八年前的情慾往事 Updated #65 - P.5
八年前比一個喺聊天室識嘅三十幾歲人夫教我玩呢個SP遊戲... 同佢結束咗之後同另一位男士成為SP. 再直到呢半年尼到呢個版睇Post同留言, 稍為見過幾個C-hing, 其實感情呢樣野都可以好脆弱好兒戲. 呢個Post只係我有感而發, 並冇大家好鍾意既甜字海, 亦唔會有太多FF嘅翻雲覆雨情景. 講明先, 我講嘅野唔關呢度見過面嘅C-hing事.
哈哈... 多謝大家咁有耐性睇到呢到. 我開始發噏瘋啦. 有得罪嘅話多多包涵. 我諗... 呢到留得下呢個Post掛...
講吓呢位三十幾歲人夫嘅事, 話哂佢係我嘅"第一任SP". 關係都Keep咗3年先完. 結局當然係不歡而散. 當時失戀狀態嘅我上聊天室識咗呢位人夫, 同佢傾咗一輪, 佢就問我做唔做佢SP. 當時嘅我真係唔知呢個詞語係何用意. 理解咗之後佢亦有叫我再三考慮清楚先答覆佢.
我當時有不安, 但又心思思想試. 尤其心靈失意時人係最易出錯. 思前想後咗幾日, 最後都決定同呢位人夫見面. 因為當時仲喺中環返工. 所以一身裝束都以Suit為主. 當年亦冇而家咁肥豬. 年紀起碼仲係一字頭先啦. 哈哈哈哈哈. 亦因為當時嘅工作時間好flexible(咩工就唔講啦). 我食完lunch, 就去咗同呢位人夫作第一次見面...
Anyway, 雖然我故事講佢係一位三十幾歲嘅人夫. 但而家再加返八年時間的話都接近四十歲啦. 但當時嘅我, 只知佢係一個二十幾歲, 一位有女朋友嘅男士...
原本想一炮過打哂所有野, 我諗, 都係唔得架啦... 繼續構思下先再續, 因為對於啲傷心嘅野好善忘, 我係痊癒能力快嘅人, 好快將呢啲野自我封存咗但拎唔返出尼嗰隻. 可能之後嘅故事都好怨念. 哈哈哈.
* 事先聲明, 唔好問我同呢度嘅C-hing嘅野, 我唔會答, 亦都唔好PM我講做SP之類嘅野啦, 我唔搵SP... 可能你冇睇上面嘅廢話, 但唔好侮辱自己智慧連呢句都眼殘唔去睇. (我講緊嘅喺部分畸形人.) 有啲串, 不過我唔係喺度扮清高. 我係有自知之名啫. 唔該哂各位!!!
[ 本帖最後由 quickquickly 於 2014-8-9 07:56 PM 編輯 ]
