Hello 又係我又係我係之前個帖度叫附近茶記有個阿姐真係正，果位朋友好想追佢。咁我曾經留言自己都經歷過類似既事，識左班不三不四既姐妹，最後搞到偷食，所以好多朋友，唔係朋友，係咸濕仔先真，叫我分享下！咁好，阿姨就分享下，講明呀，我真係antie黎，過多幾年都50歲即係過近半百既阿婆來，唔好阿婆都蝦丫！
咁我介紹下自己先啦，其實我都係做茶餐廳的，做左幾耐呢，都有十幾年了！開頭嫁到香港時，其實唔係做飲食，我係間叫保良局xxx既小學，做下d文書，打下字丫，類似秘書啦！做左一年左右，後尾因為有左bb，洗錢就會多左，老公想我多d留係佢身邊，就叫辭工，順便搬屋，由深水步就搬到新蒲崗，因為老公係新蒲崗一間公爵酒樓度做廚房，所以為左方便佢容易照顧我就搬到依個地方，當時我其實仲有能力做，所以老公介紹下我都入去酒樓做幾個月，賺得幾多就幾多，想快點儲到多錢媽！
當我第一胎出世後，打工真係好難照顧到，老爺奶奶又無係香港，係大陸住，我爸老母又係台灣，打工都要帶埋個仔去返工，真係溴得好辛苦！結果我地就自己創業，起碼唔洗睇人臉色，照顧bb又方便！而且當時機場仲未走，老公話有得做！因為資金唔多，得十零萬，結果就係附近開左間500尺左右既鋪仔賣下粥！
咁其實當時新蒲崗九龍城一帶真係好雜，咩人都有，黑底，白粉佬，周圍都係，好得人驚，黃賭毒樣樣齊，治安一點都唔好！我地開張無耐，生意麻麻就有人黎收保護費！第一次驚青，唔識，我地真係照俾佢，點知隔左一星期又有人黎，老公梗係火爆，明明上星期收左，宜家又收？點知古惑仔話佢還佢，我還我！結果又俾多次，生意唔係無，不過條友唔順囉，擺明恰我地兩公婆。咁後來有個客仔同老公熟落左，知道老公係潮州人，就幫我地，原來果個人都有些少勢力，佢話潮州人就最團結，有難一定幫，一定唔會蝦潮州人！咁之後真係安樂好多，成大半年都無人搞我地！
不過直到有一天老公出左去，又有個古惑仔黎搞事，想屈我錢！當時真係嚇一跳，我無預到依事情會再來！可能佢知道我老公離開公司，得我獨自就來！不過我梗係不會俾佢，我辛苦賺憑咩你可以搶！當時我地仍然無手提，得公司電話，根本通知唔到老公。點知個仆街發惡，踢我d枱，想嚇走我d客人，嚇到我B仔都喊埋！我當時真係上前阻止佢，一腳踢落佢個袋袋！佢痛到跪低，我就即時將佢隻手向後屈，將佢制服，然後大大聲話佢知，你再來我同你死過！哈哈，結果d客人見到我咁型，一齊拍手話（事頭婆好野！事頭婆好野！）真係心涼！
依次係我黎香港第一次郁手郁腳，其實我真係學過少少功夫仔，因為爸爸以前係當兵，我家有九兄弟姐妹，我排尾二，得我一個嫁左來香港，基本上家族全部男人打得下，女既都識得一招半招，一對一應該無問題！如果係宇宙最勁因子丹可能會俾佢姦埋添，haha講笑！不過自從果次踢袋後，壞人真係無再來，仲有添丫鋪頭既部分平時態度差既客人，突然對我溫柔左，禮貌左，客氣左，唔知係咪驚我炳佢，哈。
但事後同老公講番件事，佢不信，以為我有妄想，後尾聽客人先真係其事
咁日子其實都過得幾苦悶，一面溴仔一面做野，個bb越大就越扭計，但當我想起我地目標就係想快D買得起層樓，個bb就黎要返學，開支愈來愈多，同自己講，死都要捱落去！
