往事回憶錄,夕陽工業夜總會的回憶
好耐冇同大家講故仔,早幾日行經尖沙咀某地方,D建築物同附近環境變化不大,但正所謂桃花依舊,人面全非,無論是苦或甜,回憶起往事總令人悕憈,今次就想講吓呢件始於呢度嘅陳年舊事.
上世紀90年代,我25/6歲從英國讀完書返香港做嘢,公司喺尖沙咀.尖沙咀係一個好特別的社區,日間商業頻繁,車水馬龍.入夜就燈紅酒綠,聲色犬馬.由彌敦道至尖東有好多夜總會,豐儉由人.我老細最大嗜好係[跳舞],當時我都唔識[跳舞]點解,仲鬧出笑話.其實我唔多喜歡[跳舞]這玩意,喺英國都只係去D夜店溝吓女.我唔識猜梅,唔識玩骰盎,又唔鐘意唱K.不過要擦老細鞋,每星期都有1,2晚同班同事陪老細[跳舞],成日都去一間依家已經執咗嘅夜總會.(夜總會依家喺香港真係[夕陽工業].唉!)
講返我呢個老細,公司係佢老竇交俾佢,40幾歲,單身.生得肥頭Dub耳,仲要地中海,真係好難溝到女,怪唔知鐘意[跳舞],佢連同客傾生意都去呢間夜總會.埋單我哋有時AA制,有時佢請,偶然同D小姐有下文出街就自己負責,呢間夜總會喺尖沙咀嚟講唔算貴,AA制都俾得起.如果第日唔駛返工,有時仲會跳到打様,同D小姐仲有媽媽生一齊飮完早茶先散.我哋Mark開個媽媽生叫Jenny,我哋叫佢Jenny媽,35/6歲左右,短髪.有時見佢着住件開工旗袍身材真係一流,正宗[黃鋒腰,曱甴肚],上圍豐滿,我目測估計有34C/D.Jenny係一個非一般媽媽生,有次無無聊聊我點左首陳年英文老歌As time goes by 嚟唱,佢啱啱行入嚟,就攞起支咪同我一齊唱,唱完仲講埋句Play it Sam,Play As time goes by.(睇過Casablanc嘅一定記得呢一段戲)老細先話我知Jenny媽有一口字正腔圓的流利英語,仲識小小日文同法文.
睇到呢度,大家都估到我同Jenny媽最後上咗床.下次再同大家交待Jenny點解會冒行內大忌同我呢個客攪咗上床,同Jenny背後嘅故事.See you later.
[ 本帖最後由 Z6YenNaci 於 2014-9-14 11:23 AM 編輯 ]
