打印

故事完美，因只有高潮，而沒有結局 Part 10 -#111

收藏 | 訂閱

115 35.5k

虎痴

等待驗證會員

虎痴

1^# 大中小簡繁發表於 2014-3-24 只看該作者

故事完美，因只有高潮，而沒有結局 Part 10 -#111

Part #1

我好少用呢個A/C出Post，多數用另一個A/C，但為免影響到當事人，都係用返呢個A/C 好D，反正名字並不重要
見到大家都講自己既經歷，睇左咁多，好有衝動講返自己既經歷。

先交代下背景先主角有兩個，一個係小弟，另一個叫 M小姐，一齊左兩年幾年，最後都係敵不過現實，而家係好好既朋友。
先講我自己先，今年28歲，工程師，土生土長既香港人
M 小姐，半唐番，29歲，中學已經去左外國，暫且叫X國，而家已經係當地公民，做護士，唔好問我佢係邊個國家(想保護返佢既私隱)，總之唔近香港，坐飛機去都要十幾個鐘果D地方黎。

我同M小姐既相識係一個極偶然既機會，幾年前都仲好流行用MSN既年代，偶爾間畀人add 左入一個M 群，即係好多人一齊傾計果DMSN 聊天室。

就係響M群第一次知道M小姐既存在，而M小姐果時仲響X國。
一開始M群大家一齊傾計既時候，只知道M小姐響X國做護士，同我差唔多大，身裁好勁，勁成點，遲D會交代，總之好勁，M群公認既女神黎。

咁傾左幾個月之後，我被M小姐吸引左，佢吸引我既，係佢既性格，率直，細心，善解人意，仲有...佢既身裁。

其實同佢傾計，偶爾間都感覺到我地其實都互相吸引緊大家。咁之後好多時我地都私聊，天南地北，由生活傾到價值觀，再而傾到自己既過去，大家都好坦白。亦都越黎越交心。其實都感覺到，好想同對方表白，但總未有機會，始終一直憂慮緊我地既距離，相隔十萬八千里既距離。

直到幾個月後，既一個晚上，準備訓教既時間，收到M小姐既message，佢話鍾意左我，問我可唔可以做佢男朋友。果一下，抑壓響心裡面既熱情，一下子好似火山爆發咁。二話不說，我即刻答應，隨即忍唔住，一下子將心裡面既說話，一次過好似黃河洪水咁，一次過講哂出黎。

但係，之後我收到一個極之難忘既回覆:「愚~人~節~快~樂~!!!!」。

響果一刻，我既世界好似突然昏暗，心中一沉。但唔知從邊度黎既勇氣，我同M小姐講，我係非常認真既，用盡畢生功力，嘗試表達自己既情感。當然結果唔難估，M小姐既回應係:「我知今日係愚人節，你玩我唔到既!」。當我繼續努力解釋，表達，最後M小姐既回應係:「過左愚人節先再表白啦!」

之後往後既日子，私聊既時候，有意無意大家都會flirt下對方，到我表白既時候，M小姐都會同我講見左面先算。

終於再等到幾個月後，收到佢一個message-- 佢將會返黎香港三個星期，仲要係兩星期後...

待續...
唔好意思，好耐冇用文字表達自己，希望大家睇得明，而且今次無咸冇甜，但之後講既會有咸有甜，五味雜陳，希望將多年黎，收響心中既情感、記憶，完全分享畀大家。
有興趣睇落去既，請唔好吝嗇留個言，讓我知道你地既存在。

Part 2 - #7
Part 3 - #26Part 4 - #42
Part 5 - #64
Part 6 - #70
Part 7 - #78
Part 8 - #92
Part 9 - #99
Part 10 - #111

[ 本帖最後由虎痴於 2014-4-3 06:54 PM 編輯 ]

honda_r

等待驗證會員

honda_r

2^# 大中小簡繁發表於 2014-3-24 只看該作者

「愚~人~節~快~樂~!!!!」。 <-- sorry , 笑左

但支持樓主

愛潮

新手上路

Rank: 1

愛潮

發短訊

加為好友

3^# 大中小簡繁發表於 2014-3-24 只看該作者

交代得好詳細，有心人。。。

引用:

原帖由虎痴於 2014-3-24 05:46 PM 發表
我好少用呢個A/C出Post，多數用另一個A/C，但為免影響到當局者，都係用返呢個A/C 好D，反正名字並不重要
見到大家都講自己既經歷，睇左咁多，好有衝動講返自己既經歷。

先交代下背景先主角有兩個，一個係本人， ...

