突然忙左好幾日，突然得閒左既今晚，既然打開，就儘打吧！有人同我講快啲離開佢，叫我同佢快啲分手，唔值得... 但係道理就好似“鬼唔知阿媽係女人”。我相信無一個女人會希望自己會鐘意上一個壞男人黎折磨自己，但係愛上左，唔係話走就走到... 只會期望有日佢會變，佢會識得珍惜，希望自己等到嗰一日... 就好似同時間競賽，等到，就修成正果。但傷夠了？就算唔想放手，都無力去抓緊了...
嗰晚，ex 見到頸上面既吻癢仲問我...... 但，問？需要答嗎？我無出聲，佢就逐句逐句問，每一次既無聲，都默默地代表了正確...
"你去飲酒黎？"
"影左張相嗰晚？"
"你地有無做左啲咩？"...
佢無繼續問，攬住左唔出聲，但係已經淚流滿面既我。望住佢個樣，見到佢表現到好心痛，我好驚佢係個真戲子，我可以信佢嗎？我輕輕咁推佢離開我，想望清楚呢個男人，佢稍稍用力咁又回到原位，我再用少少力，佢就開始用力咁圍住我...
雖然我地企左係柱邊角位，但仍然係商場範圍內，如果望，可以好清楚望到同聽到咩事... 當時好似悲劇女主角上身咁，佢圍住我錫左埋黎，但係我就喊得仲犀利，個心想去信佢，但係個腦清清楚楚咁想去排斥呢個人，為左佢，做左mary, 為左佢，自己呃自己，連自己都鄙視，只恨未痛夠。
當晚佢送我返屋企，車程中佢無再留戀佢部手機，一隻手攬實我，另一隻手握緊我雙手。返到屋企，成晚佢都攬住我訓，細吻我，一隻手俾我枕住同輕掃我頭髮，另一隻輕撫我全身，無sex, 但我愛溫暖既感覺遠勝過嗰一刻快感(係咪應該輕post 去情愛版？
...
)，感覺好安心。
可惜同佢一齊，就好似坐過山車咁，心情起伏波動，一秒就可以令我立即跌到谷底...
