到第二日起身，A好興奮問我一陣會同佢去邊，我話帶佢去睇一啲好特別既野。其實我個樣一睇就睇得出黑口面口。
CHECK OUT完後，將啲行李暫存係大倉到，就去搭車新濠天地，因為「龍騰」個個表演仲未開始，所以我地就去左FOOD COURT食野等。一去到新濠天地，佢就即刻，係即刻鬆開我隻手，特登同我保持距離。我亦都刻意拖佢，最後佢又好快速鬆開我隻手。

題外話，「龍騰」同水舞間雖然睇左好多次，但都好正，大家可以去睇睇。

食完都差唔多時間睇龍騰啦，睇完後我就好刻意話不如去Starbucks坐坐飲杯野，大家如果有睇過龍騰既話，都知道成整程都要企，好攰架！

咁我就話上去FOOR COURT個邊，近電梯個個位有間Starbucks，我地就選左近窗口個邊坐（其實我係特意選個個位，因為知道可能有機會見啊B／長腿叔叔，都係同一個人黎）

買好咖啡坐好，我就已經見到佢攞起部手機，正因為A佢戴住左黑超，所以可從佢既鏡面睇到佢大約睇緊D咩。
（其實自己心中有數，知道佢係同緊長腿傾緊計）

係哩個時候，我終於忍唔住啦。
我話：「你係咪同長腿傾計」
A：「係，佢揾我，問我係邊到」
我話：「你好緊張佢咩」
A：「唔係丫，你又想講咩野」
我：「咁啊B呢，你唔係話佢又黎左澳門咩」
A：「係，佢同長腿都黎左」
我：「不如我地一齊揾佢地出黎食下野， 做個朋友吖」
A：「唔洗，佢地又唔係咩重要人」
我：「下，你唔係話好似當做屋企人咁咩」
（其實哩個時候，佢講既大話，已經講到連自己都亂哂，當中仲有好多對話，有D我已經唔記得左，始終都成年前，請見諒）
我繼續追問佢：「咁佢依家係邊到」
A：「佢係新濠天地」（因為佢之前講過長腿住個間酒店係新濠天地）
我：「下，你又知我講邊個？唔係兩個都咁岩係哩邊丫」
A無應我

哩個時刻我忍唔住爆啦

我：「我屌你，你咪再呃我啦。長腿係咪就係啊B啊，平時接你個個咪就係佢啊！」
A：「痴線，都話左唔係同一個人黎，你都係唔信我」
我：「你電話無鎖好機，我琴晚睇到哂啦，仲同我扮，一腳踏咁多船，咪玩7 我啦」
A：「原來你琴晚真係睇過我部電話黎」
我：「你講大話講到自己都唔知自己講咩啦，on9」

我哩個時候，我真係勁嬲，勁傷心，我即刻企起身走人，其實我眼有淚光，因為我為到佢付出咁多，換黎係一個大大既綠帽戴係頭上。

佢又跟住我尾，我無回過頭，就搭車走，當然佢跟埋上車，因為佢無錢（遲下大家會知道點解）

係車上，佢一直同我講對唔住，佢唔再見哩個人，真係唔會哩D 廢話
我都係無理過佢，去到大倉我拿拿聲攞返行李走人，想早些小搭船走人，因為我好想即刻返香港，去到碼頭，因為地早到搭，所以要排後補。等左勁耐，我唸住比＄1500搭直升機走，最後直升機都滿客，所以我就同當地既陀地買船飛，正因為自己心中都好撚嬲，但係其實個時自己都唔想佢辛苦，就買左新船飛，可以即入閘。

上到船佢係咁承諾我咩咩咩，其實我個心，咩都無唸，只係唸到我比人背叛出賣左（喂，玩家唔緊要啊SP唔緊要，起碼講清講楚丫，屌你）

最後，返到香港各自歸家，係走既時候佢好似叫過我送佢返去，最後真係勁憎佢，都無送佢。

返到屋企後，因為屋企都放酒係到，得閒就飲下，結果個一晚都靠酒黎訓教，當然佢有揾我，但係我完全想一個人靜下，我需要點。。。。

待續～～各位因為明天同我女友飛，所以打住咁多先，WECHAT將來熟小小，我就會加大家。。因為工作上身份有小小敏感。。。請見諒。
大家都好好奇，或者有一D部份唔係好明白，可以留言，我會續一解答，我打哩篇野出黎，唔係要認同，亦都唔要咩點擊多，哩D對我黎講無意思又揾唔到錢，我只係想表達一些小意思，你真係發現你好愛一個人，咁就去愛啦，記得唔好留有遺憾！問心無愧就可以。人生總會遇到幾個仆街，哩幾個仆街走左後，你就知道係佢唔識珍惜你。

（一邊打，一邊心酸酸）
Good night everyone and have a nice dream

[ 本帖最後由 TTMLOVE 於 2014-9-3 11:12 PM 編輯 ]

:')

受過傷。就會變得堅強。撐你。。。等你update....

我認同身邊仲會有d卜街係自己身邊經過。。你對人好。。不會獲得同樣對待

Waiting for your update!!!!!!!!!!!

樓主快D返,等你繼續!

支持你
同女友玩得開心點
等你一星期後更新你個前'女友'點av

謝大家，我可以講一句AV情節：
A係一個有老公有小朋友，仲要呃我話會離婚，最後又想話去埋韓國返黎就搞離婚，仲要同另一個有婦之夫既男人一齊。

玩得开心D....快D返黎update呀!等你呀:smile_38:

下？超越AV呢個範疇啦下化？
呢啲口嘅人真係令人作嘔