Will there be 3p? :smile_30: :smile_13: :smile_o06:

牧子真係可憐

睇完........嘆息:smile_39:

七不思議食女事件 Vol. 49 大結局

上回講到，從愛情逃離，再追趕愛情。

當我從阿予身掙扎，除低條頸巾，拔腿就跑既一刻，我就知道，我根
本唔係從愛情逃離。

我既愛情，好似劃火柴一樣，來得快去得快。來得快尚好，只怕係愛
情從來無存在過。

當日於北角初試雲雨，我已經講過「射出既唔係精液，係一篤濃濃既
感情」，我對阿予既感情，就好似快活谷賽馬，完結於派彩既剎那。
射完感情，淨低既，就係屌西，並非屌感情。感情由輸精管排出，附
於紙巾，成為垃圾，拎去堆填。

泛黃既感情，從玄鐵劍射出，遭紙巾扺去，彷似林黛玉葬花，諷刺地
被阿予親手埋於垃圾桶。巧合既係，紅樓夢入面，賈寶玉同林黛玉縱
兩情相悅，但卻無法長廂廝守。阿予比黛玉可憐，畢竟黛玉曾與賈寶
玉相愛，但賈子狠心推開阿予，追趕牧子既時候，清楚了解自己對阿
予既感情，係美麗既誤會，係色慾與財富既加工品。

阿予抱頭痛哭，於我身後，一時叫阿毅，一時叫Marvin，聲音
隨住腳步，漸漸遠去。我唔敢回望，因為我怕我一停低，就心軟，永
遠失去牧子。對上一次係華富冰室，我問阿予拎電話，佢成部電話遞
比我，羞辱我，我轉身就走，無擰過返轉頭。估唔到今次係同樣地點
，做同樣既事，竟然會令我痛徹心扉，不回頭，咬著牙，一直跑，一
直跑，一直跑。

濕瀝的情感跳進海裡去，打碎了水中的月亮……

濕瀝的情感跳進海裡去，打碎了水中的月亮……

濕瀝的情感跳進海裡去，打碎了水中的月亮……

所謂情感，所謂「你是千堆雪，我是長街」，都只不過係謊言。我並
唔知道謊言跳進海裡，能否打碎月亮，但我肯定謊言可打碎阿予既心
。

我比尹志平更不堪。呢位眼睛像新月，騷得入骨既女侍者，係我背後
哭斷腸。我膽小如鼠，只懂逃離，追趕自己既愛情，掉低阿予係傷心
既華富邨，從佢既生命中悄悄退場。阿予唔鐘意人同佢講再見，但我
連同佢道別既機會都無。

我以為我會同阿予分手既一日，為失去北角私樓而哀傷，但當我跑得
越黎越快，我就知道，原來城市花園大宅，係偉大既愛情面前，係咁
一文不值。隨住我遠去，阿予聲盡，好似王爾德《夜鶯與玫瑰》裡既
夜鶯，用自己既性命，為男孩換來一枝玫瑰。

----然後死去，化為塵土，無人理會。

牧子跑得好快，短髮於風中跌蕩，跑過灣仔百佳，跑過Raymon
d阿爺間屋樓下，跑過油麻地，跑過港澳碼頭，跑過白鴿巢，跑過港
大。我逆風而跑，不理途人奇異目光，追趕快失去既愛情。

牧子一直跑，跑到華富巴士站，登上一架往港大既巴士，我好似「畢
業生」入面既德斯汀荷夫曼一樣，係故事既結尾，跑呀跑，跑呀呃，
勉強追到牧子，拉住佢隻手，坐係車既最後排。

「我地分手啦。我同你講過，你再呃我，我會永遠離開你。」牧子「
分手」二字，決絕無比，一野轟落黎。

「唔好啦，我無鐘意過佢。」

「你無？你攬到佢咁實？鍚得咁開心？你唔好玩我啦邦少，一次又係
咁，兩次又係咁。我唔想再同你一齊喇陳納邦，分手啦。」係我令到
牧子由小鳥變成嗜血既禿鷹，我無怪佢既冷淡之餘，仲竟感到十分內
疚。

「唔怕話你知，我契哥成日追我，有錢又有錢過你，叻又叻過你，你
讀咩呀？Com Lit呀？Politics呀？住邊呀？公屋咋。契哥英國返黎，
做JP Morgan，你睇下你！我以為你最愛我，但你最愛既，始終係你
自己。」牧子從第三人稱欣賞小弟「一野轟落去」，大受刺激，如瘋
似癲。

