係澳門返香港後，第二日我起身後，就收到我朋友就SEND左個EMAIL比我，係關於長腿叔叔哩條友（全部野都係由合法途徑知道），亦知道哩個長腿叔叔係一個好大間既上巿地產公司當富豪既PA（大家有係電視見過個位長腿既老闆），亦都知道哩個啊B有老婆，同兩個囡。

個一刻，我好迷惑（問緊自己做緊咩野，點解要搞成自己咁）

A都Keep住揾我，都係我都係用一D好冷淡回應佢。而佢揾我既時候，佢點估都估唔到我原來已經揾人查出個個人係邊位（A一直都用長腿叔叔作為代名），係我知道哂所有野後，我忍唔住...直接打左B既全名，B既所有野.......
竟然比A反惡我一下，SEND左一個WTAPPS比我：「我估唔到你咁恐怖，竟然揾人查我既朋友，我真係覺得你好得人驚。」
我：「老老實實，你同佢咩料啊！你搞人地老公，仲話平時接你個個係接埋佢老婆？又話你同佢老婆好熟？」
A：「我係識佢老婆，見過下。講咩都好，我真係覺得你好痴線，估唔到你揾人查我。」
我：「你都ON9 GA，係你呃我，你又話去澳門係兩個人，原來由頭到尾係同一個人，你當我KAI子，仲要個日係架車到搞咁耐，你地係咪係到扑緊野？」
A：「痴線，你講咩啊！我同佢係識左十幾年既朋友，我老公都識佢！」（哩一刻.....佢自己開始愈講愈多）
我：「你老公？咩老公啊！」
A：「係前夫，我一直以黎都想同你講，但怕HURT到你，所以唔知點開口，我同佢離左婚GA啦」（我已經知道個個相簿放既小朋友相全部係佢個仔)
我：「我屌你啊，你一直唔講！咁個相簿係咪你個仔啊，平時打比你，有個小朋友叫媽媽，你話係侄仔」（我真係火都爆）
A停左一陣：「係，我當時真係唔知點同你講，我又愛你，唔想HURT到你。」
我：「HURT到我？你依家真係HURT到我啦，前夫過去左我就算，小朋友我都算，都過左去，但係你依家同我一齊既時候，同緊另一個有婦之夫既男友一齊，仲呃我？你平時去咩私影個D，你係咪同哩個男人一齊，你唔好當我白痴啦，邊一間公司啊，我真係想知邊一間公司揾你影啊！你老老實實話我知全件事點，如果唔係等收律師信」（因為我正揾朋友，準備告B同A通姦，揾緊D法律意見）
A聽到後，開始好驚：「對唔住，佢係我一個好重要既朋友，係我想決定離婚時，啊B比左好多支持我，所以我地愈行行埋，行到我地都過左火，點解當時你唔早一星期同我講話鐘意我，我就唔會同佢有咩事發生。」
我：「你依家怪我，你傻撚左啊？就算我有無講過，你都唔係咁搞人地老公啊，咪係我面前扮正義啦，屌你」
A：「對唔住，我真係唔會再同佢見，求你原諒我，我唔會再同佢有任何聯絡啦！」

（當時因為B既事，已經暫時忘記佢有(前夫同小朋友)哩一件事）
而睇AV成日都話搞人妻，但估唔到自己真係搞左啦，一D興奮既感覺都無，反而得到既係，個心愈黎愈傷。

我：「你收皮啦，你D大話愈講愈大，你唔好同我講話無同佢無做過其他野啊！」
A：「我真係無，我同佢真係朋友，只係佢鐘意我，我因為前夫C，無哂所有朋友，啊C唔鐘意佢送我返屋企，我都已經無左揾佢幾年啦！！！」
我：「原來連啊C都知佢存在，你真係好濕咩」
A：「對唔住，你相信我啦，我唔會再揾佢」
係個刻唔知係咪因為自己沉左船，所以個心竟然想原諒佢......
最後我話：「我比一次機會，你再有一次，我包你後悔。」（用合法既途徑令佢後悔）

講完哩句我無再覆佢，但估唔到我今次既原諒，得到既比今次更HURT既事，亦知道死性係永遠不改....

[ 本帖最後由 TTMLOVE 於 2014-9-9 09:30 PM 編輯 ]

樓主容忍力真大 :smile_o08:

真係一個大話連編的女人

唔係女人先會一次又一次咁原諒另一半，男人都一樣會咁做，不過到唔會再原諒時就真係散

我都被同一人背叛過兩次, 俾左一次機會, 就唔會再俾....
有D野真係死性不改架

繼續撐場

咁你都可以原諒佢，樓主你真係好有容忍力

係......愛有時係盲GA.....

真係吹脹

師兄, 喺其他地方見到你篇文, 話聲你知, 詳見pm

So far 睇完你的故事、覺得愈有智慧愈美麗的女人有時聰明得令男人恐怖，有時錢和利益、令人盲目去追、得到的都是痛苦