無意中睇到呢個POST, 你地講D野, 太有共鳴了, 我既故仔其實諗住收埋係心裡面算數, 我最老友果班朋友都唔知, 今日有D感觸, 想同大家分享下...., 但會好悶
我係一個人夫, 悶棍一名, 初戀情人係我現任太太, 結婚前唔係無試過同另一D女仔拍拖架, 係我同老婆結婚前二年, 因為鬧交分開左一排, FD 搭FD就識左一個接近離婚既人妻, 無耐同佢飲到7分酒意一夜情左, 我咁大個仔第一次, 我唔識處理, 事後可能責任心或者我傻下傻下, 就同呢位人妻拍左一個月拖, 一來大家了解唔夠對方,又或者我習慣左我同舊女友( 即係依家老先婆)相處, 最後都無左繼續落去
呢次係我人生好大思想轉變, 亦都學識左好多野, 例如, 強行咩責任上身只會令相方難過, 學識左點同其他女仔同處 (係之前, 因為怕羞, 我女性朋友一隻數得晒, 仲要係唔太熟果隻, 只係得我女友一個), 飲醉酒係搞唔到野:smile_13:, 同埋終於知道咩叫身材好:smile_o05: ...
呢次之後, 同女友都和好左, 因為年紀唔細, 就準備結婚....
有人話, 結婚前多艷遇, 呢點的確, 係我儲緊錢準備一年後跳入墳墓之時, 我識到另一個女仔, 係一齊做義務機構到識
佢係一個好爽朗既女仔, 鍾意戶外活動, 初時一大班朋友去CAMP玩, 都無為意佢, 玩下玩下直到有一日, 幾個係果個機構到識而最玩得埋既朋友, 包括佢
, 出左去食飯, 之後直落清吧飲酒, 咁飲飲下走下一個走下一個, 最後得返佢同我, 之後講開佢男友, 我又講我女友, 再講深入少少既話題, 唔知點解大家都好似, 大家都準備結婚..... 到走果陣, 等的士果時, 我同佢鍚起黎, 當然大家都無發生任何事, 但大家感情出左黎, 佢結婚之前我地都玩得好埋下, 但都係戶外活動, 佢結婚之後有一排無以前出黎玩得咁密, 始終唔知佢點諗, 但我感到我好似沉左船, 以為係單向所以成日都唔太開心.... 到我結婚前幾個月
, 佢上黎我屋企幫我搞結婚D野 (佢有經驗嘛), 搞搞下開始有親密行為, 但臨門一腳佢STOP停左, 因為搞完之後, 大家仲可唔可以KEEP到關係? 佢既擔心, 事後我都有認真諗過, 亦都認同 (但說回頭, 我都係一個男人, 當時STOP左我係勁傷心, 但無表現出黎, 只好將濕左一達既梳化當作懷念)
到依家我同佢既關係似一對朋友, 又有少少似一對情人, 又少少似一對姊弟, 我地可以無秘密, 亦可以係無禮貌咁溝通, 例如我有時叫佢豬西, 佢又會話我係76, 我地會講大家另一半D谷氣野, 但大家都會幫另一半講好說話, 我一方面係想同佢搞野 (因為我都係男人, 同埋我同老婆性生活都無晒趣味), 但另一方面一諗到搞完野無左呢個知己, 就.....好矛盾
對唔住, 悶親大家, 但講完, 個心舒服少少
