Chapter.2
喺呢一倘MTR嘅車程中, 心中有無數不安. 擔心一陣唔知會點. 我會唔會比人溶咗架?? 明明好驚, 但偏偏又同自己作對... 呢個就係我!
嗰個年代Smart phone同流動網絡亦冇而家咁盛行, 除咗用MSN之類嘅野交換相之外, 都好少用手機嘅MMS交換相. 更加冇美圖app, 你影出尼係咩樣就咩樣, 除咗去PS. 何況, 我好冒險, 我地事前並冇交換相.
人夫有自己嘅座駕. 我同佢約咗係某個地點, 會合之後就開車返佢家. 咁快就直接返屋企? 當時嘅我咩都唔在乎, 事業失意, 愛情亦失意. 慣咗啲唔開心嘅事收收埋埋唔同人講. 況且講咗對我都冇乜幫助. 終於, 喺遠處見到架黑色私家車, 車窗好似有野遮住, 完全睇唔到車廂裡面嘅野...... 同架車距離越尼越近了, 我十分之猶豫, 我其實仲可以調頭.
行行吓已經到咗車門前. 成架車都裝哂黑色窗簾. 我仲未見到佢嘅真面目. 門... 突然打開咗...... 佢可能知係我, 主動開門比我上車. 我亦見到佢嘅真面目. 並唔討厭. 唔係一個靚仔. 瘦瘦地但有少少肌肉. 表面睇似一個正人君子. 當然行為上證明咗佢唔係. 我好緊張, 上左車, 開始咗返家嘅旅程.
傾吓閒計, 講吓大家嘅事, 我本身個人並唔健談. 除非同啲熟到爛嘅朋友我係一個痴線婆. 哈哈. 心裡面仍然好忐忑. 不過， 總會有到達目的地嘅一日. 再者, 其實當年我嘅第一次比咗人地冇耐, 就識到呢位人夫, 所以冇乜經驗嘅我， 真係同啲處女冇乜分別.
佢叫呀豪， 後來因為某啲事我知道咗, 原來呢個名, 都係假嘅.
百般不安, 終於都到咗家門口.
