嘩..呢D身材簡直一流
屌一世都願

Part #8


以我當時有限既資料(當然之後知既唔止咁少)，我只可以大慨了解到M小姐幾樣野。
1.
本來係好樂天既女仔
2.
對愛情同婚姻都好有憧憬
3.
對男朋友極信任
4.
只要愛上一個人就會死心塌地，可以為愛情犧牲所有
5.
本來係小鳥依人


如果要解開M小姐既心結，就要先了解結從何來。每件事發生，背後總有原因。
以而家M小姐既情況黎睇，佢自我保護既意識極強，特別係響愛情呢一方面。佢想戀愛，但同時更怕再一次受到傷害。


以我理解，M小姐之前有幾個男友，大慨可以分做幾類人，但理論上，都係玩緊M小姐既。


一號男朋友，呢個男仔係M小姐中學時期既男朋友，算係最pure 果個。但最後都係個男仔有第三者而分手。


二號男友，呢個男仔都係外國人，但用M小姐唔同國家。呢個男仔嚴格D黎講係一個男人黎，同M小姐拍拖果時三十幾歲，而M小姐果時先廿四、五歲左右。呢個男仔表面好愛M小姐，但實質上似係富二代尋刺激。呢個男仔住既國家完全唔新M小姐(果時M小姐已經長住X國。P.S.我唔用X國，會完全打亂我既思維)。 呢個男仔曾經試過即人來回X國，為既只係同M小姐食一餐飯。聽落去好浪漫，但正常人應該唔會咁做。


當然，唔正常還唔正常，M小姐因為呢D野而好感動，果時佢覺得呢個男人好浪漫，愛到死心塌地。


可惜有一次，呢個男人同M小姐講，只係純粹想同M小姐拍拖，只係用一個玩既心態同M小姐拍拖，但絕對唔會結婚。本來已經難受，更難受既係，M小姐既屋企人同親戚果時係同枱食飯，全場人聽得一清二楚。


對於一個對婚姻充滿憧憬既女仔黎講，唔單止夢想幻滅。而且當眾畀人咁講，M小姐感覺變得好低賤，以後如何再面對親戚。


M小姐聽到呢段說話，簡直比知道生左絕症更加難受。


當以為外國男仔已經好衰既時候，先發覺低處未算低。原來好人有極品，賤人都一樣有極品。


三號男朋友簡直係賤男中既極品，我暫稱佢仲G先生。


G先生本身係香港人，中學時代已經識左M小姐。咁畢業之後，M小姐去左外國留學，而G先生就留左響香港。


直到M小姐大學畢業既時候，G先生就去溝M小姐，不幸地畀佢成功左。G先生呢個時間，選擇左去X國讀書，以我了解只係文憑之類既課程。呢一刻就係M小姐惡夢既開始。


響G先生讀書其間，食同住都係由M小姐提供(果時M小姐都仲未係公民，只係居民，只可以做兼職賺錢)，基本上G先生唔洗返學既時候都係留響M小姐屋企，冇工作，更加冇朋友。每日M小姐都會畀錢G 先生去買餸，叫得做賤人，d 錢當然一去冇回頭啦。無論買餸用左幾多錢，G先生都係冇找返錢畀M小姐既。而以我了解，M小姐每次畀佢既錢，都足夠買兩日餸。


另一方面，G先生既學費都係由M小姐黎畀，基本上G先生去到X國係分毫都冇出過。而M小姐竟然仲死心塌地到一個地步，想用自己既身份，幫G先生申請移民做當地居民，呢個決定正中G先生下懷。


本來G先生既計劃一直都好順利。直到有一刻，M小姐終於醒覺，原因係G先生向M小姐借錢，而呢筆錢，G先生只係打算用黎吃喝玩樂。對於一個女仔，長期貼錢畀呢個男仔，已經身無分文。M小姐無錢借畀G先生，呢個賤男就不斷對M小姐閒言閒語。更甚既係，呢個G先生響M小姐既朋面前捏造事非，話M小姐出面畀錢另一個男仔。奇特既係，G先生既屋企人都幫G先生鬧M小姐。


而最後，呢個男仔終於有報應。M小姐同佢分手，而且取消哂G先生既移民文件。呢一刻，G先生身敗名裂，身無分文。以我所知，佢連買機票返香港既錢都冇。


而M小姐就因為想避開G 先生，而搬到X國既另一個地區。


當我以為G先生係賤人中既極品既時候，M小姐第四個男朋友既出現，將M小姐既心靈完全粉碎。


呢個係賤男中既無賴賤男。為保住M小姐既名譽，我決定唔講呢個係咩人，而嚴格d 黎講，呢個根本唔係人。呢個人，連人既基本良知都冇。


響M小姐生命裡面出現過既呢幾個男人， 將M小姐原本既夢想，完全粉碎。取而代之既係悲觀，失落同埋心靈上無盡既瘡疤。而M小姐既情緒都因為呢d 事而出現問題。




待續...


