打印

故事完美，因只有高潮，而沒有結局 Part 10 -#111

收藏 | 訂閱

115 35.5k

HoYinOne

新手上路

Rank: 1

HoYinOne

發短訊

加為好友

41^# 大中小簡繁發表於 2014-3-25 只看該作者

我女友也是～38G

虎痴

等待驗證會員

虎痴

42^# 大中小簡繁發表於 2014-3-25 只看該作者

Part #4

去主線前，突然想講下我點樣揀朋友。其實我身邊既朋友咩人都有D，冇局限到其中一類人，基本上我同任何人都做到朋友，亦都從來未試過同朋友反面。我覺得每個人總有優點值得欣賞，同時間一定會有相對既缺點。例如性格率直既人，講野唔會圓滑。試想下，講野圓滑，又如何率直?

身邊既每個朋友總有缺點，而同朋友反面，好多時都係將對方既缺點嚴重地不按比例放大。如果硬要將朋友既缺點放大，咁就請將佢地既優點都同時放大。咁就會發現，其實自己既缺點唔會比身邊既朋友少。

如果覺得朋友做D 野唔順眼，好多時都係因為同左自己既尺，去量人地既心。通常量人地既時候，標準都會定得比量自己既高，而呢樣都係大部人既弊病。

人無完美，只有優點缺點互補長短。

返主線~
去到呢個位，其實會有少少偏離主線，因為要講一個外傳。基本上外傳牽涉到我既部分其實唔多。

響呢度要介紹多兩個人，一個人同我而家都係好好既朋友，呢個朋友叫K先生，K先生都係我響M小姐同一個M群認識既朋友黎。

而另一個係R小姐，同K先生、M小姐一樣，同一個M群認識既，呢個R小姐牽涉既篇幅唔太大，簡單介紹左就算啦。

K先生同我差唔多年齡，佢既工作係做藝術野。可能係我既錯覺，總係覺得做藝術既人，總有D神經質。

K先生，既樣貌其實唔係特別靚仔，但係童顏。佢同我差唔多大，但係個樣係似21、22歲咁上下。而且佢都講過，可能讀書果時，身邊大部份都係女性，所以習慣左點同女仔相處同埋比較容易吸引到女仔。

其實K先生本身都唔差，佢未上中學就已經出國留學，之後大學主修Fine Art，之後回流返香港。屋企背景都唔錯，中產以上。佢屋企人響外國都有業務，有物業。就係因為呢D野，所以K先生要結識女仔，根本毫無難度。

K先生係咩性格，其實唔難想像，簡單D講，花心蘿蔔，見一個鐘意一個，吊兒郎當。

而仲有M群果段時間，我地都開左個SKYPE 群，方便大家用語音傾計。而家SKYPE 群都仲響度，有少少可惜既係M群已經冇左，好多都各散東西。M群最多人果時三百幾人，五湖四海，世界各地既人都有。

就係因為用SKYPE傾計，同埋有時差，好多時都傾到半夜三、四點都仲意猶未盡。就係呢個時間，K先生同M小姐開始熟落。佢地都會傾D深入既野，同時間，K先生畀M小姐既性格同思維吸引左，有打算發展落去。

因為M小姐始終長住X國，果時都仲未有打算幾時返香港，所以呢段時間，K先生都一直有去結識其他女仔。咁有時我地都有D群聚，出黎飲下野，傾計。好多時我、K先生同R小姐都一齊出黎。而K先生響呢段時間，開始對R小姐有興趣。

而響M小姐返香港個半月之前，K先生同R小姐開始拍拖。其實佢地拍拖既呢段時間，K先生同M小姐都一直有聯絡，而且有時都會互flirt對方，一直保持坐一段曖昧關係。而我作為K先生既朋友，亦都有提醒過K先生，叫佢唔好玩得咁過火，始終R小姐都會同場聽到。

但係可能係性格問題，K先生好似聽唔入耳，繼續玩落去。響同M小姐私聊既時候，越黎越過火。當中甚至直程話鍾意M小姐，仲要唔止一次係咁。 (呢件事係M小姐同我講既，而M小姐都有畀佢地既對話內容我睇過，已證實係真既)。而M小姐亦都相信左K先生講既野，有打算同K先生發展。

響M小姐返左香港既呢段時間，R小姐都一直叫K先生小心，R小姐好怕K先生會畀M小姐搶走。但K先生既性格始終都係花心，有一晚約左M小姐去尖沙咀一間幾有情調既餐廳食飯。

其實男同女單獨食飯都唔係咩稀奇既事，但呢餐飯卻令到M小姐崩潰。

響食飯既過程中，K先生都一直同M小姐傾到天南地北，而M小姐亦都深深畀K先生吸引左。就響呢餐飯食到中段既時候，M小姐就向K先生表白。

就響K先生仲猶疑緊既時候，K先生既電話響起。世界就係咁奇妙，打電話黎既，就係R小姐。原來R小姐一早就約左K先生響呢一晚食飯，呢日係K先生同R小姐既乜乜記念日定生日之類既野。就因為K先生冇出現到，所以R小姐理所當然打電話畀K先生。K先生響咁既環境，當然支吾以對，講野講到九唔搭八。

慌話始終會拆穿，不得不佩服女性既直覺。R小姐響同K先生講電話既途中，發現左K先生同M小姐食緊飯。

原來K先生一直隱瞞住M小姐同R小姐拍拖。相對地，K先生都一直隱瞞住R小姐打算同M小姐發展。

女朋友電話殺到，仲要畀對方睇穿左，而且人都好快殺到。K先生呢個時候，唯有顧住個正室啦。講好多好難聽既說話去話M小姐。而呢一刻既K先生，突然好似變左另外一個人咁。

K先生到而家呢一刻先同M小姐講，已經同R小姐拍左拖一段時間。而且同M小姐講，R小姐講過好驚M小姐會搶走K先生。

岩岩表白完既M小姐，面對突然變左另一個人既K先生，不停講D傷害自己既說話，呢一刻M小姐已經崩潰。

M小姐受過好多情傷，而且每次都係遇人不淑。要M小姐重新接受愛情，已經花上所有既力氣，更何況今次係向對方表白，更甚既係畀對方用呢一個方式拒絕。

呢一刻，M小姐已經抵唔住心裡面既痛苦同壓力。痛苦既唔止係畀K先生拒絕，仲有既就係勾起過往痛苦既回憶。M小姐衝左出餐廳，跟住就打電話畀我 … …

事後我問返M小姐，點解佢咁多老朋友響香港都唔搵，反而去搵我呢個只係見過幾次面既朋友。M小姐既答覆係:「果一刻，我只係諗起你。」佢覺得我可靠同埋有安全感。

而家諗返起，其實都好窩心。

待續...
唔好意思，好耐冇用文字表達自己，希望大家睇得明。
雖然今次講既係外傳，仲要係無糖外傳，但發生呢件事對我同M小姐都好重要。如果冇發生過，可能我同M小姐唔會一齊。
下一Part 有機會有微甜到中甜，但講甜野我可能講得唔係幾好，請見諒。

有興趣睇落去既，請唔好吝嗇留個言，讓我知道你地既存在。

[ 本帖最後由虎痴於 2014-3-25 02:36 PM 編輯 ]