去到POLY, 求其走左個冇人既課室入去坐低左( 我唔係POLY架, 但朋友試過咁帶我入房, 咁我就知原來可以爆課室XD! 但都幾驚 lol)
啲課室冇枱, 係嗰種痴住張chair既枱仔, 所以雖然我好想趴低但都冇枱俾我趴XD, 咁我又順理成章咁i落佢膊頭, 唔覺唔覺又真係恰著左, 醒返嗰時發覺佢搭住我手臂, 因為係tube dress, 所以佢隻大手係直接掂住我。之前無論我點送波餅點Q實佢都叫做隔住件好幾層衫, 而咁咁樣, 我真係.... 面都紅埋, 前世未俾男人掂過咁lol...望吓時間, 原來只係恰左三個字左右~ 老細見我醒左就縮左手...問我有冇好啲。我心諗, 你繼續搭住我我會好啲.....=.= 當然冇咁講啦, 我話好返啲, 但M痛唔想去食飯...佢問我同邊個食? 唔重要就唔好去啦....頂!!緊係冇你咁重要啦, 親戚輸九條街。我話咁我唔去啦, 但我冇拎鎖匙返唔到屋企住喎...佢話佢陪我坐下..
坐就緊係唔係齋坐啦, 要talk架嘛! 於是就由公事講到私事lol 我問佢佢點解同女朋友散? 佢話女朋友識左第二個, 陰公豬... 佢又反問返我點解冇男朋友? 我話你又知我冇? 佢話估既. 咁我就大概唔啱feel呀嗰啲行野啦...我心諗, 講真, 我而偏好成熟穩重, 大學入面嗰啲好似唔係好啱我咁.......
因為我同老細平排坐, 所以有時講野唔會望住佢, 佢都係唔會成日望住我, 但我留意到佢會望住我對腳/高跟鞋, 其實我得160, 絕對冇長腿, 但可能因為我Q腳, 又係到搖搖吓(唔係un腳, 最憎人un腳)所以吸引到佢注意, 我見佢望, 找又忍唔住引下佢, fing甩左隻high heel, 半吊喺腳到吊吊下(明唔明=.=) 跟住因為我坐喺到成日郁黎郁去, tube dress有啲sir左落去, 我一於少理, 繼續講啲佢唔想聽既野(例如大學教授點衰點煩點chur XD)繼續引佢.. q腳仲要撥埋啲頭髲一邊等佢見到我走光, 過左一陣, 我唔知佢係啱啱先望到定望夠, 佢指一指我心口, 示意我整整條裙...我心諗...有冇咁正人君子啊=.=燥燥地, 上身唔等, 換下身。我繼續係咁郁, 係咁換腳q, q到條裙撩高左...XD! 結果佢冇叫我整返低啲, 不過無啦啦話其實留喺POLY都唔係辦法, (當時八點幾) 我點頭但冇出聲。
其實當時我再去同親戚食飯都趕得切, 但真心唔想見到啲親戚=.=... 佢諗左諗話一係去食野啦? 我話我冇胃口, 但可以陪佢食, 佢就話喺餐廳自己食不如買返屋企食, 我話都得既。佢望住我, 好似諗緊野..我用我無害既眼神望返佢, 表達我係好天真架我係好天真架我冇特別意思架買外賣去你屋企丫嘛我真係冇特別意思.....最後, 佢輸左, 佢話好啦咁行啦。吊鬼既係佢唔係帶我去買外賣而係帶我去買餸。傻既咩, 成八點先買餸, 冇九點都唔駛食野啦..好彩我唔餓=.= 我都真係叫佢唔駛煮我嗰份。
上到佢屋企我就攤左喺梳化訓左, 半夢半醒, 聽到佢叫我起身入房訓, 我攰到傻左咁, 死唔願郁, 佢喺到拉我起身, 燥底, 扮唔清醒鬧左佢兩句, 佢又死要拉我起身唔知做乜, 淨係聽到佢係咁叫我入房訓好過喺梳化訓。我話好頭痛好頭暈, 唔想郁, 佢話佢扶我, 然後真係拉左我起身....我話好啦我唔訓啦=.=唔好再拉我=.= 望下個鐘己經十點, 佢己經食左飯洗埋碗..我心諗, 你係叫我入房訓就晨早叫啦, 由我訓到十點你先叫我入房訓, 係凍親就晨早凍親左啦...=.=佢望我兩眼話, 不如我俾件衫你笠住先= = 我望一望, 可能因為我好反訓, 訓左都會郁黎郁去, 搞到又走光, 我話唔駛啦, 我都返屋企。佢話我車你啦不如(佢係有車的, 但嗰日唔知做咩冇渣車返工lol) , 我話吓唔駛啦好早啫而家, 佢話我車完你返去再返黎都仲好早啫...
最後我都係上左佢車, 但我真係好攰, 我話我喺後座扛橫訓下得唔得? 佢話好, 但小心碌落地。我就側訓, 側訓其實幾好XD 就算冇D Cup都會有視覺上既衝擊, 當然我都冇expect佢會望啦, 純粹係我想睇佢渣車個樣先側訓。同埋俾佢咁講一講我都驚會碌落地, 於是放左一隻腳喺地, 咁碌落地都有隻腳撐住下丫嘛XD (實際姿勢係點請自行想像啦, 我唔知點形容XD) 望望下佢個認真渣車樣, 我又真係訓著左...=.= 第一次上老細屋企就係咁完了, 乜都冇做過=.=........
[ 本帖最後由 大學生A 於 2014-4-14 02:32 PM 編輯 ]
