推。

談判

Raymond臉如死灰，但他心裡有無數疑惑，太太日記中一再提及的人是否就是Marco？從日記紀錄來看，毫無疑問阿綺對這個男人產生了良好的感覺，而且現在他們更可能交上了朋友，太太那晚為什麼會裸泳？她裸泳時，那男人是否一起陪同？他剛才看到阿綺的素描，是在他們游泳後繪畫的嗎？他們之間還有其他事情發生過嗎？一連串的問號在Raymond頭頂上旋轉，他只有一絲奢望，太太和那男人只是談得來的一個普通朋友。

他顫抖著的手拉曳著滑鼠往下。

XX月XX日
事情已發生咗好幾日，當時好亂，仲有咩心情寫日記！不過而家心情都平復番少少。早知係咁，我就唔去Jenny度食飯，好彩最後佢喺最危急關頭出現，不至於發生最壞嘅事，如果唔係，我都唔敢想像後果會係點，我點有面目再見Raymond！
當時我真係驚到不似人形，淨係識得喺度喊，喺度叫。不過事後我唔知點解又好似唔係好驚，佢真係有咁大魔力？一出現，我就成個一定晒。
Raymond最衰都係你，你成日唔喺香港，得番我一個人，你知唔知我有幾悶？
我知我係好傻，老公成日咁辛苦都係為咗我哋嘅將來啫，點解我唔識得諒解佢啫！
其實我都應該向佢講聲多謝，Raymond唔喺香港，佢都一路陪我傾偈。

Raymond如是在想：發生了什麼，究竟發生了什麼！阿綺你為什麼不對我說，我是你丈夫，無論發生什麼，我一定會幫助你嘛。

Raymond繼續看下去，太太的日記看來沒有新的發現，都是紀錄了日常的瑣碎事，看戲吃飯等，其中最多是提及太太倒數著生日的來臨，她期望在生日那天和自己高高興興地慶祝，言詞間流露對自己無限的思念，一陣暖意在Raymond每個經穴間遊走。但現實上他食言了，在太太生日的那天他無法趕回香港，更糟的是他在太太生日的前一天才通知她，而且匆匆說了句預祝她生日快樂就掛了線。現在才察覺到冷落了太太，Raymond歉意萬分。他快速的繼續閱覽，一段一段的文字變成了一幅幅布幔，像瀑布流水般傾瀉向下，直至到一個段落，上面寫著：

我上咗佢架車，最初我係想同佢傾吓偈，無諗過其他。但係佢粒聲唔出就車咗我去學校嗰度，
佢好強壯，好熱情，佢俾到我再次拍拖嘅感覺，我同Raymond 之間無咗嘅激情，眨眼間佢就俾番晒我。我個靈魂飄咗出嚟，唔知道自己係生，定係死，淨係好似要融化咁，唯有任佢擺佈。我就嚟要窒息，完全呼吸唔到，我要擘大口喘氣。唔通，我要步上Jenny後塵？呢條係我嘅不歸路？

看到這裡，Raymond的心直插谷底，他一絲的期望也完全幻滅了！阿綺雖然寫得隱晦，但已說明了一切。Raymond意會到不該發生的事已經發生了。日記再看下去變得全無意義，他捧著頭，太突然了，賢淑的妻子一刻間變了，變得陌生，突然得令人無法接受。他憤怒，他悲憤！

Raymond氣上心頭，即時的衝動驅使他走回睡房，要一手把太太從睡夢中抽醒，先賞她幾個巴掌，繼而質問她有關的始末原由。他推開房門，阿綺仍沉沉恬睡，她側身面向原本是Raymond，但現在卻空了的位置，她一隻手和一條腿擁搭在隆起一堆的被鋪上，睡夢中也要擁抱著她的丈夫似的。

打從在英國第一次見到了阿綺，她的天真，與世無爭的性格，早已吸引了Raymond的注意，當Jenny向他們講述如何捉弄學校教授的事蹟，阿綺微微張口，大大的睜開眼睛緊盯著Jenny，彷彿才知到世上有捉弄老師的行為，她那純美無邪的表情，至今仍像烙印一般牢牢刻在Raymond的腦海。過往美好的日子，令Raymond難以忘懷。他很清楚，直到現在，他仍捨不得失去她，他無法想像沒有阿綺的日子，他將會如何度過。他深信太太只是一時被蒙蔽，一時受不住引誘！

他怕一時的衝動會帶來無可挽救的結果。他思考如何面對阿綺，他不要讓心愛的人難堪，他要找到一條出路，一條能讓他和阿綺走得過的出路，無論如何，那不會的坦途一條，但這條路無論是如何狹窄，如何崎嶇，他也希望能和太太一起擠身而過。

