細佢幾年 所以有時都好介意佢好縱我。。。。

心情好d未?

如果妳咁介意佢縱妳的話, 咪每當佢一縱妳時, 妳就 :

....

..

.

一巴車落佢塊面度喝佢咁話: 駛q妳縱我呀 !!! :smile_38:







.
..
... 講笑啫 ~

其實差幾年都好正常啫 ~ 除非妳個"幾"係"幾到"尾"啦 ~
如果佢三十幾妳廿幾 ... 都唔算太遠, 唔會係佢縱妳o既原因呢 ~

會唔會係妳地建立o係工作上o既關係呀?!
e.g. 佢係妳上司/膠層 ... ?:smile_13:

大我三年 唔係同事

做咩諗到咁灰呀？:smile_13:

都唔係既 知道佢因為工作所以性慾兼顧唔到咁頻繁 雖然可能有男人兩樣都可以協調得好好
但佢就係只可以專心一樣野既時候 確實工作係為將來

咁咪減小d次數囉，冇計

三年啫, 其實都算好理想丫 ....
妳話6歲同3歲就話啫 ~

佢又同妳工作上冇瓜葛, 更加冇需要因為利害關係而縱妳丫 ~
所以縱妳都只係純粹想對妳好啫 ...

可能佢比較傳統型啦 ~ 想咩事都由男人頂果d ....
如果妳唔想佢太縱的話, 咁妳開心見誠咁試下同佢講 lor !
(妳係咪果 d 比較男仔頭/爽朗型?)

由細到大 至上一段感情 都係我做保護角色多
太攰既時候都會諗 如果有個男人俾我依靠 嗲下
唔洗樣樣掂 同佢去街我唔洗諗去邊同食咩就已經好好。。。。。簡單黎講就係想有個男人做哂決定

到現家。佢有八九成係呢類 不過有時都仲係會
唔明白點解我唔洗佢送番屋企
講真 拍拖地方都唔會離屋企太遠 最多九個字番到
係車我慣性做下上網睇新聞 等等 有個人陪始終要俾反應佢 。。。。。就真係有d 攰 所以呢排開始都會送到車站各有各番屋企 佢又可以早d番屋企 我又可以做自己係車想做既野 係有微言格啦佢
但我諗 每個人拍拖都想開心 有諗法都應該要同對方商量

由細到大男同女對我黎講都只係性別唔同
傾到計就做到朋友 諗落由細到大男性朋友係多過女性朋友 可能因為我唔慣埋埋 我最深刻中學好興三四個女仔去廁所。。。。我永遠唔會咁
一 通常急先去 二 短頭髮唔洗點搞個頭洗手走得
三。。。。。通常都係聽人講是非。。。。無回應
漸漸就唔會埋堆。。。。

大個左開始明白 其實男人都不過係小朋友。。。。管得愈多適得其反 由其愈緊張 愈易令到對方厭倦
所以 就算普通朋友 都係一句起二句止
除非大是大非。。。。。
都有女仔問過我點解好似係女人埋入面通常做大家姐 但有男人在場就唔出聲
一 我怕女人得一想二鍾意三 我做左決定就收窄範圍唔洗煩 食個飯 唔洗諗n間都決定唔到 俾三個選擇女性朋友(其實好獨裁。但當你試過企係街等人決定食咩你自己餓到反肚又唔發得脾氣 第二次會醒目)同行有男性就由佢決定(上至老豆 下至男性朋友
都有主見 我男朋友就我話佢聽我想食咩 例如粉麵
由佢決定餐廳 好似我無所謂其實已經有表示)

二 男人要面
數數手指 有五六個男人講笑話我古惑
係一班落街食早餐都要化妝既女人中
我出門兩三日都係帶個人衛生用品 衫褲
係男人眼中 好似見到異性既同類 好親切但。。。。
可唔可以似番少少女性 XD 因為好似搞基
不過好老實。。。。。對住自己有興趣既人
我都有女性既行為既。。。。。睇唔到。。。。係我對果個人無興趣