當時我地兩公婆其實真係無咩樂趣，直到一年前老公俾我激走，我同老公廿幾年來都係入過兩次戲院睇過兩次戲，你地無聽錯架！第一次就係麗宮戲院，當時睇既係華仔既天若有情，一張飛好似五蚊左右，好平，真係好正架，套戲，睇到我喊。麗宮內面既螢幕真係大過宜家既幾倍！不過內面既座位衛生真係好差，咩垃圾都有！針筒，竹遮，姨媽巾，花生，飯盒，依d通地都係！所以我去完一次，從此唔敢再去，多謝，請我都唔去！後尾仲聽講果度有鬼，哈哈！
之後我地生意開始Ok，但好消息逐個來，第一個係我又懷孕了，而且係女！我好傳統架，點都要一仔一女，湊個好字媽！果陣知道係女真係開心到彈起。第二就係我地抽中左居屋，當時我地係白表，白綠比例好似係46，定37，總之要抽中，係難過中六合彩！雖然地點就遠左，係馬鞍山既富寶，不過講環境治安空氣點都好過新蒲崗既！所以買了，係個大單位，成700尺！
買左樓就要供，又有陀住個b女，生活更加緊張，真係一日都唔停得！不過生活質素就點都好過幾年前，起碼唔洗慳住洗囉，記得當年到我臨生前一個月，我係仲鋪頭收銀！我同老公都唔敢俾伙記接觸錢銀，因為曾經試過伙記穿櫃桶！所以樣樣都要親力親為，你話係咪生活得好苦？不過見到細路哥大，幾辛苦捱落去都覺得值得，苦中有樂啦！
講到依度，係咪好boring？哈哈，sorry，其實我真係唔知點寫好。不過等大家知道我係幾老實既人妻，好錫仔女既賢妻良母，哈哈，所以由頭寫起啦。
咁個女來到我地家後，當時我其實24歲都未夠，聽左咁耐，好似捱好多年，以為由於97前好多人移民，老公有個朋友又係做飲食，依個朋友因為移民，佢間鋪問我地有無意思頂來做，咁梗係有意思啦，因為佢果位置真係好旺，好生意架，見到佢有本事移民就知搵到la！咁當時因為真係好朋友，所以頂手費都係收20萬。咁依間公司就係成為我最後果間，一做就10幾年了，依間好大過千尺架，比以前粥店大三倍，人手又要多，做開粥轉做茶記，其實好大分別，雖然話我負責收銀，但好多都要學過，例如學沖絲襪奶茶，咖啡，整下西多士，基本上水吧全部都要學識，話哂老闆娘媽，當然我份人比較好奇，好勝心都比較重，所以好多野有機會學，我都會去try下，萬一有伙記休息我都可以頂上。
咁講下關於我同我老公，我老公其實大我10年架，五官端正，個樣後生算靚仔，唔係我都唔會嫁到香港，但身高唔算高，得1.62左右，而我黎香港時係矮過他，唔知點解生個仔就長高幾吋，變左高過老公！可能第三期發育哈哈，而身材都漲大左少少，之後生完第二個，身材都其實改變左，不過D人發覺唔到，成日話我生完仲keep到，其實我一向都瘦底，加上依行食無定時，明明好肚餓，食到無胃口，我體重長期都50kg樓下。係生完個女之後，以前D牛仔褲開始唔岩身，個pat比以前肥左。咁講下我衣著打扮，其實10幾年都無咩改變，頭髮扎到馬尾，永遠都係恤衫牛仔褲，方便媽！日日都係鋪頭返工，著得靚係無意思！加上我同老公思想比較傳統，著已經不是少女，係已婚，著得靚，著得少布反而俾人感覺做作！至於化妝？成世人除左結婚，去人家婚宴，打扮下，無咩事都唔搞咁多野，因為我地做人比較實際！如果問我鍾意做飲食，不鍾意，太辛苦，太困身，不過嫁雞隨雞媽，再講，果年代女人緊要要睇實自己老公，起碼有咩風吹草動都第一時間知媽！萬一出事，被人拋棄，人生就玩完，所以老公搞咩，我都支持！
我既朋友，其實即係我既客人，基本上所謂既朋友都係因為幫襯過我，先結識成為朋友，當然啦，朋友中90%係女性。其實全部街坊都知道我有老公，所以邊有男性朋友呢！係早期我結識班台灣婆，係香港遇到自己家鄉既人，真係好高興，亦都因為咁，多左樣興趣，就係打牌！講到打麻雀，我10歲就識，以前小朋友無宜家咁幸福，老母玩咩我地就玩埋一份。咁基本上一到下午無咁忙，我就會去打牌，個仔當時10歲左右la，佢一放學就返公司一面坐係收銀做功課，一面收錢，而我就去偷懶，打牌，所以如果仔仔不在，我係無得休息！