小王子

註冊會員

Rank: 2

小王子

發短訊

加為好友

4^# 大中小簡繁發表於 2014-3-24 只看該作者

推薦了:smile_40:

happyberry2006

等待驗證會員

happyberry2006

5^# 大中小簡繁發表於 2014-3-24 只看該作者

支持樓主

純情住家男

等待驗證會員

純情住家男

6^# 大中小簡繁發表於 2014-3-24 只看該作者

我鍾意睇愛情故事，支持吖師兄

虎痴

等待驗證會員

虎痴

7^# 大中小簡繁發表於 2014-3-24 只看該作者

Part #2

返主線之前，先講一下，我本身拍拖唔多，一隻手可以數得哂，但每次都用盡心機，特別係對M小姐。慢慢深入了解M小姐之後，M小姐係一個好特別既女仔。雖然已經分手，但如果可以再次選擇，我都會追求M小姐。

返主線~
期待左兩個星期，M小姐終於返到香港，好記得果日係星期六，因為工作關係，接唔到M小姐機，但下午都抽時間同M小姐見個面，食餐飯。

一路去搵M小姐既途中，一直都諗緊見到M小姐應該講咩好，應該用咩態度。有睇過上文既，可能大家都會估計，我同M小姐第一次見面，第一眼應該會睇佢既身裁。而事實上第一眼，我係望住佢對眼，我果刻想從M小姐眼中看出感覺，一個未知既感覺，對望左唔知幾耐，感覺到疑惑、興奮、熟悉。果一刻身邊既事物，已經冇心去理會，只想感覺對方。

之後就同M小姐去左酒樓食飯。可能大家覺得奇怪，點解咁冇情調，唔靜靜地去食個西餐，而去嘈喧巴閉既酒樓食飯。其實我諗法好簡單，一個幾年先返香港一次，日日食住X國餐既香港人，酒樓既中菜點心，加壺龍井先係人間美味，配上熱鬧既聲音，呢D先係香港熟悉既感覺。

食飯中，大家都好似好耐冇見既朋友咁，傾個天南地北。同時間心裡面又忐忑中有D 怕羞，面前就係一直有感覺，一直想追求既女仔。因為始終表白既經驗唔多，就算表白，九成九都係收好人卡。所以，都係打算見多一兩次面，觀察多D先決定下一步既動作。同M小姐食完飯，我就繼續我既工作，M小姐約左香港既舊朋友行街。

同一日夜晚，約左一大班M群既人同M小姐一齊去尖沙咀清吧飲野傾計。當然果晚大家都飲到不亦悅乎，傾計玩到差唔多天光。好彩走果時無人醉。各自各走，而我送左M小姐上的士之後，就自己返屋企。順帶一提，M小姐同我係住唔同區既，搭的士相距半個鐘車程左右。

之後既幾日，都有約M小姐出黎，行街食飯。而其實，全個M群都知道我同M小姐對對方都有意思。

直到一日，值得記住既一日，亦都係非常深刻既一日，由果日開始，我既生命除左原有色彩，仲多左一樣野，果樣野叫做「喜悅」。

呢一日既下午，我約左M小姐去左油尖旺既一間戲院睇戲。而呢張票尾，我保留到而家。假使有一日，我忘記左M小姐，呢張票尾將會係開啟呢段美好回憶既鎖匙。

其實，睇呢場戲並唔特別，睇戲既過程，我非常規矩。我既原則係，未見到對方開綠燈，唔會有任何非份之想。之後幾晚都有約一班M群既朋友包括M小姐一齊去飲飲食食，仲記得其中有一晚，我地一班人BOOK 左一間酒店房一齊飲酒，而M小姐亦由X國帶左當地既特產酒黎一齊飲。

直到有一晚，M小姐約左個朋友響尖沙咀食飯飲野，而我亦去左另一區，約左舊同學聚會。

就係呢晚，響我同舊同學食飯傾得興高采烈之際，電話突然響起，來電既係M小姐。接聽電話，對面當然係熟悉既既聲音，但當中夾雜住奇怪既聲音 -- 哭聲...

M小姐喊住咁問我可唔可以去尖沙咀搵佢，我心裡沉左一下，但條件反射，直接既反應，當然係問佢仲咩事啦。

M小姐喊住用有氣冇力既聲線問我:「可唔可以出左黎先講。」

而M小姐問完呢句之後，用更冇力既聲線同我講: 「我出左事 ... ...

待續...
唔好意思，好耐冇用文字表達自己，希望大家睇得明，而且今次無咸冇甜，希望將多年黎，收響心中既情感、記憶，完全分享畀大家。
有興趣睇落去既，請唔好吝嗇留個言，讓我知道你地既存在。

R.Gonzalez

註冊會員

Rank: 2

R.Gonzalez

發短訊

加為好友

8^# 大中小簡繁發表於 2014-3-24 只看該作者

按推薦了......

虎痴

等待驗證會員

虎痴

9^# 大中小簡繁發表於 2014-3-24 只看該作者

引用:

原帖由 honda_r 於 2014-3-24 06:05 PM 發表
「愚~人~節~快~樂~!!!!」。

其實果下我呆左，回返神睇睇個日曆先知自己中左招。
但騎虎難下，show must go on，果刻點都要講哂心底話出黎先舒服。

虎痴

等待驗證會員

虎痴

10^# 大中小簡繁發表於 2014-3-24 只看該作者

引用:

原帖由愛潮於 2014-3-24 06:08 PM 發表
交代得好詳細，有心人。。。

多謝支持:smile_o05:

故事完美，因只有高潮，而沒有結局 Part 10 -#111

收藏 | 訂閱

115 35.5k

故事完美，因只有高潮，而沒有結局 Part 10 -#111

引用:

Part #2

引用:

引用:

188Channel

博彩娛樂

成人討論

資源交流

故事完美，因只有高潮，而沒有結局 Part 10 -#111

收藏 | 訂閱 115 35.5k

故事完美，因只有高潮，而沒有結局 Part 10 -#111

引用:

Part #2

引用:

引用:

收藏 | 訂閱

115 35.5k