"仆街，妳撞倒我呀…無帶眼睇路呀？"
我眼都突埋，心諗 "咩料呀？妳夠無帶眼啦，如果唔係洗攬炒？"
不過望真D佢地一群成五六個人，重要好面善，E…唔係喎…同班架喎！
"sorry" 講完諗住走啦，點知俾佢一手拉返轉頭，"講句sorry大哂呀？
妳撞到我呀，唔係諗住就咁算下話？"，
"我都係唔小心ja，sorry都講左啦，咁妳重想點呀？"
"我想點？未諗倒！諗倒再通知妳，好自為知啦…八婆"
之後就俾哩班人，撞來撞去咁就走左啦！
聽魚魚講，佢地係惡霸黎架，特別係我撞倒果個小琪，
正正就係哩班人嘅大家姐，我都真係算唔好彩啦！
叮叮叮，夠鍾去更衣室換衫上堂，由於全部都係女同學，
所以更衣室入面雖然係一格格但係係無簾嘅，
今日係今學期第一次上體育堂，個個都想快D行入去霸個靚位換衫，
當然我都唔例外啦，話哂用開果格就以後都係用果格，緊係簡返個好位先啦！
更衣室有分兩面嘅，就好似泳池更衣室一樣，一邊係一大個位置 中間有兩排櫈，
側面就圍住有D勾掛衫咁，但係就無遮無掩 就咁除就咁換！
另一邊就一條L字型巷，頭頭尾尾分左十幾二十個格左右，
雖然無簾 不過一人一格 透明度無更高，話哂我都係怕醜嘅貓貓呀 hahaha…
我心諗 行到最入實無死啦，換衫又唔駛俾人睇倒，
正當我準備係袋拎袋衫褲出黎換果時，就聽到有人問"阿Cat係邊格呀"，
我重以為係魚魚佢地搵我，就大嗌"我係度呀！"
校服裙係好似日本D校服咁架，兩件頭 上身有少少窄條裙仔有短左少少咁 膝頭對上少少，
成日都俾老師捉架 hahaha，然後就準備衫過衫咁除件上身啦，
兩隻手縮左落個身度點知件運動衫就俾人一手搶左去，定一定神先發現，搶左件衫嘅就係頭先我撞倒果個人！