「仲有你為我，做過d咩？尋日郁d又發脾鬧我，搞到我嬲嬲地落b
ar。我落Bar識既男仔，HKU讀LAW，都識氹我，第二朝作
左篇文送俾我。求其係蘭桂芳搵個男人，寫野仲叻過你，你用埋D口
語寫小說，根本唔入流，工又唔搵，總知我好憎你呀！垃圾！呃我！
我唔會再俾你呃架喇，呃完一次又一次！」牧子將佢契哥捧上天，連
尋日識既仔，都同我比較，將我當係地底泥。

「好啦，分手啦，我地以後都唔好見。」講錢都算，但係講起我引以
為傲既寫作，我真係唔忍得。我曾經以為我好愛呢個女人，但係佢忽
然變得好陌生。

死寂既空氣，令車上既乘客，都望住我，睇我係幾咁不堪，幾咁折墮
。

「你呢個俾女人寵壞既少爺，你同我一齊咁耐，為我做過d乜？你成
日話自己寫野叻，你有無為我寫過半隻字？你話『不如我地重頭黎過
』，就係等你一腳踏兩船？契哥成日問我不如做佢女朋友，尋日條仔
又溝我，我而家就諗同邊個一齊。再見喇Marvin。」牧子鍚左
我額頭一啖，巴士尚未到港大，我尚未向佢解釋阿予係我財主，無阿
予，佢就無錢交租既事實，牧子就無情咁落左車，離開左呢個欺騙佢
兩次既浪子。

佢既短髮，永遠消失係我世界入面。

永遠。

如果阿予係夜鶯，我一定係故事入面既男仔，將從阿予得黎既錢財，
向牧子賑濟，但係牧子一個轉頭，就投向貴族男子懷抱，「誰都知道
私樓比補習學費貴重得多」，我欺騙兩女，牧子轉投契哥懷抱，原來
我地既愛情都係由謊話拼湊而成，就好似當日係白鴿巢，將我老豆既
經歷，鳩up左個賈梅士《葡國魂》既故仔，鍚一啖額頭就永遠係埋
一齊，咁戇鳩，讀者看倌，你唔係信呀嘛？

呢個故事，沒有終結，其中結局，由你填補。我一直希望，牧子神女
出身，性格剛烈，對我一番說話既傷害，係故意令我徹底忘記佢。我
記性好，要記得既，我永遠記得，所以呢個結局寫完就算。牧子永遠
係嗰個為我學「The Scientist」，買半邊燒鵝俾我老母食既好女仔，就好似小
魚仙好似電影一樣，同王子係埋一齊，而唔係好似童話入面講咁樣，
悲哀地死去。

巴士到左港大，我漫無目的係港大校園遊蕩，幫襯Subway既賓
妹，我今次無買廿一蚊既Sub of The Day，反而買左最貴既Steak and Cheese，我坐係荷花池隔離既石塊之上，食左一啖subwa
y，淡而無味，電話忽然一震，原來係牧子send whatsapp黎：「呢個尋日係bar識既HKU男仔，將我同
佢尋日發生過既事，改做故仔，紀念我地相識，先唔講人地叻過你d
咩百佳砌阿嬸故，起碼佢會氹我，你做過d咩？唉，唔講，再見喇M
arvin，再見，然後再見。」

我再拉落去，見到一篇名為《酒吧中》既短文，我向來唔引用別人說
話，但為求故事完整，不得不轉載如下：

「CJ每逢周末都會來這間酒吧，揮霍正倒數的青春。他雖是港大法
律系學生，惟飽食終日，無所用心，在大學裡的幾年，酒喝了很多，
書卻讀得很少。

酒吧內，CJ穿著花俏的恤衫，點了一杯冧酒，坐在一隅打量著酒客
。

驀地，一位妙齡女郎步入了酒吧，逕往吧檯坐下。她身材姣好，略施
脂粉，身穿一襲黑色全身短裙，一雙大眼睛閃爍著光芒，蓄爽朗的短
髮，正是CJ喜歡的類型。

CJ的雙眼盯著她不放，黑衣女郎對著卡仔一笑，笑得極媚。

CJ趨往吧檯，向女郎問道：『你自己一個嗎？我的名字是CJ。』

女郎嫣然一笑，說：『我的名字叫牧子。』

『你好面善，我好像在別處見過你。』

『是嗎，我才第一次來這間酒吧。』

『Insomnia，我喜歡這間酒吧的名字。因此我經常來。』

『你經常失眠嗎？』

CJ淡然搖搖頭，再點了一杯酒。和牧子言談甚歡。

CJ伸手去摟牧子，牧子像蛇一樣向CJ靠攏，活像無骨。放眼德己
立街，蘭桂芳遊人如鯽，酒不醉人人自醉，CJ今軟玉在懷，更是意
亂情迷。

『你靠得這樣近，不怕吃虧於我嗎？』CJ酒過三巡，顯得有點輕佻
。

牧子格格一笑，道：『那麼，請你立刻放開手吧，你我只不過只認識
了半句鐘。』然後她作勢掙開CJ，CJ自然摟得更緊了。牧子的手
摟著CJ的頸脖，CJ想也不想就吻了下去。

