將我拉到訓底左，佢就訓左係我上面咁攬住我
我：唔好咁啦，妳真係醉啦，我沖啲杯茶比妳飲啦
P：可唔可以唔好行開，留底我一個係度
我：我唔想咁樣呀
P：我都只係想攬住你啫，都唔係好過份係咪？
我：真係唔知講咩同比咩反應
就咁我地就攬住訓到天光，我訓醒左先，就慢慢鬆開左佢，出左去廁所，洗一洗面，望住塊鏡，都係一片空白，呢日我地兩個都無返到工，成日就留左係屋企，佢既情緒好差，我又唔想亂講野，2個人都係靜靜地咁，我問佢肚唔肚我，我煮啲野比妳食，佢點一點頭，咁我就去煮左啲野比佢食，係廚房裝一裝佢，佢佢坐人係梳化望住街，好唔開心，我就問，不如妳去沖個涼先啦，咁佢話好，就去左沖涼，沖完涼出黎，我都煮好左啲野食，見佢著住我啲T－SHIRT同波褲，跟住就一齊食野。

P：嘩，乜妳煮野咁好食架
我： 見佢好似有返啲精神，就同佢講下笑啦，哈，我煮野都有一手架
P：你睇，讚下你就鬆毛鬆奕
我：咁我平時自己住，都係自己煮野食架啦，點都過到自己個胃先既
P：笑一笑，繼續食

跟住我地點個坐係梳化睇下電視，睇睇下佢訓左係我大脾度，幾舒服喎，咁多肉仲有個肚腩頂住，哈哈
唔知比咩返應，電視又無野睇，就望下街啦，佢不經意咁訓著左，呢一刻我先好似放鬆返小小，就望一望佢，點知唔小心比我望到啲唔應該望既野，見到佢個胸，咁我又唔係專登望既，但坐係度又無野做，電視又無野睇，好不經意咁，又望多眼，其實只係睇到小小，但就突而其來既刺激令身體有突既轉變。係一剎那，我知唔可以再望，因為再望就會頂到佢，可惜既係，己經無再望，但個腦既影像仲係度，小普已經醒左，咁我就郁一郁，希望唔會飲到P知，可惜既係，當我郁果時，整醒左P，咁P就另轉左身，由原本向出，另到面向我肚腩，同P用手整一整啲頭髮，係整果時就連小普都整埋，跟住P就細細聲講，妳諗緊啲咩呀，鹹濕仔，講完佢就繼續訓，而我其實坐得好唔自然，就同佢講妳不如入房訓啦，佢話唔想郁，叫我都唔好郁。:smile_19:

[ 本帖最後由 PostitCY 於 2014-9-15 06:14 PM 編輯 ]

好耐冇見c 兄
P 同k 係兩個人? 因為頭斷你用k 同p 但之後又用p 同我 有x 亂

之後點呢？^_^

唔該CHING提醒，已經改返。開頭個P係我黎。P同K係數個人CHING仲記得我？

[ 本帖最後由 PostitCY 於 2014-9-15 08:03 PM 編輯 ]

當然記得!=]]]多謝接納意見HAHA

原來都仲老朋友係度，同有人記得我，哈哈。都係癈話小講。

就咁，我就坐係梳化度睇住日落，心情仲係覺得唔知點，收到MSG，係K既MSG，問我做緊乜，做乜咁耐唔搵佢，而P都比個MSG嘈醒左，望一望我，問我
P：係咪K
我：係呀
P：你係咪約左K呀？
我：無呀，佢問我做乜咁耐唔搵佢
P：咁你又做乜咁耐唔搵人呀？
我：靜左一靜無出聲
P： 我唔介意你搵K果喎
我：我都唔知我同佢係咩關係，同妳又係咩關係
P：你咪我既男朋友羅，K呀？EX掛
我：其實我都唔係幾想見到K住，唔係幾識面對佢
P：有咩唔識面對，叫佢上黎食飯丫
我：唔係掛，玩到咁大？
P：傻佬，咩係講笑都唔識分架？
我：笑唔出
P：就坐左係我大脾度，望住我：傻佬做咩笑唔出呀？要點先笑得出呀（用好爹既聲）
我：唔好啦，我唔想咁唔清唔楚
P：咁你唔想同我一齊咩？
我：好老實，真係未諗過會唔會同妳一齊，之前都仲同緊K但又未正式一齊，但對佢飲完酒果時係好反感
P：咦，咁我都飲醉左，有無對我反感呀？
我：咁又無
P：I WIN
我：唔識比咩反應，WIN乜鬼呀，妳肚餓未呀？
P：我好肚餓啦傻佬
我：心裡諗，又傻佬？點解個個都叫我傻佬？？ 咁不如出去食野啦
P：出去買野返黎，等我煮比你食啦
我：妳唔係好肚餓咩？
P： 咁我地可以落去食小小野再買野返黎食架麻
我：咁煩？
P：乜你咁架，人地想煮野比你食呀，都唔賞面既
我：因為我都好肚餓
P：咁食左我先羅～
我：咪玩啦，真係好肚餓呢
P：其實我靚唔靚？
我：:smile_19:  唔答得唔得呀？
P：唔得喎
我：食完野先答得唔得呢？
P：咁換衫啦

跟住我地就去食左啲魚蛋頂下肚先，跟住就去左CITYSUPER度買野，見P係咁執呢樣執果樣，攪完一輪就去比錢，係呢個時間又收到K既MSG，做乜唔理我？係咪有左第二個？我都係無覆到佢，我同P就慢慢行返屋企，行到屋企樓下，就見到K企左係度，P就問我，K企左係度喎，洗唔洗行開先？我就話唔洗，我地又無咩。

K：果然係有第二個
P：唔好誤會
K：買晒野煮飯仔都仲有誤會？
我：其實都無咩可以比妳誤會，妳唔介意可以上黎一齊食
P：如果係我再去買啲野啦
K：有啲好唔好有善咁講：唔該晒喎
P：好好笑容咁回：唔洗客氣，咁你地上去先啦
我：其實唔係好想同K2個人上去，但都無法，就上左去

K：一上到去，佢係邊個黎
我：我朋友
K：朋友咁開心煮飯仔？
我：妳要唔信都無法，同埋我同妳都未一齊
K：哦，食完就話未一齊
我：妳要咁講我都無辦法
K：咁做咩近排唔搵我？
我：我想諗清楚先
K：幾時變左咁婆嫲架？之前唔係追緊我架咩？
我：我係追緊妳，但見到妳一飲酒就變晒第二個人，我好驚，唔知點
K：咁我唔飲酒羅
我：妳平時都一個星期飲3,4日酒，點唔飲酒？同埋妳果日都話同我分手，我都好唔知妳想點
跟住就坐左係梳化度無出聲，過多一陣，P就上返黎，個氣氛就仲差.........:smile_39:

C兄點樣收科??