上文講到人生中第一次查男友手機, 發現佢撩女仔外, 仲要食左人...
目送左佢返工之後我訓返低, 但係睡意全無, 望住張床既空位, 諗起琴晚之前既幸福感, 所有野都好遙遠, 我諗緊自己係咪發緊夢仲未醒, 定其實見到既係夢境, 而家已經醒左, 所有事都無變, 一切如常。可惜, 呃到人呃唔到自己...
腦海中幻想過好多次點做...
send msg 簡單講句分手?
約佢出黎質問?
打比個女仔叫佢以後唔好再搵我男朋友?
一器二鬧三上吊?
平時可以好快做決定既我, 呢一刻唔識揀, 揀唔到... 唔想揀, 更加唔想諗...
一個星期過去... 兩個星期過去... 看似平靜, 但平靜背後往往都會有小浪。
每日都覺得個一刻好似發夢, 一d 都唔真實, 但係我crop 低左個screen... 變態嗎? 原本crop 低既screen 當晚睇到時, 心生不忿既個一刻諗住用黎質問佢既證據, 但而家就成為左每日提醒我呢個係事實既畫面。每字每句, 每一次睇都痛一次, 或者我心入面有個聲音同我講"痛夠未? 仲未痛夠就睇多幾次! 呢個係事實! 你仲要同佢一齊?!"。終於有一日痛夠, 我同佢講分手, 佢點答點講已經唔記得, 只係記得一切都好冷淡, 好平靜...
今年tbb 有套電視劇好多人讚, 你估唔估到邊套?
同佢分手之後既我就好似入面既茹小姐咁, 手機響會以為係佢msg, 人地電話響會以為係自己電話響, 就算無響都以為佢打黎...
見到whatsapp 上面既佢上線中會諗緊佢會唔會msg 比自己, 見到佢不在線會眼定定望住以為下一秒就係上線中, 什至每朝張開眼第一件事係睇下有無收到佢既msg...
不過結果就如自己所料, 咩都無。
一日兩日三日.. 日子慢慢過去, 人前正常, 唔係唔想喊, 只係知道一喊就收唔到聲, 連講出黎, 搵人哭訴都講唔出口。呢個時候, 半年前追我既Y 君問我呢排點, 叫我得閒就搵日大家出黎食飯, 收到佢msg, 擇日不如撞日, 當晚就約左去食飯睇戲, 其實心入面都只係想有個人陪係自己身邊, 因為身邊有個人既時候, 起碼自己仲可以扮下堅強。
原本睇完戲就返屋企, 但我根本就唔想一個人, 而Y 君經常見完面都會問我飲唔飲野, 之前講過我唔鐘意飲酒, 但係呢一刻, 當然無問題。
個晚我地去左尖東度飲, 一路飲一路玩十五二十同其他小遊戲, 借玩樂, 時間過得好快, 亦飲得好快, 每次輸左我都大大啖飲, 苦唔苦已經唔重要。平時飲幾罐啤酒已經wing wing 地, 更何況幾柸高身大啤落肚? 感覺已經比wing 更加wing, 不過思考唔到野既感覺係當時既我最想要既。
飲完大家臨走行去旁邊個商場去厠所, 知道我講邊度既朋友應該記得個商場好靜, 入門口後仲要自己行上條扶手電梯再行遠少少先會到厠所。
我同佢一齊行上去既時候, 其實我已經行到有d 歪歪斜斜, 佢都扶左我幾次... 或者係攬住我幾次......
到去完厠所諗住落返去, 佢行先, 我跟尾, 本來應該行返落條扶手電梯, 但係佢行過左, 我亦都無理咁多, 點知一路行到尾轉角時, 佢就突然攬住我錫左落黎!... 雖然好突然, 但係可能個心已經覺得無咩所謂, 連反抗都無, 錫起上黎... 過左一陣, 亦都唔意外, 佢一隻手攬實我條腰, 另一隻手直接去到我心口, 放左上黎, 開始又搓又摸......
過左一陣大家都低左落黎, 佢問我去唔去佢屋企, 我都隨口答應了。
諗返起, 好鐘意又攬又錫既我, 個時其實咩感覺都無咁, 個心空洞到覺得發生咩都無所謂, 就咁就跟左佢返屋企...