『你的樣子看起來很年輕，我看你大概還在唸書吧？』牧子微笑，臉
上濺起了一雙梨渦。

『我在港大唸法律，行將畢業了。』

『這麼巧，我也在港大唸書。』

『你哪一個系？』

『太空系，你不會看不起我吧？』

CJ呷了一口酒，不自覺地笑了。

夜深，德己立街除了酒之醇香，只餘下牧子的陣陣香氣點綴冷夜。

CJ招呼了一輛的士，送牧子回家。

『坦白告訴我，你有沒有女朋友？』

『有，我們在一起不知是五年、六年還是七年了。』在這當口，CJ
活像誠實好孩子。

牧子淡然一笑，給了CJ一個最甜蜜的吻，和一個假的電話號碼，轉
身便走。

從此以後CJ再也沒有見過牧子，她究竟有沒有在港大太空系畢業，
抑或已升上了香港大學，CJ不知道，也無從猜度。

CJ去Insomnia也去得更頻繁，酒也喝得越兇了。至於那短
髮的牧子，只於德己立街的凌晨在CJ之生命掠過一瞬，以後就再也
不曾到來。」

閱畢，輕輕講句「垃撚圾」，妒意驟生，我奮力將無味道既Subw
ay掉落荷花池，扔死JP Morgan既契哥與讀Law既CJ，引來幾個港大囡囡既異樣目
光，彷彿精神病會傳染。我呆坐冷冰冰既孫中山銅像腳邊，哼起當日
牧子唱俾我聽既明知故犯：「一切原是註定，因我跟你都任性...
....」

我無流過半滴眼淚，因為細佬同我講過：「逆轉裁判入面，有一句話
，哥，你要永遠記住：『真正的男人……只有在一切都結束的時候，
才會流淚。』」

幾星期後，我寫左個童話式既結局俾阿邦同埋阿杼，兌現左對阿予既
唯一承諾，但係我再無面目去見呢個女仔，我只係浪子，唔係踏七色
彩雲拯救佢既行者，我永遠有負於阿予，亦都唔會忘記呢隻冰室夜鶯
。

至於佢老母，我每一次睇虐待菲傭既新聞，都好怕係羅太被人拉：佢
係好媽媽之餘，放我一馬，無報警屈我姦佢個女，我遙望英皇道，衷
心祝願呢位美婦人安康多壽，無須同阿予講再見。

後來，我為左證明比牧子睇，我寫野叻過佢「求其係蘭桂芳搵」既C
J，我以牧子改既筆名「賈子」，寫下左呢個荒謬而又充滿謊言既小
說，名為《七不思議食女事件》。巧合既係，只須將「賈子」兩字稍
加修飾，就變成「賣字」，他朝若有一日出書賣字，本書與牧子既愛
情，俱為廉價既商品，係呢個社會，口袋有錢，就可一買一賣，屌我
啦，買我啦。

但係我唔會嬲牧子，因為我根本無資格。我只記得我同佢一切既好，
我無資格去要求復合，我同佢既感情，係第一次分手之後，已經係有
賺；白鴿巢既澳葡秋午，我永遠記得。

我是浪子，別泊岸。一日，經過Paul Smith，將原本用黎俾牧子交租既錢，一野轟落去Sales姐
姐到，買左對Paul Smith深藍鞋帶既黑皮鞋，再穿上媽媽燙既G2000西裝，G
el個周慕雲頭，打條靚呔，穿上Zara買既孖襟黑色大褸，背負
家庭榮辱，於中環某甲級寫字樓既大機構，準備見工。

「Oh you’re Marvin，it’s your turn now.」中年HR姐姐百般嬌媚，咀角一粒痣真箇銷魂。

「Nice to meet you. I’m Marvin from HKU.」我撥一撥頭髮，細細打量連身裙前方既拉鏈。

中女HR玉手纖纖，與我相握。就咁睇，呢條中女……有d姣。

(《七不思議食女事件》全文完)

[ 本帖最後由 賈子story 於 2014-3-2 07:23 PM 編輯 ]

我好鍾意個結局，佢唔係HAPPY ENDING，亦唔希望陳納邦有一個HAPPY ENDING，佢唔值得擁有

兩位女主(阿予同牧子)就慘....:smile_39:

讀港大又如何？除左識呃女人同收人老母十萬支票 你仲有咩用？

屌西，做賈子

食軟飯食到咁 仲衰過陳山聰

牧子...點解陳納邦要咁對牧子？

一錯再錯...

可惜...可悲...

比陳山聰還好，陳山聰只可以屌賭王女，賈子可以屌七個