人會因為愛情而矇閉理智。而心懷不軌既人，會因為信任而變得貪婪。同時亦都破壞無數純真既心靈。而家我地好難搵到另一半，對另一半諸多猜疑，某程度上，都係因為呢一小拙人而起。


我相信M小姐曾經同我一樣，只想要一段簡簡單單既愛情。


有興趣睇落去既，請唔好吝嗇留個言，讓我知道你地既存在。

我睇咁耐，我相信你保護m小姐既人！

本來我只做cd-rom

你有無唸過，點解要公開個女仔既過去呢？而呢堆過去又關連到幾位唔關事既人！

我個人愚見，唔公開呢d都唔影響個故事，但就有可能影響到其他人

當然呢個係你既故事，呢個係你既自由

M 小姐真系好慘

好想知道你和M小姐都想要找一段單純的愛情為什麼最後僅成為好朋友而沒有成為情侶？

初初睇你個名果陣,記得之前打blog果陣,有個朋友又係叫阿虎,佢gf個名又係m字頭....
睇到你講左呢位m小姐既愛情歷史之後,真心覺得呢個女仔真係好唔好采,同埋覺得佢太重感情,好陰公
希望係個好結局la

身材太好既M小姐
真係令人有好強既佔有慾
但又未必係愛@@
有時覺得人真PK
包括我自己都係

M小姐咁好條件, 要搵好男仔本來冇題題, 不過唔好彩遇著都係衰既, 而佢又太易信人:smile_27:

Part #9

番返主線，同M小姐響Cafe既二人世界既呢段時間，我做左一個決定，我決定將M小姐咁多年積埋既痛苦同瘡疤，一次過全部翻出黎。如果要將一個人既心結解開，必先尋找痛苦既根源。呢個動作雖然非常殘忍，但由果一刻開始我已經決定左咁做。雖然唔知結果會係點，但繼續咁樣落去，M小姐就只會將自己永遠埋藏響痛苦既回憶中。M小姐既固有思想，就好似腫瘤一樣，慢慢蠶食M小姐既心靈。忍痛割除腫瘤，M小姐先有機會痊癒。

呢一晚，我同M小姐逐一分析佢既每個男朋友，同時安撫佢，最後得出幾大結論。第一，M小姐d 以前既ex 開始既時候，都係因為美色而同M小姐一齊。第二，同M小姐一齊，係為左靠同M小姐既關係，申請做當地公民。第三，呢個最老套，食軟飯，為左錢。

我唔排除一個可能性，開始既時候，M小姐既ex 都有愛過M小姐，但最後都有私心。而佢地從來冇考慮過，佢地既私心，會將M小姐既心靈徹底摧毀。

而M小姐都同我講過，呢一刻，佢冇掛住過佢既ex，痛苦已經蓋過所有既甜蜜。

重提M小姐既ex，令到佢好唔開心，但同時好似得到解脫。M小姐知道佢d ex 係差，但問題根本唔係出於M小姐身上。其實，M小姐已經好唔錯，善解人意、識煮飯、有學歷、識獨立、樣普通，但有身裁。只係有時d 脾氣怪怪地，但係都唔係脾氣差，好少發脾氣，仲要係冇小姐脾氣。

講真，有以上呢d 條件既女仔，而家仲有幾多個呢。以前M小姐d ex 咁對佢，簡直完全唔識貨。佢d ex 遲早會好後悔同內疚，有一個咁好既女仔鍾意自己，竟然咁對佢。我估佢地未必有機會可以再搵到好似M小姐咁好條件既女仔。

呢個時候，我開始同M小姐表達自己既想法，同時有意無意間，向M小姐表演自己既心意。好記得M小姐曾經同我講過，想追求佢既話，要當面同佢表白。

由於於我已經畀M小姐拒絕過無數次，所以我其實冇咩信心。但機會唔把握就會流走。呢個環境，呢個情調，加埋呢個時間，已經係一個好好表白既機會。我決定再次鼓起勇氣勇氣，同M小姐再次表白。

M小姐既回覆係: 「我知你對我好好，但係我未準備好。」

呢個都係預期中既答案，係有d 唔開心，但唔太強烈，反正都唔係第一次被拒絕。我揀人，人揀我。表白係我自願做出黎，接唔接就由對方決定，就算結果係點都唔可怨。冇人要求過我要咁做。

表白次後，呢一晚同M小姐傾左好耐，一樣係天南地北。記憶中係半夜兩三點。呢晚M小姐應該都幾疲累，我送佢搭車返屋企。

去到車站既時間，M小姐好靜，臨上車之前，M小姐問左我一個問題：「你想唔想我留低?」呢一刻我呆左，做唔到任何反應，就呆呆咁企左響度。個世界好似突然間靜左，但我既思緒卻非常渾亂。我竟然唔知應該點答好。

M小姐再問:「我最後問你一次，你唔好後悔。虎痴，你想唔想我留低？」

呢一刻，唔知邊度黎既勇氣，我攬住左M小姐。我緊緊咁攬住M小姐，響佢既耳邊細細聲講：「想，好想，從來未試過咁想留低一個女仔。畀個機會我。」

同第一次見M小姐既時候一樣，全個世界好似停左。周圍好似靜哂，聽唔到任何聲音。呢一刻我只感受到M小姐溫暖而且實在既身體，同埋佢既呼吸聲。我緊緊咁攬住佢，好似怕一放走就會失去M小姐。

到我鬆開M小姐既時候，我見到佢雙眼通紅，有少少眼水流左出黎，我錫左佢既額頭一下。之後佢又再攬住我，細細聲響我耳邊講：「好耐未試過畀男仔攬住，覺得咁實在。你個衰人，搞喊人啦!」

待續...

愛情是純潔，私心才是污濁。
沒有最好既男女朋友，只有最純真既愛。
要果要好好愛一個人，就要忘記身邊所有既誘惑。

有興趣睇落去既，請唔好吝嗇留個言，讓我知道你地既存在。

support spport 快D快D快D快D update pls......................:smile_o12: