絕對支持增設子版區：「原創作品」, 雖然我知道, 其實有好多讀友係唔介意有呢一堆轉貼文嘅存在, 反正都係當故事咁去睇, 至於係原創同轉貼又有何分別呢?
但站在原創文作者嘅我地角度去睇, 自己都希望每晚捱更抵夜咁去創作嘅故事,除左能夠得到知音人共賞之外,其他如點擊率同讀友嘅鼓勵說話,亦係各人嘅辛苦原動力。
理解 KaHo 兄版主無私地咁去維持呢版嘅秩序, 過往版主嘅辛勞大家亦都有目共睹, 除左要清除大量炸版嘅廣告貼之外, 更要幫我地的原創文推貼黎作出安撫嘅作為, 雖然係咁, 原創文章仍然不能幸免地好快又被推到第二版以後, 原創文作者繼續不滿, 版主事實亦真係已盡左能力, 但就依然吃力不討好, 久而久之, 版主就更變成磨心, 更甚再被視為發洩對象, 就好似其中見習版主 rigby 兄就係一個好嘅例子。
大家都唔知道版主是否有權去增設子版區, 但我相信, 落實增設原創子版區之後, 一切都會係利多於弊, 首先, 原創文作者唔需要再為此情況而有所爭拗, 其二, 我估可以再次吸引番一班已經意興闌珊嘅高手會再度發文, 更甚, 我相信更能吸引, 一班正在尋找緊一個適合場地發文嘅有潛質新手湧現, 良性競爭, 遇強愈強, 好文盡現, 原創轉貼各有選擇, 版主亦不需再心力交猝地度日, 一切就等原創子版區出現呢日嘅來臨。
Mandy & 文迪
