今日有人問我點解會同佢分開左, 其實係咪多數都係個D 原因? 可能都有例外係因為感情淡左, 或者話一齊左之後覺得性格唔啱。不過以我所知, 大大大部份原因都係因為偷食。原本以為完全放開晒, 但原來再提起, 諗返, 個心仲識痛...
其實嚮而家呢個咁開放, 咁易識人又咁多引誘既年代, 我唔否認好多人都試過, 如果問我會唔會介意另一半偷食, 我相信無人會唔介意? 但如果我好愛佢, 而佢本性難改, 我寧願佢係一個偷食高手, 瞞我一世, 唔好比我知, 起碼佢都"識返屋企", 而我亦都會覺得好幸福。
比我嚮度想下當年? 不過會唔會好似變左係應該post 嚮情情愛愛個版?:smile_13: 哈哈~ 我唔理咁多lu~
諗返起, 識左佢一段日子, 間中佢都有打電話叫我去食飯, 幾時同佢行下街陪下佢咁。個時咁啱轉左新工, 近佢住個邊, 不過一次都未見過, 亦都無諗過會見, 更加無諗過會一齊左。
終於見面個次, 係因為新年期間返左大陸, 唔記得咩事我自己早左返香港, 個晚同人食完飯飲左d 酒, 咁啱佢又搵我, 飲左酒個人真係會放鬆d, 佢話都夜, 送我返屋企, 個時淨係覺得有人送返屋企, 有個依賴, 感覺安心d, 坐車又有個膊頭挨下, 就由佢黎搵我勒。
坦白講, 我唔好飲酒, 覺得又苦又唔好飲, 係成班朋友一齊時大家飲下, 個晚應該飲左2 - 3 柸, 個人唔係話真係醉, 仲清醒自己做緊咩野, 只係個有少少wing wing地, 行起上黎有少少又左又右咁, 佢就好自然拖住左我, 我亦由得佢拖。反正又唔係拍緊拖, 女仔既都想有個人錫下自己, 拖下自己, 我都唔例外, 但係有無諗到咁長遠, 即係比佢送左我返屋企之後跟住點呢? 個晚我真係無諗過結果...:smile_27: 正正係人地成日口中既抵死, 比人食左都唔知咩事, :smile_39:
個晚一路拖住去坐小巴, 坐緊時又拖住, 落車又拖住, 一路拖到返屋企, 鬆手, 我拎鎖匙, 開門... 成屋都黑蚊蚊, 因為得我返左香港, 其他人仲嚮大陸。我自己因為有d wingwing 地既關係, 開左門就入左房就咁合埋眼趴低左。佢之後跟住入左黎, 開頭佢做過咩, 或者隔左幾耐, 我都已經無印象。第一個印象就係佢訓左落我個人度既重量......
本來應該想就咁訓死既我, 因為佢既重量覺得唔舒服, 想推開佢, 結果好自己咁... 我諗好多人都估到咩事, 就係我反轉個刻佢錫左落黎, 可能係所有野加加埋埋既原因, 軟床, wingwing 地, 佢既重量, 身體接觸既熱量, 咀唇既濕潤, 全部野加埋好舒服, 理智有叫我要停, 但係經常做野都已經好理智, 個下自己都知道自己已經唔想諗咁多, 淨係想舒服.....
結果, 由開頭佢捉係我對手係咁錫, 到後尾我對手慢慢已經攀上佢後頸, 兩個人慢慢攬到好實, 雙手開始嚮對方身上周圍摸, ... 過程? 真係唔記得, 只係記得之後攬住一齊訓, 到第二朝佢送我返工。
訓醒, 清醒左, 其實一路無理佢係知佢係play boy, 雖然口講到唔係, 但感覺佢係, 女人既感覺不嬲都好準, 尤其係感情上, 知道唔應該再搵佢, 但結果竟然一齊左...
一齊左之後, 未試過check 人手機既我有一晚忍唔住, 結果...
<<遲d 再寫>>
