師兄師姐好，小妹第一次黎po文，文筆唔算好好，希望大家比下面睇下留下comment^^
人物A:178cm, 戴眼鏡，頭髮黑色差不多到膊，樣貌okay, B的朋友.
人物B:182cm, 戴眼鏡，金色短髮，有gel頭，樣貌麻麻.
主角：自己(lil.m),162cm, 深啡長髮，樣貌見仁見智.
我同B係網上認識，佢有一日無啦啦加左我，聊我傾計，開頭我都係是是但但答一兩個字，後尾太無聊就同佢愈傾愈多野，傾到感情問題，佢話佢唔識溝女，成日都無女仔接受佢，好似個個女仔都當佢係觀音兵，成日淨係叫佢車，陪佢地食飯睇戲，當然錢就係B出晒，我聽完都覺得佢幾慘，咁問下佢鐘意咩類型女仔，佢話只要愛佢就得。咁我都講下自己感情方面佢聽，我有男朋友(C),啡啡黑黑的頭髮，162cm, 同我一樣高，樣貌麻麻，似小朋友，佢管得我好嚴，唔比我同異性出街，成日都要我同佢一齊，岩岩開始都okay, 但係相處多左覺得好有問題，個世界好似得我同佢，最多有埋佢d朋友，我開始頂佢唔順，我同佢都係網上認識，晚晚都有傾下電話，第一次出黎見面之後，佢覺得我好面熟，話見過我，但係我一d都唔認得佢，我追問係邊到見過我，佢死都唔肯講，話我知左就會減佢印象分，我問多幾次佢終於講話我地一齊打過bowling, 個陣我就記得喇，佢係同我一team, 個次仲拎第一，我都唔知點解對佢無印象，可能佢唔靚仔啦。
今次寫住咁多先，故仔有d長，應該分好多part先寫晒，而且係真人真事，所以會一直發展落去，希望個po唔會悶親大家啦