咁後期依班台灣婆，有D搬屋，有D病到行動不便，有D死左，所以都無咩聚埋。直到識到另一班朋友，依班姐妹都係幫襯我識，開頭無咩幾句，傾下無謂野，直到有次問我有無興趣一齊打牌，先開始熟落。當然當時我唔識打廣東牌，一向打台灣牌，不過佢地隨意教下我，我好快學識，原來都係一樣有上有碰，仲簡單過台灣，而且無咁多規則，一句做牌！不過我始終覺得台灣牌變化多，好玩好多，但佢地唔識，迫住玩廣東牌囉！其實依班姐妹全部都係已婚，不過佢地就幸福過我好多la，因為佢地唔洗工作，全職師奶，老公就出去搵錢養家，完全享受人生，真係超過羡慕嫁！咁打左牌一兩年真係開始熟落，一班女人打牌，真係乜都講，講下明星八卦野，個仔讀書成積點呀，老公性格呀！連性事都擺出黎講，聽完先知，原來我係性方面係咁out！咁保守！
係岩岩結婚時，真係日日做架，個仔出世後都會keep住一星期一次！直到阿女出世後一個月都無一次，我地覺得做愛係為左生BB，既然生夠都無必要再做愛！係咪聽完好想笑？係架，萬一又整多件點算？係97前曾經都懷孕多次，當時老公都想左好耐，生定落，結果我一個意外我滑樓梯流產左，都好既，可能個天都唔支持我生！自從依次我地更加少做愛！
（我老公每次返黎，我都要即時同佢做，如果射得多，就過關，少就證明出事！）
依個姐妹叫梁太，佢先生係內地工作，有自己公司，都算係成功啦！不過老公就一星期先返黎一次。
當佢地知道我性事後，個個都鄧我可憐，又話3x歲係最旺盛，做少一日都周身痕，但我唔覺囉。我老公唔煙唔酒，由結婚第一日起做到今日，日日工作都為左頭家，係我媽眼中，長輩眼中係絕世好男人，我都覺，真係好！十個做廚房十個都賭，我老公就偏偏唔賭，最多買下六合彩，股票！得閒就同仔女玩，教佢讀書，試問咁既男人去邊道搵？
但係依班姐妹眼中，我老公俾佢地踩到一文不值，又話我老公無理情趣，唔識浪漫，可能性無能，唔同我做愛可能一早唔愛我，捱左十幾年先得兩層樓！白白浪費左青春，原來唔識浪漫都係罪，唔怪得王傑有首歌叫不浪漫是罪名啦！其實我以前成日開收音機聽歌，白菜兩蚊一斤，豬肉幾錢斤，haha！不過宜家d歌真係聽唔慣囉！可能我唔識欣賞！
總之佢地講到我老公衰到爆，好想我離婚咁。不過我有腦！佢地點講，咪點講囉，我覺得無問題，我覺得自己老公係一個好老公就夠，外人點睇我一點都唔在意！有時我真係好想講（關你地鬼事咩，人生我自己既，我點行就點行！打牌la八婆），老實講對得佢地多，我有時都頂唔順，我覺得佢地個性格，做人態度同我完全相反，我來打牌真係為左打牌，唔係來講人是非囉！
當然啦，嬲都係嬲佢地講我老公，只要唔講我心情就自然靚番！咁一路打大家都打左成年幾兩年，直到有日打麻雀，阿梁太拎出支膠既物體俾我話益我！當時我完全唔知係什麼東西，不過梁太即時解釋用途我知，話我咁慘，應該要有支傍身，仲話包我用完一定會鍾意！我當時無要架，我話咪搞我la，我唔需要依D！結果無迫我要！不過夜晚返到家，梁太電話來叫我打手袋試下用下支自慰棒，我先知道原來佢淨雞雞放左入我手袋度，唉，依個梁太應該嬲佢好定讚佢好呢？
[
本帖最後由 小淫菜陳太 於 2016-1-7 04:12 PM 編輯 ]