「搵我？我哋啱啱先見面嚟咋喎，唔捨得我？哈哈。」正好在這時，Jenny已短訊回覆了Raymond。

「邊個係Marco？佢係乜人？」Raymond單刀直入。

Jenny一方沉默了好一段時間。

「出嚟先傾，方唔方便？」Jenny終於回應了。

「出嚟先傾，方唔方便？」

「Marco係邊個？究竟發生咗乜事？」Raymond到達約定地點，他看見Jenny就急不及待的向她詢問。

「阿綺同你講？」Jenny很冷靜，她一手握著Raymond發顫的手。

「唔係！邊個講唔重要，你即係知到佢哋之間嘅事啦！」Raymond變得激動，他的臉開始發紅。

「你打算點？分手？同佢離婚？」Jenny仍冷靜如故，簡單直接地向Raymond進逼。

「你唔好理，我淨係想知發生乜事，你做乜幫佢哋瞞我？」Raymond眼內含淚，他顯得對Jenny失望。

「我想幫你，但我要知道你打算點做？」Jenny兩手緊握著Raymond，表示對他的關懷。

「如果你接受唔到阿綺對你不忠，要通佢分手，好簡單，乜都唔駛做，聽朝搵律師。」Jenny繼續說。

「如果你想挽救，我哋就要商量，衝動係無用！」Jenny要把Raymond冷靜下來。

「我想見吓佢，同佢講清楚，唔好搞阿綺！」Raymond嘆了口氣，向Jenny說。

Jenny深明Marco的性格，明知Raymond的舉動是沒結果，她拒絕他。但Raymond堅持要和Marco見面，他無論如何不能做個縮頭烏龜，他要當面和Marco解決事情。

Jenny拗不過Raymond，雖然是深夜，她明知Marco是不到天明不會睡覺的人，她拿起手機給Marco電話。

「哈哈…佢終於知道嗱！好丫，叫佢上嚟丫！」Marco一陣冷笑。

Raymond不發一言，他一心早點跟Marco談判，駕著車在馬路上毫不理會交通燈的指示，橫衝直撞的，雖然夜深人靜，也驚險萬分，幸好沒發生任何意外，也沒有碰上交通警察。

「你做乜搞阿綺？！」一見面，Raymond就忘記了在車上想好的部署，怒氣沖沖的質問Marco。

「你係Raymond？阿綺老公？」Marco好整以暇，他把玩著書桌上的擺設，慢慢的向Raymond說：「我係搞阿綺。不過，你搞清楚，我有無強迫佢，佢係咪甘心情願？」

Marco如此挑釁的說話，Raymond怒不可歇，他控制不了情緒，撲向Marco。

Raymond雖然算得上健碩，但比起身高力強的Marco，肢體上的接觸，明顯是吃了虧。

「停啊！停啊！」Jenny大聲地喝止他們：「Raymond，你咁解決到問題咩？」

Raymond被Marco壓在地上動彈不得，反而令他冷靜了下來。

「我相同你講，阿綺係真心同我好，你信唔信到好！」Marco：「我無諗過放棄佢！」

「你講大話！」Raymond不肯接受Marco的說話。

「我唔信，我逼你唔到！」Marco一臉自信的向Raymond挑戰：「如果你敢嘅話，我可以證明俾你睇。」

「駛唔駛去到咁盡？」Jenny也替Raymond不值。

「好！！！點證明？」Raymond不服，他接受Marco的挑戰。

「你敢就最好，遲啲我會通知你點。」Marco放開了Raymond。

「遲啲？乜嘢遲啲？而家就證明俾我睇！」Raymond急於想要結果。

「哈哈…無信心？我都要時間安排啫！」Marco故作神秘。


「好！你唔好玩嘢，唔好出蠱惑搞阿綺，唔好騷擾佢！」Raymond警告Marco。

「我一定誤會驚動佢，佢係你老婆，你要同佢攤牌嘅話，係你嘅事！」Marco說。

「Okay，咁你走先！」Jenny半拉半勸的把Raymond拉走。

「你搞乜啊？！」Raymond走後，Jenny向Marco說。

「搞乜？我要佢離開阿綺！」Marco拿起酒杯，面向街外對Jenny說：「你唔知我唔鍾意同人分享嘢咩！」

Jenny如夢初醒，Marco慣常的習慣，她竟然忽略了。Marco看似很慷慨，他會毫不考慮，毫不吝惜地把很多東西送給他人，但有些東西，如果是他喜愛的，小如他案頭上的一個小飾物，旁人別說把他拿走，就算不小心觸碰一下，他也會表現不悅。他的每個下屬都摸清了他的脾性，唯獨是Jenny忽略了。

「我之前做咁多嘢都係為咗今日！」Marco冷冷地說。

Jenny才明白，他斗膽摸上Raymond母親的家和阿綺親熱等等瘋狂行為，還以為是他的不羈，原來他是另有目的。Jenny不禁為Raymond擔心。

有 d 悲淒o既感覺

其實一切都係Raymond自己攞黎

寫色文令人感覺到唔係興奮，而係悲悽...咁會唔會好失敗！哈哈！

所以嘛，大家要引以為鑑！

好似短佐D, 可否寫長一點, 要相隔幾天才發表,有吊起嚟賣的感受.

進入尾段，照正路raymond會打marco一身，再找阿綺身上大發特發後再離婚，正路來睇，我估阿綺最後選擇離開兩人，去另一地方。

絕無此意，因為無儲文，加上忙碌，會歇盡所能，加快出文！

多謝你由第一天開始就積極提意見，希望你能一直支持到本文終結！