人妻請進 (內無任何情慾情節或甜故, 慎入!)
寫在前面：本人人夫一名, 結左婚兩年, 膝下無兒無女, 最近夫妻間發生了一點事, 所以想了解下大家(主要係人妻)會點諗.
本人新手一名, 都係機緣巧合下朋友介紹接觸到呢個區, 睇左好幾個post, 覺得大家的問題同我既問題都好似, 亦非常好奇點解咁多人會越軌, 因為暫時睇左好多, 對大家的故事好有興趣, 亦想了解下大家的諗法, 雖然未必解決到我既問題, 不過點都好, 當識多D朋友無壞, 就係咁, 前言寫住咁多. 有機會再分享多D關於我的私人野比大家, 如果內文有錯亂或唔到point, 請多立巴打and sis多多包涵.
正文：
兩年前本人剛結婚, 滿心歡喜, 覺得自已搵到一個了解同明白自已的另一半(我係咁諗先同佢結婚). 說實話我跟她一起的婚姻生活都沒多大問題, 雖然沒有父蔭, 但小弟工作亦算穩定, 老婆基本上自已搵自已洗. 老婆亦從來沒有為家中開支煩惱過, 所以在朋友眼中, 我老婆都算係嗰種幸福小女人.
婚後當然我地會有性, 呢個好正常. 結婚前我們間唔中都有, 不過礙於當時我地未結婚, 所以我要求唔敢太多, 而且亦基本上每次都係我主動. 本人我唔係對性要求好高, 得過且過就算數, 但係結左婚, 好自然我想在性那方面上有多點滿足, 於是我就買左十零件情趣內衣, 一次做愛送一件, 我心諗如果老婆著住黎做愛, 咁就好喇, 因為我個人好like see through, 覺得好誘惑. 初初老婆都配合我肯著, 我亦都向老婆暗示我好希望如果你想做愛的時候就主動穿上, 但兩年來她一次都沒有主動穿上, 每次都是我要求她這樣做, 我覺得她在這方面很被動, 於是亦有跟她說希望她能在這方面主動勾引我, 撩起我的性慾. 但她一直都沒有主動過. 直到最近, 情況變得更糟, 有一天, (對上一次做愛已是個多月前的事) 我性致勃勃的跟她說不如我們今晚一起享受一個美好的晚上, 今晚你穿上我送比你黃色嗰件情趣內衣, 好嗎? 佢話叫我搵下, 我去衣櫃搵左好耐, 一件都搵唔到, 之後再問佢, 佢話都唔記得左放左去邊, 我話唔緊要, 我再搵搵(其實我人都幾溫柔的, 唔會主動發嬲) 搵左好耐, 差唔多成個衣櫃反轉, 都搵唔到, 之後我就問佢, 你到底放左响邊, 你諗清楚D, 她先支支吾吾地坐在梳化上說: "嗰D衫, 全部掉左了." 我個心當堂涼左一涼. 嗰一刻我真係好唔開心, 原來你一早知道掉左, 點解要呃我唔記得, 嗰一刻我真係好嬲.
嗰一晚, 我同佢講, 咁算喇, 我瞓先喇. 之後無采佢2,3日, 後來佢話佢唔鍾意著嗰D衫做愛, 佢話覺得自已好似雞. 老實講, 我都未見過雞著嗰D衫囉, 佢都唔知咩係雞. 再者, 我同佢一個月都只係做2,3次. 各位巴打同sis你地無睇錯, 真係得2,3次, 有時1個月只有1次, 因為佢從來不會主動和我做愛, 我唔知係佢內向定點, 唔做唔緊要, 有時夜mama咁男人一定有生理需要, 咁好自然會攪下瞓响隔離個另一半, 佢每次都會好惡咁話: 我要瞓呀, 唔好攪喇. 後來佢話佢好憎人咁攪佢, 佢覺得自已好似比人強姦. 兩三次之後, 夜晚我地瞓左我都真係安安定定咁瞓覺, 費事又比人話.
講返其實佢對我又唔係唔好, 只是在性那方面太過保守, 本身我亦係一個面皮唔厚的人, 你話唔制, 唔通我夾硬黎咩. 所以我真係好唔開心. 我覺得我係愛你才送給你, 你不喜歡, 你可以唔著, 但係你點解要掉左我送給你的愛, 再者, 我每個月只係同你做2, 3次愛, 穿上身會很難為你嗎?
一諗到呢度, 我當堂都尻縮埋. 我覺得往後的日子都唔知點, 我想知道已為人妻的你如果老公送情趣內衣比你地, 你地會唔會覺得好核突, 會有反感嗎? 會不會穿上?
我有諗過同佢傾, 但係佢本身係唔多聽人講嗰種人, 佢覺得係咁就係咁, 講佢又唔入耳, 講多又話我煩. (之前已講過兩次希望她能主動點) 所以我都真係唔知點, 唯有係度呻下. 我無諗過會同佢分開, 但係覺得自已會好辛苦. 男人, 有時真係好難忍. 男人之苦, 邊個會明?
另外, 我覺得呢個區非常好, 以前無諗個有個咁既地方, 可以發洩一下自已的情感, 小弟以前細細個都有D艷遇, 有機會下次分享比大家. 暫時寫住咁多先. 以上東西, 各位巴打sis多多包涵, 不喜勿插.
[ 本帖最後由 8055 於 2014-9-12 06:42 PM 編輯 ]
